¿Monsotre brare kristiano ye raba nemen ño ünä ja üairebiti?

1. ¿Ja mräkätre brare bati kristiano rabadre dre nuainne ne kwe kukwe kwin rabadre bare kräketre?

APÓSTOL Pablo mäträbare kukwe nebiti ja mräkätre kristiano éfeso yebätä: “Kristo nena ünän täte jökrä, ye kwrere ni rabadre nebe ünän täte jökrä” ( Efes. 4:13). Ja mräkätre kristiano jökrä nengwane ye tä ja di ngwen kukwe ne mike täte. Rabadre ja kite Bibliabätä aune kukwe ja jie ngwankäre Ngöbö kukweibätä ye rabadre mike täte kä jökrä ngwane (Luc. 2:52). ¿Monsotre brare kristiano rabadre nemen ünä ja üairebiti ye ñobätä ütiäte krubäte?

2, 3. ¿Monsotre brare kristiano rabadre nemen ünä ja üairebiti ye ñobätä ütiäte krubäte?

² Ja mräkätre kristiano ye kisete sribi ütiäte tä konkrekasionte aune mräkätre kwe ie. Mä abokän monso bati ngwane, sribi raba nemen mä kisete ja känenkäre yebätä mä törö töbike raba ruin nunye. Ñodre, ja mike prekursor, siervo ministerial, aune ni umbre ji ngwanka konkrekasionte. O mä tö raba nemen ja mäkätebätä aune monso ngübare (Efes. 6:4; 1 Tim. 3:1). Mä tö dre ie ye erere rabadre bare kwin mäi yekäre mäkwe ja di ngwandre nemen ni kristiano ünä ja üairebiti.b

³ ¿Dre mä dimikai nemen ünä ja üairebiti? ¿Dre ütiäte tädre gare mäi aune nuain rabadre gare kwin mäi? ¿Dre mä dimikai ja mike juto aune sribi rabadre mä kisete ja känenkäre ye nuainkäre kwin? Ani mike gare jai.

DRE MÄ DIMIKAI NEMEN ÜNÄ JA ÜAIREBITI

4. ¿Nitre ja ngwani kwin bätä ja kita raba ye raba kwen medente mäi? (Üai mikadre ñärärä).

⁴ Nitre ja ngwani kwin yebätä mäkwe ja kite. Nitre ja ngwanka metre bätä blitata Bibliabätä aune Jehová tarebare kwe bätä juta ngübabare kwe. Arato, mä mräkätre ye ngätäite o konkrekasionte ja mräkätre tärä abokänbätä mä raba ja kite (Heb. 13: 7) Ni itibätä kukwe raba nemen gare nie ye abokän Jesús (1 Ped. 2:21). Mä ja kita nitre yebätä. Nitre ja ngwani kwin yebätä, töi kwin meden tuin kwin mäi, yebätä mäkwe ja kita (Heb. 12:​1, 2 TNM). Biti mä raba ja ngwen ño niaratre erere ye mäkwe mikakäre jai.

5. ¿Mä raba töbike ño kwin käne aune töbikadre kwin käne ye ñobätä ütiäte? (Salmo 119:9).

