Saji Ni Wɔbaanyɛ Wɔtsɔɔ Mɛi Kɛjɛ Biblia Lɛ Mli

Yesu kɛɛ kɛ́ mɛi ni hiɛ tsui kpakpa lɛ nu sane ni wɔshiɛɔ lɛ, amɛbaayɔse akɛ no ji anɔkwale lɛ. (Yoh. 10:​4, 27) No hewɔ lɛ, be fɛɛ be ni wɔkɛ mɔ ko baagba sane lɛ, esa akɛ wɔbɔ mɔdɛŋ wɔgba lɛ nibii ni wɔkase yɛ Biblia lɛ mli lɛ ahe nɔ ko fioo. Wɔbaanyɛ wɔkɛ sanebimɔ ko tamɔ: “Ani ole akɛ . . . ?” loo “Ani onu akɛ . . . ?” asaa mɔ lɛ jwɛŋmɔ kɛhã Biblia mli sane ni wɔtaoɔ wɔkɛɛ lɛ lɛ. No sɛɛ lɛ, wɔbaanyɛ wɔkɛ lɛ asusu ŋmalɛ kome loo enyɔ ni kɔɔ nakai sane lɛ he lɛ he. Biblia mli sane kuku ko tamɔ nɛkɛ ni wɔkɛ mɔ lɛ baawie he lɛ baanyɛ afee tamɔ anɔkwale dumɔwu ko ni wɔdu yɛ etsui mli, ni Nyɔŋmɔ baanyɛ ehã nakai wu lɛ ada!—1 Kor. 3:​6, 7.

• Wɔsɛɛ

• Weku Shihilɛ

• Nyɔŋmɔ

• Sɔlemɔ

• Yesu

• Nyɔŋmɔ Maŋtsɛyeli

• Nibii Fɔji Ni Baa Mɛi Anɔ

• Gbele

• Nyɔŋmɔjamɔ

WƆSƐƐ

1. 1. Nibii gbohii ni yaa nɔ kɛ bɔ ni mɛi feɔ amɛnii lɛ tsɔɔ akɛ, etsɛŋ nibii baatsake.—Mat. 24:​3, 7, 8; Luka 21:​10, 11; 2 Tim. 3:​1-5.

2. 2. Shikpɔŋ lɛ baahi shi kɛya naanɔ.—Lala 104:5; Jaj. 1:4.

3. 3. Shikpɔŋ lɛ baatsɔ paradeiso fɛfɛo.—Yes. 35:​1, 2; Kpo. 11:18.

4. 4. Hela mɔŋ mɔ ko dɔŋŋ.—Yes. 33:24; 35:​5, 6.

5. 5. Obaanyɛ ohi shi kɛya naanɔ yɛ shikpɔŋ lɛ nɔ.—Lala 37:29; Mat. 5:5.

WEKU SHIHILƐ

1. 6. Esa akɛ nuu “asumɔ eŋa tamɔ lɛ diɛŋtsɛ ehe.”—Efe. 5:33; Kol. 3:19.

2. 7. Esa akɛ yoo abu ewu waa.—Efe. 5:33; Kol. 3:18.

3. 8. Esa akɛ nuu lɛ aye yoo lɛ anɔkwa, ni yoo lɛ hu aye nuu lɛ anɔkwa.—Mal. 2:16; Mat. 19:​4-6, 9; Heb. 13:4.

4. 9. Bii ni buɔ amɛfɔlɔi ni amɛboɔ amɛ toi lɛ, ehiɔ ehãa amɛ.—Abɛi 1:​8, 9; Efe. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NYƆŊMƆ

1. 10. Nyɔŋmɔ yɛ gbɛ́i.—Lala 83:18; Yer. 10:10.

2. 11. Nyɔŋmɔ ehã wɔle esusumɔ yɛ saji ahe.—2 Tim. 3:​16, 17; 2 Pet. 1:​20, 21.

3. 12. Nyɔŋmɔ kwɛɛɛ mɛi ahiɛiaŋ; ejieee nii amli.—5 Mo. 10:17; Bɔf. 10:​34, 35.

4. 13. Nyɔŋmɔ miisumɔ ni ewa wɔ.—Lala 46:1; 145:​18, 19.

