Kon Ano ang Isiling Tuhoy sa mga Magasin
Ang Lalantawan Ene. 15
“Sa banta mo, sa diin makasapo sing masaligan nga laygay ang mga magtiayon? [Tuguti sia nga makasabat.] Talupangda kon sin-o ang nagpatok sang pag-asawahay. [Basaha ang Genesis 2:22.] Nag-aman man ang Dios sing mga instruksion tuhoy sa dungganon nga papel sang bana kag asawa. Ginapaathag ini sa sini nga magasin.”
Magmata! Ene.
“Natalupangdan mo bala nga wala nagasunod sa panudlo ni Jesus ang madamong nagaangkon nga mga Cristiano? [Tuguti sia nga makasabat.] Halimbawa, madamo ang wala nagsunod sa ginsiling ni Jesus diri. [Basaha ang Juan 13:35.] Ginasugid sini nga artikulo ang kinatuhayan sa ulot sang gintudlo ni Jesus kag sang pagtamod sang madamong nagaangkon nga mga Cristiano.” Ipakita ang artikulo sa pahina 18.
Ang Lalantawan Peb. 1
“Sa banta mo, mangin mas maayo ayhan ang aton komunidad kon magkabuhi ang tanan sa sini nga mga pinamulong? [Basaha ang Efeso 4:25. Nian tuguti sia nga makasabat.] Madamo nga tawo ang nagapati nga ang pagbinutig kalahamut-an sa pila ka kahimtangan. Ginapaathag sini nga magasin ang mga kaayuhan sang paghambal pirme sang kamatuoran.”
Magmata! Peb.
“Daw nagabag-o na ang panimuot tuhoy sa relihion sa iban nga komunidad. Sa banta mo, nagakadula na bala ang impluwensia sang relihion? [Tuguti sia nga makasabat.] Ang ginsiling ni apostol Pablo nagahatag sa aton sing rason kon ngaa wala na sing pagsalig ang iban sa relihion. [Basaha ang Binuhatan 20:29, 30.] Ginapakita sini nga magasin kon ano ang ginasiling sang Biblia sa madangatan sang Cristianismo.”