1993 “Ŋwɛi Nitsɔɔmɔ” Yehowa Odasefoi a-Kpokpaa Wulu nɔ Kpee
1 Mɛi 106,514 lɛ fɛɛ ni ba 1992 “La Hiɛlɔi” Kpokpaa Wulu nɔ kpeei lɛ ashishi yɛ Ghana lɛ ha hiɛsɔɔ kɛha hegbɛ ni amɛna akɛ amɛaasɔmɔ akɛ la hiɛlɔi yɛ jeŋ ko ni mli ewo duŋ mli lɛ tee hiɛ. (2 Pet. 1:19) Kwɛ miishɛɛ ni eji akɛ wɔɔna suɔlɔi 1,792 ni amɛkɛ nu mli baptisimɔ afee amɛ henɔjɔɔmɔ he okadi ni amɛbafata la hiɛlɔi akuu ni yɔɔ miishɛɛ lɛ ahe! Bɔni afee ni amɛfee mɛi ni he esa lɛ, ehe miihia ni la hiɛlɔi akase wɔ Tsɔɔlɔ ni Fe Fɛɛ lɛ kɛ Tsɔɔlɔ Kpeteŋkpele lɛ. Wɔyɛ sane ni “sɛɛnamɔ yɔɔ he” diɛŋtsɛ, ni afi nɛɛ “Ŋwɛi Ŋitsɔɔmɔ” Kpokpaa Wulu nɔ kpeei lɛ baaye abua wɔ ni wɔhe asa babaoo yɛ gbɔmɛi lɛ atsuii ni wɔɔha sane ni he hiaa nɛɛ abote mli lɛ mli. (Lala 119:160; Mat. 28:20) Maŋsɛɛ sanekpakpa shiɛlɔi ni yɔɔ jeŋ fɛɛ lɛ miito gbɛjianɔ bianɛ koni amɛya nɛkɛ kpeei nɛɛ yɛ maji ni amɛjɛ mli lɛ amli. Ani bo kɛ oweku Iɛ miito gbɛjianɔ ni tamɔ nakai nɔŋŋ? Mɛni hewɔ owooo o-Biblia kaselɔi lɛ hewalɛ koni amɛba mumɔŋ okpɔlɔŋmɛɛ nɛɛ shishi?
2 Bɔɔ mɔdɛŋ ni oto okpee he gbɛjianɔ Iɛ jogbaŋŋ kɛ sɔlemɔ koni onyɛ ohi jɛmɛ ni ona gbii ejwɛ mumɔŋ gbɛjianɔtoo ni miishɛɛ yɔɔ mli nɛɛ fɛɛ he sɛɛ, kɛjɛ lala ni akɛjeɔ shishi lɛ nɔ kɛyashi sɔlemɔ ni akɛkpaa kpee Iɛ nɔ. Jɛɛ suɔmɔ mli okɛ mɛi ni yelikɛbuamɔ he baahia amɛ, titri lɛ mɛi heei ni yɔɔ wiemɔ lɛ he miishɛɛ lɛ afata ogbɛjianɔtoo lɛ he, koni amɛnyɛ amɛba kpee lɛ fɛɛ. (Gal. 6:10) Gbɛjianɔtoo lɛ jeɔ shishi Soo 1:20 p.m. ni ebaa naagbee aaatee 5:00 p.m. Yɛ Sohaa kɛ Hɔɔ fɛɛ lɛ gbɛjianɔtoo Iɛ jeɔ shishi 9:20 a.m. ni ebaa naagbee kɛ lala kɛ sɔlemɔ aaatee 5:00 p.m. Hɔgbaa leebi kpee lɛ jeɔ shishi 9:20, ni gbi lɛ gbɛjianɔtoo lɛ baa naagbee aaatee 4:10 p.m. Adafitswaa ni nyiɛ sɛɛ nɛɛ baaye abua nyɛ yɛ nyɛ shishijee gbɛjianɔtoo lɛ mli.
