Kon Ano ang Isiling Tuhoy sa mga Magasin

Ang Lalantawan Ene. 1

“Ugyon ka bala sa ginasiling diri? [Basaha ang Santiago 3:2.] Ini nga artikulo nagahatag sa aton sing pila ka praktikal nga mga panugda gikan sa Biblia agod indi kita makasakit sing buot sa katapo ang aton pamilya paagi sa aton panghambal.” Ipresentar ang artikulo sa pahina 10.

Magmata! Ene.

“May mga problema gid ang tagsa ka pag-asawahay. Sa banta mo, diin ayhan makasapo sing masaligan nga laygay ang mga mag-asawa? [Tuguti sia nga makasabat.] Talupangda ining praktikal nga panuytoy. [Basaha ang Efeso 5:22, 25.] Ginapaathag sini nga artikulo kon ano ang kahulugan sang pagpasakop sang asawa sa iya bana.” Ipresentar ang artikulo sa pahina 28.

Ang Lalantawan Peb. 1

“Bangod sang aton mga problema karon, posible pa bala nga matigayon naton ang matuod nga kalinong sa hunahuna? [Tuguti sia nga makasabat.] Abi mo, madamo bala nga tawo ang nabuligan sang ginbinagbinag nila ang paglaum nga ginatanyag sa Biblia. [Basaha ang isa sa mga teksto sa artikulo nga luyag mo ipresentar.] Ginapakita sini nga magasin kon ano ang ginasiling sang Biblia tuhoy sa aton ginhalinan, sa katuyuan sang kabuhi, kag sa kon ano ang aton palaabuton.”

Magmata! Peb.

“Bangod sang paglapnag sang krimen, madamo nga tawo ang nagabatyag sing kahadlok. Sa banta mo, mangin maayo pa ayhan ang kahimtangan? [Tuguti sia nga makasabat.] Talupangda ining isa ka makawiwili nga tagna sa Biblia. [Basaha ang Salmo 37:10.] Ginabinagbinag sini nga magasin ang mga kabangdanan sang krimen kag ang solusyon sang Biblia sa sini.”