Kon Ano ang Isiling Tuhoy sa mga Magasin

Ang Lalantawan Mayo 15

“Mabatian naton adlaw-adlaw ang mga report tuhoy sa kasingki. Sa banta mo ayhan nagaluntad na ini nga kahimtangan sadto pa? [Tuguti nga makasabat.] Talupangda kon ano ang ginasiling sang Biblia. [Basaha ang Mateo 24:37.] Malaut gid ang mga tawo sang adlaw ni Noe amo nga ginlaglag sila tanan sang Dios magluwas lamang kay Noe kag ang iya pamilya. Ini nga magasin magapakita kon paano yadtong mga hitabo may kahulugan sa aton karon.”

Magmata! Hun. 8

“Sa karon, ang balatian nga ginadala sang insekto isa sang madamo nga katalagman sa aton ikaayong lawas. Nahibaluan mo bala nga may mga tikang nga sarang naton himuon agod amligan ang aton kaugalingon? [Tuguti nga makasabat.] Ini nga magasin nagahinun-anon sining mga tikang, subong man ang saad sang Biblia tuhoy sa isa ka tion nga wala na sing balatian.” Maghinakop paagi sa pagbasa sa Isaias 33:24.

Ang Lalantawan Hun. 1

“Ang mga report sa pagpalapaw sang gin-amot nga mga pundo ang nagpahunahuna sa iban kon maalamon pa bala nga maghatag sing mga donasyon sa mga organisasyon nga nagabulig sa mga kubos. Apang, madamo gid nga tawo ang pigado. Ano sa banta mo ang dapat himuon? [Tuguti nga makasabat. Nian basaha ang Hebreo 13:16.] Ini nga magasin nagapaathag kon ano nga sahi sang paghatag ang ginakahamut-an sang Dios.”

Awake! Hun. 8

“Daw maathag nga ang mga tawo karon wala nagapabalor sa moral kag maayong mga batasan kon ipaanggid sa nagligad nga mga tinuig. Amo man bala sini ang natalupangdan mo? [Tuguti nga makasabat.] Sing makawiwili, gintagna ini sang Biblia. [Basaha ang 2 Timoteo 3:1-5.] Ini nga isyu sang Awake! nagahinun-anon kon ngaa nagabag-o ang tawhanon nga mga prinsipio kag kon ano ang nagahulat sa palaabuton.”