3 He Ni Obaaya Yɛ: Ato gbɛjianɔ koni kɛ ebaahi Iɛ, kpokpaa fɛɛ kpokpaa, aloo kɛ ehe miihia lɛ efa ko aya kpokpaa wulu nɔ kpee Iɛ mli nɔ ni bɛŋkɛ amɛ fe fɛɛ Iɛ. Akɛ emli saji titrii Iɛ eha yɛ nɔ ni aŋma ahɔ mli nɛɛ baafa 6. Ni wɔɔna sɛii ni fa bɔ ni sa, kɛ woji, niyenii, wɔɔhei kɛ nibii krokomɛi lɛ damɔ mɔdɛŋ ni wɔɔbɔ koni shiɛlɔi lɛ ateŋ mɛi babaoo aya kpeei lɛ yɛ hei ni atsɔɔ ni amɛ asafoi lɛ aya lɛ nɔ. No hewɔ lɛ aaawo asafoi fɛɛ hewalɛ ni amɛkɛ gbɛjianɔ ni ato nɛɛ atsu nii kɛmɔ shi. Enɛ he miihia waa diɛŋtsɛ, titri lɛ yɛ asafoi ni yɔɔ maŋtiasei amli Iɛ gbɛfaŋ.
4 Kɛ abaafee kpeei enyɔ yɛ wiemɔ kome too lɛ nɔŋŋ mli yɛ maŋtiase lɛ mli yɛ otsii anaagbee enyɔ ni tsara nɔ mli lɛ, ekolɛ nyɛmimɛi komɛi baasumɔ ni amɛya kpeei enyɔ lɛ fɛɛ. Eyɛ mli akɛ ekolɛ enɛ baaha amɛna hegbɛi babaoo kɛha amɛhe hewalɛwoo moŋ, shi kɛlɛ ekɛ naagbai komɛi baa yɛ nibii ni akɛtsuɔ nii ni akɛfeɔ kpee lɛ gbɛfaŋ, no hewɔ lɛ ehaaa yiŋtoo hewɔ ni wɔsumɔɔɔ ni wɔyi afa tsɔ fe nine yɛ he kome, koni kpee shishi nitsumɔ lɛ hu akafa tsɔ lɛ aye omanye. Yɛ enɛ hewɔ lɛ wɔmiibi ni nyɛmimɛi ni yɔɔ maŋtiasei amli lɛ aya kpee ni ato akɛ amɛya yɛ nakai maŋtiase lɛ mli lɛ pɛ. Kɛ ootao oya kpee ni ji enyɔ, shi jeee yɛ maŋtiase nɛɛ nɔŋŋ mli lɛ, no lɛ ejeee naagba ko kɛha wɔ. Akɛ kpee shishi nitsumɔi komɛi ni he hiaa woɔ nyɛmimɛi lɛ ekomɛi adɛŋ ni amɛtsuɔ he nii, ni yɛ enɛ hewɔ lɛ ehaaa amɛnu kpee Iɛ shishi wiemɔi lɛ ekomɛi. Wɔmiijie nyɛmimɛi nɛɛ yɛ enɛ mli, bɔni afee ni amɛnyɛ amɛya kpee ni ji enyɔ ni abaafee yɛ nakai maŋtiase lɛ nɔŋŋ mli Iɛ. Kɛfata he lɛ, kɛji wiemɔ he naagba hewɔ lɛ, nyɛmimɛi komɛi baasumɔ ni amɛya kpee Iɛ yɛ maŋtiase kroko mli, shi jeee he ni atsɔɔ ni amɛ asafo lɛ aya Iɛ, no hu gbɛ yɛ akɛ amɛfeɔ nakai.
5 Yɛ asafoi ni yɔɔ shɔŋŋ lɛ agbɛfaŋ lɛ, ekolɛ nibii tamɔ wiemɔ, tsɔne ni amɛkɛbaaya, kɛ gbɛ lɛ jɛkɛmɔ baaha efee nɔ ni hi jogbaŋŋ kɛha amɛ akɛ amɛaaya kpee lɛ yɛ he kroko moŋ fe he ni ato ni amɛya lɛ. Akɛ nɔkwɛmɔ nɔ lɛ, ekolɛ Kasoa kɛ Nyanyanu asafoi lɛ baasumɔ ni amɛya Accra “A” loo Accra “C” kpee lɛ fe ni amɛaaya Swedru. Nakai nɔŋŋ hu eyɛ mli akɛ ato gbɛjianɔ koni asafoi ni yɔɔ Kpokpai 12B lɛ aya kpee lɛ yɛ Accra moŋ, shi ekolɛ amɛteŋ mɛi komɛi baana akɛ Hohoe kpee lɛ moŋ yaa baafee mlɛo aha amɛ. Nakai asafoi lɛ yɛ hegbɛ ni amɛhalaa he ni amɛbaaya. Kɛ asafo ko kpɛ eyiŋ akɛ amɛbaaya kpee kroko ni jeee nɔ ni ato ni amɛya lɛ, no lɛ esa akɛ amɛtswa kpokpaa nɔkwɛlɔ lɛ adafi koni ekato amɛsaramɔ be he gbɛjianɔ kɛmiiha nakai otsi ni amɛbaaya kpee lɛ.