⁵ Mäkwe ja di ngwan töbikakäre kwin aune mä sribebare töbikakäre ye mäkwe kriemika (Prov. 3:21). Ja mräkätre ie töbika gare kwin käne, ye tä töbike kwin käne dre diandi nuaindre kwe jai yebätä. Aisete mäkwe ja di ngwan töbikakäre kwin käne aune mäkwe ja di ngwan ne kwe ñan riadrete mäkän. ¿Ñobätä? Kä nebätä monsotre kwati tätre töbike ño aune töta nemen dre ie jötrö ngwarbe yei tätre ja tuenmetre ganaindre (Prov. 7:7; 29:11). Ne madakäre, televisión, película, internet aune redes sociales yei tätre ja tuenmetre ganaindre. Aisete, mä raba dre nuainne töbikakäre kwin käne. Kukwe ja jie ngwankäre Bibliabätä ye mikadre gare jai. Biti, Jehová tä kukwe niere nie ye mikadre täte, ñobätä kwin ni kräke yebätä töbikadre. Ye bitikäre mada, kukwe ja jie ngwankäre Bibliabätä tä nemen gare nie yebiti kukwe kwin dian raba nuaindre jai aune kä mikakäre juto Jehovabätä yebätä töbikadre (ñäkädre Salmo 119:9 yebätä).c Töbikadre kwin käne ye ütiäte krubäte rabakäre kristiano ünä ja üairebiti (Prov. 2:​11, 12; Heb. 5:14). Ja känenkäre mada nikwe blitai töbikadre kwin käne raba ni dimike ño yebätä 1) meritre testiko ye mike ütiäte jai aune 2) kukwe kwin den nuaindre jai ja ngwäkitai ño o ja dätedre ño yebätä.

6. ¿Monsotre brare tä töbike kwin tä ngwaitre mike tuin ütiäte jai ye tä bämike ño?

⁶ Töbika gare kwin käne monso bati ie ngwane, tä meritre testiko mike tuin ütiäte jai. Ñodre, monso bati tö ja ngwai iti mikai gare bäri kwin jai ngwane, ye ñaka blo. Akwa, monso yei töbika gare kwin käne yebätä ñaka kukwe niedi kwe, kukwe tikai kwe o kukwe nuaindi kwe ja ngwai testiko ye töi mikakäre jabätä. Raba nuainne aune tö rabadre ja mäkäite era metre ben ye ngwane (1 Tim. 5:​1, 2). Tä kä denkä jai nänkäre meri testiko iti ben ngwane, ñaka täi jire kaibe ben, ñakare aune täi ja mräkä ünä ja üairebiti yebe ne kwe ñaka meri testiko ye kädriedre blo (1 Cor. 6:18).

7. ¿Monso bati tä töbike kwin käne ye tä ja ngwäkite ño?

⁷ Monsotre brare bati tä ja ngwäkite ño, tä ja dokwä sökö ño ye abokän kukwe ruärebiti tä bämike tä töbike Jehová erere o ñakare. Bäsi käre nitre dän sribekä ye ñaka Jehová mike ütiäte jai aune tätre ja ngwen kämekäme. Ye medenbätä tätre dän dike dime aune ni brare bä rabadre tuin merire ye kwrere. Monsotre bati tä ja di ngwen rabakäre ni kristiano ünä ja üairebiti ye tä ja di ngwen kukwe ja jie ngwankäre Bibliabätä ye mike täte aune ja mräkätre kristiano konkrekasionte tä ja ngwen ye erere tä ja ngwen, tä ja ngwäkite ño aune ja dätere ño yebiti. Arato tä kukwe ne ngwentari jai: “¿Tita kukwe den nuaindre jai yebiti tita töbike kwin käne aune ja mräkätre tä töbike ño ye ütiäte ti kräke tita bämike? ¿Aune ti abokän tä Jehová mike täte ye kwrere ti mikata tuin jai?” (1 Cor. 10:​31-33; Tito 2:6). Monsotre tä töbike kwin käne ye mräkätre tä mike tuin ütiäte jai, aune Jehová arato tä mike tuin ütiäte jai.

8. ¿Monsotre bati ie tö ngwandre yekäre rabadre dre nuainne?

