Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Agosto

“Masami nga ginapanan-aw subong sang mga tawo si Jesus kon ano sia mga 2,000 ka tuig na ang nagligad, ayhan bilang lapsag sa pasungan ukon tawo nga nalansang sa usok. Pero, ano ayhan sa banta mo ang ginahimo ni Jesus subong? [Tuguti sia nga magsabat.] Talupangda kon ano ang ginasiling sini.” Ihatag sa tagbalay ang Agosto 1 nga Lalantawan, kag binagbinaga ninyo ang una nga subtitulo sa pahina 16 kag ang isa ukon kapin pa sa ginsambit nga mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Agosto 1

“Madamo nga tawo ang nagapati sa mga milagro. Ang iban naman nagaduhaduha sa sini. Sa banta mo, natabo gid man ang mga milagro? [Tuguti sia nga magsabat.] Ining milagro nga matabo sa palaabuton nagahatag sing paglaum sa madamo nga tawo. [Basaha ang isa sa mga teksto sa pahina 9-10.] Ini nga magasin nagasabat sa tatlo ka masami nga pagpamatok parte sa mga milagro.”

Magmata! Agosto

“Madamo nga tawo subong ang nakulbaan maglagaw nga nagaisahanon, ilabi na kon gab-i. Sa banta mo may mahimo pa bala kita agod mabuhinan ang kasingki sa kalibutan? [Tuguti sia nga magsabat.] Ini nga magasin nagapakita sang pila ka butang nga mahimo naton tanan agod mangin mas mahidaiton kita sa iban. Nagasaysay man ini kon paano matuman ini nga tagna.” Basaha ang Salmo 72:7.