6 Tsũ He Gbɛjianɔtoo: Wɔkɛ tsubimɔ woji miimaje asafo fɛɛ asafo. Kɛ wɔɔhe he baahia bo kɛtsɔ kpee he gbɛjianɔtoo lɛ nɔ lɛ, no Iɛ ofainɛ ŋmalamɔ Room Request wolo lɛ ekome nɔ ni okɛmaje kɛya kpee ni obaaya lɛ shishi. ESAAA akɛ akɛ tsubimɔ wolo lɛ kɛ kpee lɛ he woji krokomɛi Iɛ majeɔ kɛbaa nitsumɔ he nine ni yɔɔ Accra lɛ.
7 Hiamɔ Nii Krɛdɛɛ: Nɛkɛ gbɛjianɔtoo nɛɛ yɛ kɛha shiɛlɔi ni feɔ nɔkwɛmɔ nɔ kpakpa, kɛ amɛbii ni baa amɛjeŋ jogbaŋŋ ni Asafo Sɔɔmɔ Ajinafoi Akuu lɛ baakpɛlɛ amɛnɔ lɛ pɛ. Esa akɛ asafoi ni nyɛmimɛi ni yɔɔ hiamɔ nii krɛdɛɛ yɔɔ mli lɛ ato gbɛjianɔ ni amɛye amɛbua amɛ. Onukpai kɛ nyɛmimɛi krokomɛi ni le mɔ aŋkro ko hiamɔ nii lɛ baanyɛ ajɛ amɛ suɔmɔ mli amɛyɛ amɛbua nakai mɔ lɛ. Bei pii lɛ, enɛ biɔ ni shiɛlɔi lɛ asusu mɛi ni yɔɔ be-fɛɛ sɔɔmɔ lɛ mli, mɛi ni edara yɛ afi amli, mɛi ni bɛ gbɔmɔtsoŋ hewalɛ, kɛ ekolɛ mɛi krokomɛi ni tamɔ nakai lɛ ahiamɔ nii ahe. Ni shiɛlɔi lɛ baanyɛ aye abua kɛtsɔ ya ni amɛkɛ amɛ aaaya loo amɛhiamɔ nii ni amɛaatsu he nii yɛ gbɛi krokomɛi anɔ lɛ nɔ.—Yak. 2:15-17; 1 Yoh. 3:17, 18.
8 Mɛi ni kwɛɔ tsũi ataomɔ nɔ lɛ baabɔ mɔdɛŋ ni amɛna wɔɔhe ni sa amɛha shiɛlɔi ni yɔɔ hiamɔ nii krɛdɛɛ lɛ, kɛ́ mɛi ni yɔɔ asafo lɛ mli lɛ nyɛŋ aye abua amɛ. Shiɛlɔi nɛɛ kɛ asafo lɛ woloŋmalɔ lɛ baagba amɛhiamɔ nii ahe sane. Esa akɛ woloŋmalɔ lɛ kɛ Asafo lɛ Sɔɔmɔ Ajinafoi lɛ awie he koni ekwɛ akɛ ani asafo lɛ baanyɛ aye abua nɛkɛ aŋkroaŋkroi nɛɛ koni amɛna amɛ diɛŋtsɛ amɛ wɔɔhe. Kɛ asafo lɛ nyɛŋ aye abua lɛ, woloŋmalɔ lɛ kɛ Room Request wolo lɛ eko baaha amɛ. Mɔ ni taoɔ tsu lɛ baaŋma nɔ ni ataoɔ lɛ yɛ nɔ koni ekɛha woloŋmalɔ lɛ, ni lɛ hu ebaakwɛ akɛ ani nɔ fɛɛ nɔ ja yɛ nɔ lo, kɛ shihilɛ mli ni mɔ lɛ yɔɔ ni ehe hiaa akɛ atao tsu aha lɛ lɛ. Esa akɛ akadi wolo lɛ nɔ akɛ “Special Needs.” Esa akɛ woloŋmalɔ lɛ aŋma wolo ni EKƐTSƆƆ MLI FITSOFITSO. Kɛkɛ lɛ woloŋmalɔ lɛ kɛ tsubimɔ wolo lɛ baaha Rooming Department ni tsuɔ he nii lɛ. Esa akɛ afee enɛ dani kpee be lɛ ashɛ. Mɛi ni yɔɔ hiamɔ nii krɛdɛɛ nɛɛ kɛ Asafoŋ Sɔɔmɔ Ajinafoi nɛɛ ateŋ mɔ kome aya Rooming Department lɛ kɛ amɛshɛ kpee lɛ shishi pɛ.
