Kon Ano ang Isiling Tuhoy sa mga Magasin
Ang Lalantawan Peb. 15
“Kon papilion ka sing maggahom sa kalibutan, sin-o ang imo pilion? [Tuguti sia nga makasabat.] Ini nga gua sang Ang Lalantawan nagabinagbinag sang ikasarang sang Mesias, ang ginpili sang Dios sa pagmando sa duta. Ginapaathag man sini kon ano ang epekto sa katawhan sang iya pagmando.” Basaha ang Isaias 9:6, 7.
Magmata! Peb.
“Madamo nga dios ang ginasimba sang mga tawo karon. Apang, talupangda kon ano ang ginsiling ni Jesus sa iya pangamuyo tuhoy sa iya langitnon nga Amay. [Basaha ang Juan 17:3.] Kon may isa lamang ka matuod nga Dios, kamusta ang iban nga dios? [Tuguti sia nga makasabat.] Ginasaysay sini nga artikulo ang pagtamod sang Biblia.” Ipakita ang artikulo sa pahina 28-9.
Ang Lalantawan Mar. 1
“Ang kalabanan nga tawo ugyon nga dapat kita maghigugmaanay, subong sang ginsugo ni Jesus sa sini nga teksto. [Basaha ang Juan 13:34, 35.] Apang, sa diin kita makasapo sang mga tawo nga nagatuman sa panudlo ni Jesus? [Tuguti sia nga makasabat.] Ini nga magasin magabinagbinag kon paano naton makilala ang tunay nga mga Cristiano karon.”
Magmata! Mar.
“Importante gid ang gugma sa aton kalipay kag kaayuhan. Apang, para sa madamo nga tawo, mabudlay masapwan ang matuod nga gugma. Ano sa banta mo ang rason? [Tuguti sia nga makasabat.] Ang isa ka paagi agod masapwan ang matuod nga gugma amo ang pagpakita sang di-makagod nga gugma sa iban. Ginabinagbinag sini nga magasin kon ano ang nalakip sini.” Basaha ang 1 Corinto 13:4-7.