Kon Ano ang Isiling Tuhoy sa mga Magasin
Ang Lalantawan Ene. 15
“Bangod sang tanan nga masingki nga pagpamatay, sa banta mo nadaug na bala sang malaut ang maayo? [Tuguti nga makasabat.] Talupangda kon ano ang ginasiling sang Biblia tuhoy sa Dios. [Basaha ang Salmo 83:18b.] Bangod ang Dios amo ang Labing Mataas sa bug-os nga duta, magadaug gid ayhan ang malaut? [Tuguti nga makasabat.] Ining isyu sang Ang Lalantawan may makaalayaw nga sabat sa sina nga pamangkot.”
Awake! Ene. 22
“Labi na gid karon nga yara sa katalagman ang aton kalig-unan. Nagadugang ang kabalaka tuhoy sa isa ka butang nga ginatawag pagkawat sang identidad. Nabatian mo na bala ini? [Tuguti nga makasabat.] Nagasaad ang Biblia nga sa pila ka adlaw ining duta mangin hilway sa tanan nga mga katalagman sa aton kalig-unan. [Basaha ang Isaias 11:9.] Ginapaathag sini nga magasin kon paano ini matabo.”
Ang Lalantawan Peb. 1
“Madamo nga tawo karon ang nagakabalaka tuhoy sa pagkawalay trabaho, kag ang iban ginaipit gid sa trabaho. Sa banta mo posible ayhan nga ang isa mangin malipayon kag magbatyag sing kasiguruhan sa trabaho? [Tuguti nga makasabat. Nian basaha ang Isaias 65:21-23.] Ini nga isyu sang Ang Lalantawan nagahinun-anon tuhoy sa panahon nga ang tanan may makalilipay na nga trabaho.”
Magmata! Peb. 8
“Ini nga isyu sang Magmata! nagareport sang makapasubo nga kamatuoran sa aton tion—ang prostitusyon sang mga bata. Ining makasiligni nga sahi sang pag-abuso sa bata amo ang isa ka butang nga ginasaad sang Biblia nga madula sa dili madugay. [Basaha ang Hulubaton 2:21, 22.] Ginapakita sini nga magasin kon ano ang sa likod sang paghingalit sa mga bata kag kon paano ini mauntat.”