9 Niyenii He Gbɛjianɔtoo: Yɛ gbɛjianɔtoo ni haa wɔfeɔ nibii yɛ gbɛ ni yɔɔ mlɛo nɔ lɛ kɛ nitsumɔ hewɔ lɛ, abaato niyenii ni ehoomɔ waaa shi ehi jogbaŋŋ hu he gbɛjianɔ. Asafo lɛ hiɛ esɔ bɔ ni nyɛfi gbɛjianɔtoo nɛɛ sɛɛ yɛ tsutsu kpeei ni wɔfee lɛ ashishi lɛ waa diɛŋtsɛ, no hewɔ lɛ aawo wɔ hewalɛ ni wɔyahe niyenii ni abaato he gbɛjianɔ aha wɔ yɛ niyeli he lɛ, yɛ kpee ni wɔbaaya lɛ shishi.
10 Tamale Kpee: Abaafee “Ŋwɛi Nitsɔɔmɔ” Kpokpaa Wulu nɔ kpeei lɛ ekome yɛ Tamale kɛjɛ January 13-16, 1994. Taakɛ wɔfɔɔ feemɔ lɛ, abaato gbɛjianɔ krɛdɛɛ aha bɔs ni kɛ mɛi ni sumɔɔ ni baajɛ Wuoyigbɛ amɛyaye amɛbua Tamale kpee Iɛ baaya. Abaaha asafoi lɛ anine ashɛ ehe gbɛjianɔtoo nɔ yɛ sɛɛ mli. Yiŋtoo lɛ ji ni aye odase babaoo yɛ Tamale. No hewɔ lɛ aawo mɛi ni toɔ gbɛjianɔ ni amɛya lɛ hewalɛ ni amɛkɛ amɛhe awo odaseyeli diɛŋtsɛ kɛ trukaa odaseyeli mli yɛ be mli ni amɛyɔɔ Tamale lɛ. Dani be nɛɛ aaashɛ lɛ, wɔmiiwo mɛi ni yɔɔ he miishɛɛ lɛ fɛɛ hewalɛ ni amɛje shishi amɛsaa amɛhe amɛha kpee lɛ.
11 Nitsumɔ ni Tsɔɔ kpee Hiɛ: Wɔyɛ hiɛnɔkamɔ akɛ taakɛ nyɛfee yɛ tsutsu lɛ, nyɛbaaje nyɛtsui muu fɛɛ mli nyɛye nyɛbua yɛ nitsumɔ ni tsɔɔ kpee hiɛ lɛ mli. Taakɛ afɔɔ feemɔ lɛ, abaama agba, abaatao tsũi kɛha wɔɔhe, kɛ nitsumɔi krokomɛi. Wɔmiiwo nyɛ fɛɛ hewalɛ koni nyɛto gbɛjianɔ bianɛ ni nyɛkɛ nyɛhe awo nitsumɔ ni he hiaa nɛɛ mli, jeee yɛ otsii lɛ anaagbee pɛ, shi yɛ otsi Iɛ mli gbii lɛ ekomɛi amli. Yɛ enɛ sɛɛ lɛ, aawo nyɛ hewalɛ ni nyɛkɛ nyɛhe awoa volunteer nitsumɔ lɛ mli yɛ kpee ni nyɛbaaya lɛ shishi.
