Kon Ano ang Isiling Tuhoy sa mga Magasin

Ang Lalantawan Ene. 15

“Ginahandum naton tanan ang mas maayo nga kabuhi para sa aton kag sa aton mga kabataan, apang madamo ang nagabatyag nga wala sila sing kontrol agod matigayon ini. Sa banta mo makontrol bala naton ang aton palaabuton? [Tuguti sia nga makasabat.] Ginapakita sining magasin gikan sa Biblia nga may yara kita kontrol kag ang aton palaabuton nagadepende sa mga desisyon nga ginahimo naton karon.” Basaha ang Deuteronomio 30:19.

Magmata! Ene. 22

“Kon nagaatubang kita sa mga problema sa panglawas, ginaapresyar naton ang doktor nga nagapatugsiling sa aton balatyagon. Apang pila sa banta mo ka pasyente ang nagapatugsiling sa balatyagon sang ila doktor? [Tuguti sia nga makasabat.] Ginausisa sining magasin ang mga hangkat nga ginaatubang sang mga doktor kag kon ano ang palaabuton sang medisina.” Basaha ang Isaias 33:24.

Ang Lalantawan Peb. 1

“Indi bala makatulublag nga madamo nga tawo karon ang biktima sang pagpamigos kag kasingki? [Sambita ang halimbawa sining karon lang nga nahibaluan sang mga tawo sa inyo lugar, kag tuguti sia nga makasabat.] Ginabinagbinag sining magasin kon paano ginatamod sang Dios ang kabuhi sang tawo. Ginapaathag man sini kon paano niya kita luwason gikan sa mga pag-antos karon.” Basaha ang Salmo 72:12-14.

Magmata! Peb. 8

“Ang isa sa dalagku nga mga hangkat nga ginaatubang naton karon amo ang paglandas sa kahuol. Nagaugyon ka bala? [Tuguti sia nga makasabat.] Sibu nga gintagna sang Biblia nga amo sini ang matabo. [Basaha ang 2 Timoteo 3:1.] Ining magasin nagahatag sing praktikal nga mga panugda nga makabulig sa imo kag sa imo pamilya sa paglandas sa kahuol.”