Iskedyul sa Miting sa Serbisyo

Semana sang Enero 14

Ambahanon 41

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Ipasundayag ang pagtanyag sang Enero 1 nga Ang Lalantawan kag ang Enero nga Magmata! nga nagagamit sang mga panugda sa pahina 8 ukon sang iban nga presentasyon nga bagay sa inyo teritoryo.

15 min: “Gamita Sing Husto ang Imo Tion sa Ministeryo.”a Interbyuha ang isa ka utod nga lalaki nga huwaran sa pagpanguna sa grupo sa pag-alagad sa latagon. Ano ang iya ginahimo agod mahanda ang grupo kag magamit sing husto ang tion nga ginahinguyang sa ministeryo?

20 min: “Maghambal Kamo Pirme . . . nga Natimplahan Sing Asin.”b Kon ginabinagbinag ang parapo 2, basaha ang Juan 4:7-15, 39.

Ambahanon 85

Semana sang Enero 21

Ambahanon 215

10 min: Lokal nga mga pahibalo. Hinambiti ang tanyag nga literatura sa Pebrero, kag ipasundayag ang isa ka presentasyon. Palig-una ang tanan nga tan-awon ang video nga Transfusion-Alternative Health Care—Meeting Patient Needs and Rights bilang paghanda sa pagbinagbinag nga pagahiwaton sa Miting sa Serbisyo sa semana sang Pebrero 4.

10 min: Ginagamit Mo Bala ang Pag-usisa sa Kasulatan sa Adlaw-adlaw? Pamulongpulong kag paghinun-anon upod sa tumalambong pasad sa introduksion sang Pag-usisa sa Kasulatan sa Adlaw-adlaw—2008. Binagbinaga ang kapuslanan sang paghinguyang sing tion kada adlaw sa pagrepaso sang teksto sa Kasulatan kag sa mga komento sini. Pakomentuha ang tumalambong tuhoy sa ila iskedyul sa pagbinagbinag sang teksto kag kon ano ang benepisyo sini sa ila. Mahimo mo mahanda sing abanse ang isa ukon duha ka komento. Ipadaku sing makadali ang tuigan nga teksto para sa 2008.

25 min: “Magpanaksi Sing Maid-id sa Maayong Balita.”c (Par. 1-10) Dumalahan sang manugtatap sang pag-alagad. Interbyuha ang isa ukon duha ka manugbantala nga nakaauxiliary payunir sang nagligad nga tuig bisan pa sa ila kasakuon ukon kasablagan sa lawas. Paano nila ini nahimo? Ano ang natigayon nila nga kalipay? Kon ginabinagbinag ang parapo 7, binagbinaga ang iskedyul sang mga miting sa pag-alagad sa latagon sa bulan sang Marso, Abril, kag Mayo.

Ambahanon 177

Semana sang Enero 28

Ambahanon 52

10 min: Lokal nga mga pahibalo. Pahanumduma ang mga manugbantala nga ihatag ang ila report sa pag-alagad sa latagon para sa Enero. Basaha ang report sa kuenta kag ang mga pasalamat sa donasyon. Paghinun-anon upod sa tumalambong pasad sa Pebrero 1 nga Ang Lalantawan kag sa Pebrero nga Magmata! Pagkatapos sang malip-ot nga paglaragway sa tagsa sini nga magasin, pamangkuta ang mga tumalambong kon ano nga artikulo ang mahimo nga makagalanyat sa mga tawo sa teritoryo kag kon ngaa. Agdaha ang tumalambong nga sambiton ang espesipiko nga mga punto sa artikulo nga ila ginaplano nga ipresentar. Ano nga pamangkot ang mahimo mapautwas agod masugdan ang paghambalanay? Ano nga teksto sa artikulo ang mahimo basahon? Paano iangot ang teksto sa artikulo? Ipasundayag ang pagtanyag sang tagsa ka magasin nga nagagamit sang sampol nga presentasyon sa pahina 8.

20 min: “Magpanaksi Sing Maid-id sa Maayong Balita.”d (Par. 11-17) Kon matigayon na ang imbitasyon sa Memoryal, ipanagtag ang kopya sa tanan nga tumalambong sa tion nga ginahinun-anunan ang parapo 14. Hinambiti ang mga kahimusan sa pagtuptop sa teritoryo.

15 min: “Buligi ang mga Estudyante sa Biblia nga Mangin Manugbantala Sang Maayong Balita Sang Ginharian.”e Kon may tion pa, pakomentuhi sa tumalambong ang mga teksto sa artikulo.

Ambahanon 22

Semana sang Pebrero 4

Ambahanon 161

10 min: Lokal nga mga pahibalo. Repasuha ang Pamangkot.

10 min: Lokal nga mga kinahanglanon.

25 min: “Ginapabuyanbuyanan Mo Bala Ini?” Dumalahan sang isa ka gulang. Sugdi gilayon ang paghinun-anon upod sa tumalambong sa video nga Patient Needs and Rights, nga nagagamit sang mga pamangkot nga yara sa artikulo. Bilang konklusion, basaha ang katapusan nga parapo kag palig-una ang tanan nga repasuhon sing maayo ang ginsambit nga artikulo sa Ang Lalantawan kag sa Ang Aton Ministeryo sa Ginharian. Ipaathag kon paano magamit sang isa nga wala pa nakasulat sa DPA card ang mabuligon nga mga work sheet sa Enero 2007 nga suplemento sang Ang Aton Ministeryo sa Ginharian agod nga makahimo sia sing personal nga mga desisyon tuhoy sa magagmay nga mga bahin sang dugo kag mga pamaagi sang pagbulong kag nian isulat ini sa DPA card. Mahimo man repasuhon sang mga nakasulat na sang DPA card ang ila nahimo na nga mga desisyon, kag kon kinahanglan, magasulat sila sing bag-o.

Ambahanon 4

[Mga Nota]