Okɛ Miishɛɛ Aku Osɛɛ Ni Oyaye Obua Mɛi Ni Yɔɔ He Miishɛɛ Lɛ
1 Mɔ fɛɛ mɔ ni kɛ ehe woɔ shia kɛ shia nitsumɔ lɛ mli lɛ miisumɔ ni eye ebua mɛi ni yɔɔ wiemɔ lɛ he miishɛɛ lɛ. Yelikɛbuamɔ ni tamɔ nɛkɛ ni wɔkɛhaa lɛ haa wɔnaa miishɛɛ kɛ tsui ni nyɔɔ mɔ mli babaoo. (Okɛto Lala 126:5, 6 he.) Enɛ biɔ ni wɔsaa wɔhe.
2 Hesaamɔ jeɔ shishi kɛ saji ni he hiaa lɛ ni wɔɔŋmala fɛɛ yɛ wɔ shia kɛ shia kadimɔ wolo lɛ nɔ. Ŋmaa sane ni nyɛwie he beni otee jɛmɛ klɛŋklɛŋ kwraa lɛ kɛ shiatsɛ lɛ nifeemɔ ofɔ shi. Obaanyɛ oŋma bɔ ni obaasumɔ ni oje sanegbaa lɛ shishi oha beni oku osɛɛ lɛ po ofɔ shi.
3 Akɛ nɔkwɛmɔ nɔ Iɛ, kɛ owie Nuŋtsɔ lɛ Sɔlemɔ lɛ he pɛ shishijee mli ni okɛ “Nɔyeli” wolo bibioo lɛ ha lɛ lɛ, obaanyɛ okɛɛ nɔ ko kuku ko ni tamɔ nɛkɛ:
◼ “Beni miba biɛ lɛ, wɔsusu bɔ ni abaafee Nyɔŋmɔ Suɔmɔnaa nii yɛ shikpɔŋ nɔ lɛ he, ni akɛ toiŋjɔlɛ baaba wɔshihilɛ mli nibii fɛɛ mli. Ofainɛ kadimɔ nɔ ni wolo bibioo ni mikɛha bo lɛ kɛɔ yɛ baafa 29 yɛ jɔɔmɔi krokomɛi ni Nyɔŋmɔ Maŋtsɛyeli Iɛ kɛbaaba abaha adesai lɛ he.”
4 Kɛ mɔ lɛ tamɔ mɔ ko ni heee Nyɔŋmɔ nɔ eyeee lɛ, kɛɛmɔ nɔ ko ni tamɔ nɛkɛ:
“Beni miba biɛ lɛ, wɔsusu sane ni Paulo tsi ta yɛ Hebribii 3:4 lɛ he, ni wɔkɛ sane-naatsɔɔmɔ ni ja ni baaha wɔmu sane naa akɛ nibii fɛɛ a-Feelɔ ko ni ji nilelɔ ko yɛ lɛ mamɔ shi.” Kanemɔ ŋmalɛ lɛ ekoŋŋ ni ogbala ejwɛŋmɔ kɛya wolo bibioo Ani Nyɔŋmɔ Susuɔ Wɔhe Lɛlɛŋ? lɛ baafai 4 kɛyashi 9 ni okɛtsa oshishijee sanegbaa lɛ nɔ. Bi sane lɛ ni okane kuku Iɛ, ni oŋmɛ gbɛ ni shiatsɛ lɛ aha sanebimɔ lɛ hetoo. Kɛ esa lɛ, bi ni ekɛ ewolo bibioo lɛ aba koni nyɛ fɛɛ nyɛsusu sane lɛ he.
5 Kɛ shiatsɛ lɛ tamɔ mɔ ni tsui enyɔ emli yɛ heloo naa nibii ni eyɔɔ loo yɛ nɔ kroko he, beni otee jɛmɛ klɛŋklɛŋ kwraa lɛ, obaanyɛ ogbala ejwɛŋmɔ kɛya dɛhiɛmɔ wolo, Ani Je Nɛɛ Baaya nɔ Ahi Shi? lɛ nɔ, ni okane nɔ ni atsɔɔ yɛ baafa 6 lɛ. Bi shiatsɛ lɛ kɛ eesumɔ ni ehi shi yɛ shikpɔŋ nɔ paradeiso fɛfɛo ko mli. Bɔni afee ni ole miishɛɛ ni eyɔɔ lolo yɛ he lɛ, obaanyɛ obi lɛ ni ewie mfoniri loo wiemɔ ko ni woɔ mɔ hewalɛ ni yɔɔ wolo tɛtrɛɛ ni okɛtsuɔ nii lɛ mli lɛ he.
6 Obaanyɛ okɛ gbɛ ni tamɔ nɛkɛ atsu nii yɛ sane ko ni okane yɛ Buu-Mɔɔ loo Awake! lɛ mli lɛ he. Gbalamɔ ejwɛŋmɔ kɛya sane ni okɛ lɛ susu he beni oba eŋɔɔ klɛŋklɛŋ kwraa lɛ nɔ, ni otsi sane kroko ni yɔɔ miishɛɛ yɛ wolo lɛ nɔŋŋ mli loo ekroko ni ohiɛ lɛ mli lɛ ta. Kɛ aaahi lɛ, okɛ lɛ fɛɛ akane ŋmalɛ ko ni obi ni shiatsɛ lɛ awie ŋmalɛ lɛ he.
7 Ha oti ni ji shia Biblia mli nikasemɔ ni oooje shihilɛ ahi ojwɛŋmɔ mli. Efɔɔ kaa akɛ eheɔ sɛɛsaramɔi pii dani miishɛɛ lɛ shɛɔ he ni tamɔ nakai. Jiemɔ miishɛɛ diɛŋtsɛ kpo yɛ shiatsɛ lɛ he kɛtsɔ osɛɛ ni oooku kɛaaya eŋɔɔ mra nɔ.
8 Sanekpakpa lɛ ni wɔjajeɔ lɛ kɛ miishɛɛ babaoo baa. (Luka 2:10) Kɛ mɛi ni yɔɔ wiemɔ lɛ he miishɛɛ lɛ kpɛlɛ wɔ mɔdɛŋ bɔi anɔ lɛ, enɛ haa wɔnaa miishɛɛ (Fil. 4:1) Nyɛhaa wɔnaa miishɛɛ ni tamɔ nɛkɛ kɛtsɔ wɔsɛɛ ni wɔɔku ni wɔyaye wɔbua mɛi ni yɔɔ wiemɔ lɛ he miishɛɛ ni wɔnaa amɛ yɛ shiɛmɔ mli lɛ nɔ.