Kon Ano ang Isiling Tuhoy sa mga Magasin

Ang Lalantawan Dis. 15

“Sa sini nga tion sang tuig, ang kalabanan nga mga tawo nagahunahuna kay Jesucristo, nagapati man sila sa iya ukon wala. Ang iban nagasiling nga indi sia matuod nga tawo. Ano ang masiling mo? [Pagkatapos sang sabat, basaha ang Mateo 16:​15, 16.] Napat-od ko nga malipay ka sa pagbasa sa sining artikulo tuhoy sa ‘Ang Matuod nga Jesus’ agod mahibaluan kon paano niya ikaw naapektuhan sa karon kag sa palaabuton.”

Awake! Dis. 22

“Wala ka bala nagaugyon nga agod mangin malig-on ang kabuhi, kinahanglan naton ang indi peligruso kag masaligan nga suplay sang pagkaon? [Pasabta sia.] Talupangda ang ginsaad sang Dios sa iya katawhan sang panahon sang Biblia. [Basaha ang Levitico 26:​4, 5.] Ginabinagbinag sang Magmata! ang karon nga mga kabalaka sa pagkaon. Nagatudlo man ini sa isa ka tion nga ang Dios magahatag sa aton sing kalig-unan sa bug-os nga duta.”

Ang Lalantawan Ene. 1

“Napaligban mo na bala kon ngaa ang iban daw nagapangabuhi sing masulhay samtang ang iban naman nagahimakas agod mabuhi? May masiling ang Biblia tuhoy sini. [Basaha ang Job 34:19.] Ginapaathag sa sini nga magasin kon ano ang himuon sang Dios agod ang mga indi pag-alalangay mangin isa na lamang ka butang nga nagligad.”

Magmata! Ene. 8

“Nabalitaan naton tanan ang tuhoy sining trahedya nga nagpakugmat sa kalibutan. Sugod sadto, ang mga tawo nagakinahanglan sing daku nga lugpay kag bulig. Ginapaathag sining artikulo, lakip sa iban nga mga butang, ang ginahimo sang mga Saksi ni Jehova agod buligan ang mga nakalampuwas, ang mga nagapangabudlay sa tion sang emerhensia, kag ang mga namatyan.”