Kon Ano ang Isiling Tuhoy sa mga Magasin

Ang Lalantawan Ene. 15

“Sini lang nga mga tuig, nagdamo ang interesado sa mga anghel. Nagpalibog ka na bala kon sin-o sila kag kon ano ang ila epekto sa aton kabuhi? [Tuguti sia nga makasabat. Nian basaha ang Salmo 34:7.] Ginabinagbinag sini nga magasin kon ano ang ginasiling sang Biblia sa mga hilikuton sang mga anghel—⁠sang una, karon, kag sa palaabuton.”

Magmata! Ene.

“Matigayon ang laygay karon sa halos tanan nga topiko. Pila ayhan sa banta mo ang aton masaligan sa sini? [Tuguti sia nga makasabat. Nian basaha ang 2 Timoteo 3:16.] Ginapakita sini nga Magmata! kon ngaa makasalig kita sa Biblia subong masaligan nga tuburan sang praktikal nga kaalam.” Buksi ang artikulo sa pahina 18.

Ang Lalantawan Peb. 1

“Kinahanglan naton tanan ang kuarta agod mabuhi. Apang komporme ka bala nga dapat kita magbantay batok sa katalagman nga ginsambit diri? [Basaha ang 1 Timoteo 6:10, kag tuguti sia nga makasabat.] Ini nga Lalantawan magabulig sa aton nga mahibaluan ang pila ka kinaandan nga siod sang materyal nga kabuganaan kag nagabinagbinag kon paano naton ini malikawan.”

Magmata! Peb.

“Madamo sa aton nga may mga paryente ukon mga abyan nga tigulang na ang nagapalibog kon paano naton sila mabuligan nga maatubang ang mga problema sang katigulangon. Amo man bala sina ang imo ginabatyag? [Tuguti sia nga makasabat.] Ini nga magasin nagapanugda kon ano ang aton himuon agod mabuligan ang mga tigulang. Ginapaathag man sini kon paano matuman ini nga tagna.” Basaha ang Job 33:25.