Mbaʼépa ereko vaʼerã enkuénta rejapo jave estúdio bíblico

Ani reñeʼẽterei: Ani repensa tekotevẽha nde reexplikapaite ne estudiántepe entéro mbaʼe. Jesús oipuru vaʼekue pregúnta ikatu hag̃uáicha oipytyvõ umi héntepe ontende hag̃ua upe omboʼeséva chupekuéra (Mt 17:24-27). Pe estúdio ningo igustovéta rejapóramo pregúnta, pórke umi pregúnta rupive rehechakuaáta ne estudiánte ontende ha ogueroviápa hína pe téma pestudiáva (be páh. 253 párr. 2, 3). Rejapo jave chupe peteĩ pregúnta, nepasiénsia vaʼerã ha pyʼaguapýpe porãnte ehaʼarõ orresponde ndéve. Ha orresponde vaíramo, ikatu reipuru ótra pregúnta oipytyvõtava chupe haʼete ohechakuaa hag̃ua mbaʼépa hína la rrespuésta (be páh. 237 párr. 5–páh. 238 párr. 1). Reñeʼẽ vaʼerã mbeguekatúnte remyesakã jave peteĩ téma ipyahúva pe estudiántepe g̃uarã (be páh. 230 párr. 4).

Ani rekomplikaiterei: Natekotevẽi ningo remombeʼupaite voi opa mbaʼe reikuaamíva upe téma pestudiávagui (Jn 16:12). Upéva rangue emyesakã porã vaʼerã pe mbaʼe iñimportantevéva omboʼeséva hína pe párrafo (be páh. 226 párr. 4–páh. 227 párr. 1). Reñeʼẽramo hetaiterei mbaʼére, amo ipahápe noñentendemoʼãi jey mbaʼépa hína la idéa prinsipál (be páh. 235 párr. 3). Rehechakuaa vove ne estudiánte ontendemaha pe idéa prinsipál, pehasántema vaʼerã pe ótro párrafope.

Ani restudiánte hendive pe informasión: Ñande ningo jaipota opoko ñane estudiánte korasõre umi mbaʼe ñamboʼéva chupe, ndahaʼéi ñambostudiapasénteva chupe peteĩ puvlikasión (Lu 24:32). Upévare relee vaʼerã hendive umi téxto kláve oĩva pe leksiónpe (2Co 10:4; Heb 4:12; be páh. 144 párr. 1-3). Reipuru vaʼerã avei umi ehémplo ikonosídova (be páh. 245 párr. 2-4). Epensa vaʼerã avei umi mbaʼe ohasávare hína ne estudiánte ha ereko enkuénta umi mbaʼe ogueroviáva, upéicha ikatúta reipytyvõ porãve chupe. Ikatu avei rejapo chupe koʼãichagua pregúnta: “¿Mbaʼépa nde repensa ko reaprendévare?” “¿Mbaʼépa nemboʼe Jehovágui?” “¿Mbaʼéichapa nepytyvõta remoĩramo en práktika ko konsého?” (be páh. 238 párr. 2-4; páh. 259 párr. 2).