Kon Ano ang Isiling Tuhoy sa mga Magasin

Ang Lalantawan Ene. 15

“Madamo nga tawo ang nagagamit sing mga imahen sa ila pagsimba. Sa banta mo, may ikasarang bala ini sa pagluwas? [Pasabta sia.] Talupangda palihug kon ano ang himuon sang matuod nga Dios para sa aton. [Basaha ang Bugna 21:3, 4.] Ang tunay nga Dios lamang ang makahimo sini. Ginapakita sining magasin kon sin-o sia kag kon paano kita makabenepisyo sa pagsalig sa iya.”

Awake! Jan. 22

“Mahimo pasapayanan lang naton nga may puluy-an kita. Apang minilyon ka refugee sa kalibutan ang nagadalangdalang, nga wala gid makita ang kalig-unan nga ginapangita nila. Ginausisa sang Awake! kon ngaa nagaluntad ini nga problema kag ang saad man sang Biblia nga sa pila ka adlaw ang tanan may kaugalingon na nga puluy-an.”

Ang Lalantawan Peb. 1

“Ginakabalak-an sing daku ang polusyon sa palibot. Apang nahunahuna mo na bala ang polusyon sa hunahuna? [Pasabta sia.] Ginapadaku sang Biblia ang importansia sang katinlo sa pisikal kag sa espirituwal. [Basaha ang 2 Corinto 7:1.] Napat-od ko nga masapwan mo ining impormasyon nga mabuligon kag mapuslanon.”

Magmata! Peb. 8

“Pat-od gid nga nakita mo nga bisan pa ang mga pag-asawahay masami nga may malipayon nga panugod, madamo ang nagabulagay. Luyag ko ibilin sa imo ining guwa sang Magmata!, kay ginabinagbinag sini ang pagtamod sang Biblia kon paano mangin dayon kag malipayon ang pag-asawahay.”