Tun-i ang Mabuhi sing Dayon kag Nahiusa sa Pagsimba nga mga Libro
1 Mga tract, brosyur, magasin, kag libro—ini tanan sarang magamit sa pagsugod sing mga pagtuon sa Biblia sa puluy-an upod sa mga interesado. Bangod sang lapnag nga sirkulasyon kag ganyat sini, ang libro nga Ang Pinakabantog nga Tawo nga Nagkabuhi ginagamit sa pagsugod sing mga pagtuon.
2 Apang, may duha ka libro nga ilabi na nga dapat tun-an upod sa mga bag-uhan agod buligan sila nga mahangpan ang sadsaran nga mga doktrina sang Biblia subong man ang Cristianong mga talaksan sa pagkabuhi. Ini amo ang: Mahimu Ka Mabuhi sing Dayon sa Paraiso sa Duta kag Nahiusa sa Pagsimba sa Lamang Matuod nga Dios. Ginarekomendar nga sa gilayon kon posible sing makatarunganon, ang nagadumala sing mga pagtuon sa Biblia sa puluy-an sa iban nga mga publikasyon magaliton sa isa sining mga libro. Ang pagtuon sa Biblia dapat padayunon tubtob matapos ang Mabuhi sing Dayon kag ang Nahiusa sa Pagsimba nga mga libro, bisan pa ang isa mahimo nga nabawtismuhan sa wala pa matapos ang ikaduha nga libro. Ini nga paagi magahatag sing dugang nga kadalom kag espirituwal nga kalig-unan sa estudyante sang Biblia.