⁸ Mä ja di ngwan ne kwe tö ngwandre mäi. Ye abokän dre mikata nuaindre mäi ye jökrä mäkwe nuaindre kä jutobiti (Luc. 16:10). Jesús kukwe kwin bämikani ni käne. Dre mikani nuaindre ie ñan ye ñan tuanimetre kwe o ja mikani ngwarbe kwe, ñakare aune kukwe ye jökrä nuainbare kwin kwe. Jehovakwe kukwe mikani nuaindre ie ye jökrä nuainbare kwe ñan namani nuäre kräke yebiti ta. Nitre nämäne tare kwe aune metrere nitre ja tötikaka kwe ye nämäne tare kwe, yebätä nämäne juto biare ja nire biankäre ni ütiäre (Juan 13:1). Jesús erere mäkwe ja di ngwan kukwe jökrä mikata nuaindre mäi ye nuainkäre. Nuaindre ño ñan gare mäi ngwane, mäkwe ja töi mika bobre aune ja di kärä nire ie kukwe gare bäri ye. Mä ñan töbika jondron nuainbätä chi aibe (Rom. 12:11). Bäri kwin mäkwe ja di ngwan jondron jökrä ye mikakäre nemen bare täte. Mäkwe nuain Jehová kräke ño “ji dokwäte kräke kwrere, aune ña ni kä nebätä kräke kwrere” (Col. 3:23 NGT). Bokänä, ni abokän ñaka metre, aisete kukwe tä nainte nie ruäre ngwane, yebätä mäkwe ja töi mika bobre aune kukwe jökrä ñan raba nemen bare nie ye mäkwe ngwan törö jai (Prov. 11: 2).

MÄKWE JA KITA KUKWE RUÄRE NUAINNE

9. ¿Monso bati kukwebätä ie jondron nuain tädre gare ye ñobätä ütiäte?

⁹ Mäkwe ja kitai jondron ruärebätä ye käkwe mä dimikai sribi bian konkrekasionte mä ye nuainkäre o sribi raba kwen jötrö mäi arato mä dimikai kwe mä mräkätre aune dre ribeta mäkwe jai ye kräke. Ne madakäre mäkwe ja ketai kwin ni madabe. Kukwe ruäre ye ani mike gare jai.

10, 11. ¿Ñobätä monsotre brare bati ye ie ñäkä täräbätä aune kukwe tika tädre gare ietre? (Salmo 1:​1-3; üai mikadre ñärärä).

¹⁰ Ñäkädre aune tärä tika tädre gare kwin nie. Biblia tä niere, nire tä nüne kä jutobiti aune kukwe kwin tä nemen bare ie ye abokän tä ñäke aune töbiketari Kukwe Ngöbökwe yebätä (ñäkädre Salmo 1:​1-3 yebätä).d Ye köböire Jehová töita ño ye erere tä nemen töbike aune tätre töbike kwin ja käne (Prov. 1: 3, 4). Konkrekasionte nitre brare bati ne erere ribeta. ¿Ñobätä?

¹¹ Ja mräkätre brare aune meri ye tä nitre brare ñäkä gare täräbätä ietre ye ribere jai ne kwe mäträdre kwetre Biblia yebiti kwin bätätre (Tito 1:9). Ñäkä aune tärä tika tädre gare kwin mäi ngwane, mäkwe ja kitadre kwin kukwe driekäre nitre jökrä ngwärekri o comentario biankäre, ye köböire mäkwe tödeka ja mräkätrekwe ye mikai bäri dite. Ne madakäre, mä rikai gätä kri, gätä nuainta Ju ja Ükarakrö yebätä o mä täi ja kite kaibe ngwane, mä raba kukwe ütiäte ye tike jai ne kwe tödeka mäkwe tädre dite käre aune mä raba nitre mada dimike.

12. ¿Drekwe mä dimikai blite kwin nitre madabe?

¹² Blita tädre gare kwin nie ni jökrä ben. Nitre brare kristiano jökrä ie kukwe ne nuain tädre gare kwin krubäte. Ye abokän rabadre nitre kukwe nuin, ja ruin ño ietre ye mike nüke gare kwin jai (Prov. 20:5). Nitre tä ja kukwe mike ño, tä ja ngwäre mike ño aune ja ngwen ño yebiti ja ruin ño ietre ye mäkwe mika nüke gare jai. Mäkwe kä diainkä jai blitakäre nitre ben correo electrónico aune mensaje ye aibebiti ngwane, ñaka rabai nuäre mä kräke blitakäre ngwärere ben. Ye medenbätä mäkwe ja di ngwan blite ngwärere nitre mada ben (2 Juan 12).