SƆLEMƆ

1. 14. Nyɔŋmɔ miisumɔ ni wɔsɔle wɔhã lɛ.—Lala 62:8; 65:2; 1 Pet. 5:7.

2. 15. Biblia lɛ tsɔɔ wɔ bɔ ni asɔleɔ ahãa.—Mat. 6:​7-13; Luka 11:​1-4.

3. 16. Esa akɛ wɔsɔle daa.—Mat. 7:​7, 8; 1 Tes. 5:17.

YESU

1. 17. Yesu ji tsɔɔlɔ ni nɔ bɛ, ni kɛ́ wɔkɛ eŋaawoi lɛ tsu nii ŋmɛnɛ lɛ, wɔbaaná he sɛɛ.—Mat. 6:​14, 15, 34; 7:12.

2. 18. Yesu gba akɛ nibii ni yaa nɔ ŋmɛnɛ lɛ baaba.—Mat. 24:​3, 7, 8, 14; Luka 21:​10, 11.

3. 19. Yesu ji Nyɔŋmɔ Bi.—Mat. 16:16; Yoh. 3:16; 1 Yoh. 4:15.

4. 20. Jeee Yesu ji Nyɔŋmɔ Ofe lɛ.—Yoh. 14:28; 1 Kor. 11:3.

Based on NASA/Visible Earth imagery

NYƆŊMƆ MAŊTSƐYELI

1. 21. Nyɔŋmɔ Maŋtsɛyeli lɛ ji nɔyeli diɛŋtsɛ ni yɔɔ ŋwɛi.—Dan. 2:44; 7:​13, 14; Mat. 6:​9, 10; Kpo. 11:15.

2. 22. Nyɔŋmɔ Maŋtsɛyeli lɛ baaye nɔyelii fɛɛ ni yɔɔ je lɛ mli lɛ najiaŋ.—Lala 2:​7-9; Dan. 2:44.

3. 23. Nyɔŋmɔ Maŋtsɛyeli lɛ pɛ baanyɛ atsu naagbai ni yɔɔ je lɛ mli lɛ ahe nii.—Lala 37:​10, 11; 46:9; Yes. 65:​21-23.

NIBII FƆJI NI BAA MƐI ANƆ

1. 24. Jeee Nyɔŋmɔ ni hãa nibii fɔji baa wɔnɔ.—5 Mo. 32:4; Yak. 1:13.

2. 25. Satan ni yeɔ je nɛɛ nɔ.—Luka 4:​5, 6; 1 Yoh. 5:19.

3. 26. Nyɔŋmɔ miina akɛ oopiŋ, ni eesumɔ ni eye ebua bo.—Lala 34:​17-19; Yes. 41:​10, 13.

4. 27. Etsɛŋ Nyɔŋmɔ baahã wɔnaagbai lɛ fɛɛ sɛɛ afo.—Yes. 65:17; Kpo. 21:​3, 4.

GBELE

1. 28. Mɛi ni egboi lɛ leee nɔ ko nɔ ko, ni amɛpiŋŋ hu.—Jaj. 9:5; Yoh. 11:​11-14.

2. 29. Mɛi ni egboi lɛ nyɛŋ amɛwa wɔ, ni amɛnyɛŋ amɛfee wɔ efɔŋ ko hu.—Lala 146:4; Jaj. 9:​6, 10.

3. 30. Abaatee wɔwekumɛi kɛ wɔnanemɛi ni egboi lɛ ashi.—Hiob 14:​13-15; Yoh. 5:​28, 29; Bɔf. 24:15.

4. 31. Gbele sɛɛ baafo.—Kpo. 21:​3, 4; Yes. 25:8.

NYƆŊMƆJAMƆ

1. 32. Jeee jamɔi fɛɛ Nyɔŋmɔ náa he miishɛɛ.—Yer. 7:11; Mat. 7:​13, 14, 21-23.

2. 33. Nyɔŋmɔ sumɔɔɔ mɛi ni feɔ osato.—Yes. 29:13; Mika 3:11; Mar. 7:​6-8.

3. 34. Suɔmɔ ji nɔ ni hãa ayɔseɔ mɛi ni Nyɔŋmɔ yɔɔ amɛjamɔ lɛ he miishɛɛ.—Mika 4:3; Yoh. 13:​34, 35.