12 Kpee Shishi Badge kɛ nɔ ni Akɛhɔɔ Mli Lɛ: Aawo asafo fɛɛ asafo ŋaa ni amɛkɛ 1991-1992 Literature Order Form (S14) , lɛ atsu nii ni amɛkɛshɛ badge kɛ plastic ni akɛhɔɔ mli lɛ kɛha “Ŋwɛi Nitsɔɔmɔ” Kpokpaa Wulu nɔ kpee lɛ. Nyɛfainɛ nyɛkwɛa ni nyɛŋmaa nɔ fɛɛ nɔ fɛfɛo yɛ nɔ ni nyɛkɛ ekome amajea Asafo lɛ amrɔ nɔŋŋ koni atsu kpee he nibii ni nyɛtaoɔ nɛɛ ahe nii yɛ be ni sa mli. Nyɛhaa ahia nyɛjwɛŋmɔ mli akɛ nyɛnaŋ badge kɛ nɔ ni akɛhɔɔ mli lɛ eko yɛ kpeei lɛ ashishi.
13 Lalai: Lalai ni ato he gbɛjianɔ akɛ abaala yɛ kpee lɛ shishi lɛ nyiɛ sɛɛ nɛɛ, ni ato naa yɛ bɔ ni amɛbaatsara nɔ lɛ naa: 91, 59, 111, 148, 191, 113,114, 164, 183, 166, 156, 202, 105, 151, 181, 70, 42, 106, 53, 79, 85. Aawo bo hewalɛ ni ofata he kɛla yɛ be mli ni atswaa saŋku-Ialai lɛ yɛ kpee lɛ shishi lɛ.
14 Wiemɔi ni Amamɔɔ loo Video Mfoniri-Shamɔi: Taakɛ eji yɛ tsutsu lɛ, Asafo lɛ etoŋ gbɛjianɔ ko kɛhaŋ wiemɔi Ioo drama Iɛ mɔɔmɔ yɛ kpaa nɔ. Esa akɛ aŋkroaŋkroi ni baamɔmɔ wiemɔi Iɛ yɛ kpaai anɔ kɛha amɛhe Iɛ afee nakai yɛ gbɛ ni gbaŋ mɛi ni eba kpee Iɛ shishi Iɛ anaa loo egbalaŋ amɛjwɛŋmɔ kɛjɛŋ wiemɔ Iɛ nɔ lɛ naa. Titri lɛ, esaaa akɛ amɛtaa sarawa hewalɛ kpaa loo wiemɔ adekai lɛ asɛɛ kpaai lɛ ahe. Wɔhiɛ baasɔ ekome ni nyɛkɛ wɔ aaafee yɛ enɛ mli lɛ waa diɛŋtsɛ.
15 Naagbee: Bɔni afee ni aye abua Yehowa Odasefoi fɛɛ yɛ mɔdɛŋ ni wɔbɔɔ koni wɔtsu wɔnitsɔɔmɔ nitsumɔ lɛ wɔgbe naa Iɛ, Yehowa etsɔ egbɛjianɔtoo lɛ nɔ ekɛ “Ŋwɛi Nitsɔɔmɔ” Kpokpaa Wulu nɔ Kpeei nɛɛ eha. Nɛkɛ gbii ejwɛ kpeei nɛɛ baaje shishi yɛ maŋ nɛɛ mli yɛ Soo, December 23, 1993, ni ebaaba naagbee yɛ Hɔgbaa, January 16, 1994. Eba akɛ Yehowa tsulɔ fɛɛ tsulɔ ni ejɔɔ ehe nɔ kɛ mɛi ni yɔɔ wiemɔ Iɛ he miishɛɛ Iɛ fɛɛ aaana nɔmimaa yɛ kɛ hoo Iɛ kpee nɛɛ ekome ni amɛaaya lɛ he, ni ehi jɛmɛ ni ebo wiemɔ lɛ toi jogbaŋŋ kɛjɛ lala kɛ sɔlemɔ ni akɛgbeleɔ kpee lɛ nɔ yɛ Soo shwane kɛyashi naagbee sɔlemɔ Iɛ nɔ yɛ Hɔgbaa shwane.—Okɛto 5 Mose 31:12 he.