13. ¿Monso kristiano bati ye rabadre ja kite dre mada nuainbätä? (1 Timoteo 5:8; üai mikadre ñärärä).

¹³ Mäkwe ja kita jondron ruäre nuainkäre ja ngübakäre akwle. Ni kristiano ünä ye rabadre ja ngübare akwle aune mräkätre kwin ngübare arato (ñäkädre 1 Timoteo 5:8 yebätä). Juta ruäre känti monsotre raba ja kite rün kwe yebätä o mräkätre kwe yebätä. Arato mä raba ja kite sribi mada nuaine. Ütiäte mäkwe ja kitadre sribi nuainne nunankäre ye kwin krubäte (Hech. 18:​2, 3; 20:34; Efes. 4:28). Ja di ngwandre krubäte sribi nuainkäre aune ñaka nuaindre ruäre o ötare ta ye aibe. Ye köböire mä kädrie kwin aune rabai bäri nuäre mä kräke sribi känänkäre aune ñan riate jötrö ngwarbe mäkän. Kukwe kwin keta kabre yebätä ja kitadre aune kukwe ruäre nuain tädre gare nie ye käkwe ni dimikai sribi mikadre ni kisete ja känenkäre ye nuainkäre. Ruäre ye ani mike gare jai.

MÄKWE JA MIKA JUTO KÄ JA KÄNENKÄRE KRÄKE

14. ¿Dre monso dimikai sribire köbö täte Jehová kräke?

¹⁴ Mä raba sribire köbö täte Jehová kräke. Ja mräkätre kristiano nengwane niena ünä ja üairebiti ye nämäne bati ngwane, ja mikani kwetre prekursor. Mä ja mikadre prekursor ye köböire, blitadre ño ni madabe aune ngwian yebiti dre nuaindre ye rabai gare kwin mäi (Filip. 4:​11-13). ¿Ñobätä mä ñan ja töi mike prekursor auxiliar nuainne käne? Ye köböire sribi köbö täte Jehová kräke ye mikadre mä kisete. Ñodre mä kädeka raba siervo de construcción o betelita.

15, 16. ¿Monso bati tö rabai siervo ministerial o ni umbre ji ngwanka ngwane, rabadre dre nuainne?

¹⁵ Mä raba nemen siervo ministerial o ni umbre ji ngwanka konkrekasionte. Ja mräkätre jökrä rabadre ja di ngwen ne kwe kädekadre ni umbre ji ngwanka konkrekasionte. Nire tä ja töi mike nemen siervo ministerial ye tä ja töi mike kukwe kwin nuainne nieta Bibliakwe (1 Tim. 3:1). Ni iti kädekadre ni umbre ji ngwanka ye kräke, käne kädekadre siervo ministerial. Ja mräkätre siervo ministerial ye tä ja mräkätre umbre ji ngwanka ye dimike krubäte kukwe keta kabrebätä. Nitre umbre ji ngwanka aune siervo ministerial ye tä ja töi mike bobre aune kukwe driere kä jutobiti. Kukwe ribeta ni kädekakäre siervo ministerial ye erere monso tä ja ngwen ngwane, tä monso biti ngwane kädeka raba. Arato siervo ministerial ye kädeka raba ni umbre ji ngwanka konkrekasionte kä rabadre 20 biti ye ngwane.

¹⁶ Nitre kädekadre siervo ministerial o ji ngwanka konkrekasionte yekäre rabadre dre nuainne ye mikata gare Bibliabätä. Rabadre Jehová tarere, mräkätre kwe tarere aune konkrekasion tarere (1 Tim. 3:​1-13; Tito 1:​6-9; 1 Ped. 5:​2, 3). Kukwe ye ñan tä ükani bäin ne kwe mä kädekadre, kukwe keteiti käkwe mä dimikai ye abokän kukwe ribeta ye mäkwe ja di ngwan mikakäre täte aune ja di kärä Jehovai ne kwe rabadre bare mäi.e

17. ¿Monso bati raba ja mike ño juto rabakäre ni muko kwin aune ji ngwanka kwin mräkätre käne? (Üai mikadre ñärärä).

