Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Mayo

“Sa banta mo ang relihion bala makapaluntad sang gugma kag paghidait ukon sang dumot kag kalainan? [Tuguti sia nga magsabat.] May ipakita ako sa imo parte sini nga topiko.” Ihatag sa tagbalay ang Mayo 1 nga Lalantawan, kag binagbinaga upod sa iya ang una nga subtitulo sa pahina 16 kag ang isa sa mga teksto diri. Itanyag ang magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Mayo 1

“Madamo ang nagapati nga maayo kon ang relihion mag-entra sa pulitika, pero ang iban wala nagaugyon sa sini. Ano sa banta mo? [Tuguti sia nga magsabat.] Talupangda kon ano ang ginhimo ni Jesus sang ginpilit sia sang mga tawo nga mag-entra sa pulitika sang panahon niya. [Basaha ang Juan 6:15.] Ginapaathag sini nga magasin kon ngaa amo sini ang ginhimo ni Jesus, kag kon ano ang pinakamaayo nga himuon sang mga Cristiano para makabulig sa ila komunidad.”

Magmata! Mayo

“Ang kalabanan sang naistorya namon nakaeksperiensia sing inhustisya. Sa banta mo madula pa ayhan ini? [Tuguti sia nga magsabat.] Talupangda nga may tagna parte sa isa ka manuggahom nga magadula sang inhustisya. [Basaha ang Salmo 72:11-14.] Ginapakita sini nga magasin ang mga promisa sang Biblia nga sa ulihi dulaon ang inhustisya.”