Nakapasundayag Ka na Bala sing Pagtuon sa Una nga Pagbantala?

Kon nagatanyag sing pagtuon sa Biblia, nagasiling ang pila ka tagbalay nga indi sila interesado ukon may pagtuon na sila sa Biblia sa ila simbahan. Bangod ginakomparar nila ang pagtuon sa Biblia sa ila anay pagtuon, wala sila sing ideya kon daw ano kadamo sang ila matun-an kag kon daw ano ini ka makalilipay. Gani, sa baylo nga magtanyag lang sing pagtuon, maghinguyang sing pila ka minuto para ipasundayag ang pagtuon sa Biblia sa una nga pagbantala. Sa pag-ilustrar: Indi lamang sila pagsugiri nga maayo ka magluto kag magsiling nga mabalik sila para magkaon kundi patilawa sila gilayon! Mahimo mo ini sa pila lamang ka minuto, suno sa panugda sa pahina 6 sang Septiembre 2005 nga Ang Aton Ministeryo sa Ginharian:

“Sa banta mo magaabot ayhan ang tion nga matuman ini nga mga pinamulong? [Basaha ang Isaias 33:24, kag tuguti sia sa pagsabat.] May isa ka makawiwili nga topiko nga gusto ko ipakita sa imo.” Hatagi ang tagbalay sing Ginatudlo Sang Biblia nga libro, kag ipakita sa iya ang pahina 36, parapo 22. Basaha ang pamangkot sa idalom, kag pangabaya ang tagbalay nga bantayan ang sabat samtang ginabasa mo ang parapo. Nian basaha liwat ang pamangkot, kag pamatii ang sabat sang tagbalay. Basaha ninyo ang iban pa nga teksto. Magpautwas sing pamangkot nga pagasabton sa masunod nga pagduaw, kag maghimo sing pat-od nga kahimusan para sa sini. Sa sini nga paagi nakasugod ka na sing pagtuon sa Biblia!