Kon Ano ang Isiling Tuhoy sa mga Magasin

ANG LALANTAWAN Dis. 1

“Natalupangdan mo bala nga nanuhaytuhay ang talaksan sang mga tawo sa katinlo? [Tuguti sia sa pagsabat.] Yari ang isa ka rason kon ngaa importante ang katinlo. [Basaha ang 1 Pedro 1:16.] Ini nga magasin nagaunod sing praktikal nga mga panugda agod mahuptan ang katinlo.” Ipakita ang artikulo sa pahina 9.

Magmata! Dis.

“Subong nga bulan, madamo ang nagatinguha nga padunggan si Jesus. Suno sa sini nga teksto, ano sa banta mo ang pinakamaayo nga paagi agod padunggan sia? [Basaha ang Juan 14:15. Tuguti sia sa pagsabat.] Ang matuod, wala mahibaluan ang eksakto nga petsa sang pagkabun-ag ni Jesus, kag mahimo makibot ka kon mahibaluan mo ang rason ngaa ginpili ang Disiembre 25 subong petsa para sa Krismas.” Ipakita ang artikulo sa pahina 10.

ANG LALANTAWAN Ene. 1

“Indi palareho ang pagtamod sang mga tawo sa bug-os nga kalibutan tuhoy kay Maria, ang iloy ni Jesus. Ano naman ang imo pagtamod? [Tuguti sia sa pagsabat.] Ginapakita sang Biblia nga may pinasahi nga papel si Maria sa maragtas. [Basaha ang Lucas 1:30-32.] Ginabinagbinag sini nga magasin kon ano ang matun-an naton sa iya halimbawa.”

Magmata! Ene.

“Nagamala ang madamo nga linaw kag sapa sa kalibutan, kag minilyon ka tawo ang wala sing makuhaan sang matinlo nga tubig. Sa banta mo, makahatag ayhan ang tawo sing dayon nga solusyon sa sini nga problema? [Tuguti sia sa pagsabat. Nian basaha ang Jeremias 10:23.] Ginabinagbinag sini nga magasin ang lamang nga solusyon nga ginlaragway sa Biblia.”