Kon ano ang Isiling Tuhoy sa mga Magasin

ANG Lalantawan Ene. 15

“Bangod kinaandan gid karon ang wala ginatuman nga mga pangako, madamo ang nabudlayan magsalig kay bisan sin-o. Sa banta mo may isa bala nga masaligan naton ang mga pangako? [Hulata ang sabat. Dayon basaha ang Josue 23:14.] Ginapakita sini nga magasin kon paano naton masaligan ang mga saad sang Dios nga narekord sa Biblia.”

Awake! Ene. 22

“Amo sini ang personal nga ngalan sang Dios sa Hebreo nga lenguahe. [Ipakita ang panghapin.] Nagapati gid ang iban nga ini nga ngalan indi dapat sambiton sing matunog. Ang iban naman wala sing pangalag-ag nga nagagamit sini. Ginabinagbinag sining isyu sang Awake! ini nga gumuntang. Ginabinagbinag man sini kon paano naton makilala ang ngalan sang Dios.” Basaha ang Salmo 83:18.

Ang Lalantawan Peb. 1

“Kalabanan sa aton nagatinguha nga atipanon ang aton pisikal nga kapagros. Apang, ginasiling sang mga pagtuon sining karon lang nga ang aton espirituwalidad may epekto man sa aton ikaayong lawas. Sa banta mo ayhan posible ini? [Hulata ang sabat. Dayon basaha ang Mateo 5:3.] Ginabinagbinag sini nga isyu sang Ang Lalantawan kon paano naton mapaayawan ang aton espirituwal nga kinahanglanon.”

Magmata! Peb. 8

“Madamo karon ang masako gid kag nagakinahanglan sing dugang nga pahuway. Ayhan magaugyon ka sa sining mga pulong nga ginsulat sang nagligad nga kapin sa 3,000 ka tuig. [Basaha ang Manugwali 4:6. Dayon hulata ang sabat.] Ini nga isyu sang Magmata! nagahatag sing impormasyon nga makabulig kon paano mahibaluan kag malandas ang problema nga kulang sa tulog.”