¹⁷ Mä raba ja mäkete aune nemen ji dokwäte mä mräkätre käne. Jesukwe niebare ja mräkätre ruäre ñaka tä ja töi mike ja mäkete jire (Mat. 19:12). Mäkwe ja mäkäite ngwane, sribi tä ni muko kisete ye näin mä kötärä aune mä rabai ji ngwanka mä mräkätre käne (1 Cor. 11:3). Nire tä ja mäkete ye rabadre muko kwe tarere, muko tä dre ribere jai, ja ruin ño ie aune dimike ja üairebiti ye ngübata Jehovakwe (Efes. 5:​28, 29). Töi kwin keta kabre ye tädre nikwe, jondron nuin tädre gare nie, nibi gare nie kukwe ja tötikara nebätä, ñodre, töbikadre kwin käne, meritre mikadre ütiäte jai aune tö ngwandre nie ye nikwe ganaindre jai ye käkwe ni mikai juto rabakäre ni muko kwin aune ji dokwä ngwanka kwin mräkätre käne.

18. ¿Monso brare bati ye raba ja mike ño juto rabakäre ni rün kwin erere?

¹⁸ Mä raba nemen ni rüne. Mun ja mäkädrete ngwane, monso raba nemen munkwe. Rabakäre ni rün kwin erere Jehovata ni ngübare ño yebätä mä raba ja kite (Efes. 6:4). Jesús nämäne tare Jehovakwe aune nämäne kai ngäbiti ye mikani gare metre ta kwe ie (Mar. 1:11). Mä rabadre ni rüne ngwane, monso mäkwe tare mäkwe ye niedre ie, mä niedre ie aune tädre kukwe nuainne kwin ngwane mä käi ngwandre juto jabätä. Nitre rüne tä ja ngwen Jehová erere ye tä monso kwe dimike nemen ünä ja üairebiti. ¿Rabakäre ni rün kwin mä raba dre nuainne? Ja tare bämike mä mräkätre ie aune ja mräkätre konkrekasionte ie. Tare mäkwe aune ütiäte mä kräke mäkwe niedi ietre (Juan 15:9). Kukwe ne käkwe ñan mä mikai juto mäkwe ja mäkäite aune monso rabai mäkwe ye aibe kräke, ñakare aune mä rabai ütiäte Jehovakrä, mä mräkätre kräke aune konkrekasionte.

¿MÄ JA TÖI MIKAI DRE NUAINNE BIAREBE?

19, 20. ¿Monso brare bati raba dre nuainne rabakäre ünä ja üairebiti? (Üai kena täräkwatabätä mikadre ñärärä).

¹⁹ Mä abokän monso brare bati ngwane, mä ñan rabai ünä ja üairebiti ja töbiti ye mäkwe ngwan törö jai. Ñakare aune, nitre ja ngwani kwin yebätä mäkwe ja kitadre, ja di ngwandre töbike kwin käne, aune nitre rabadre tö ngwen mäi ye mäkwe ganaindre jai aune ja di ngwan jondron ruäre nuainkäre. Arato mä raba ja mike juto kä ja känenkäre kräke.

²⁰ Sribi jökrä tä mä kisete yebätä mäta töbike ngwane, ye abokän sribi kri krubäte mäkrä mä raba nemen nütüre. Akwa mäkwe ñan ja di ngwan nekä. Raba nemen bare mäi. Jehová tö mä dimikai ye mäkwe ngwan törö jai (Is. 41:​10, 13). Ja mräkätre jökrä konkrekasionte merire, brare ye täi juto biare mä dimikakäre. Mä rabadre ünä ie Jehová tö ye erere mä rabai ngwane, mä nünain kä jutobiti aune kwin krubäte. Mä tare krubäte nunkwe aune Jehovakwe kukwe kwin mikadre nemen bare mä kräke, mäta ja di ngwen krubäte yebätä ye ie nun tö (Prov. 22:4).