Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Marso

“Madamo nga tawo ang nagaselebrar sang pagkabun-ag ni Jesus, pero importante ayhan nga dumdumon ang iya kamatayon?” Tuguti sia nga magsabat. Nian ihatag sa tagbalay ang Marso 1 nga Lalantawan, kag binagbinaga ninyo ang una nga subtitulo sa pahina 16 kag ang isa ukon kapin pa sa ginsambit nga mga teksto. Maghimo sing kahimusan nga magbalik para binagbinagon ang masunod nga pamangkot.

Ang Lalantawan Marso 1

“Tuman na kadamo ang relihion kag sekta nga may lainlain nga ginapatihan kag ginahimo. Sa banta mo, matuod gid nga Cristiano ang bisan sin-o nga nagapangangkon nga Cristiano? [Tuguti sia nga magsabat.] Siling ni Jesus, amo ini ang isa sa mga palatandaan sang matuod nga mga Cristiano. [Basaha ang Juan 13:34, 35.] Matun-an mo sa sini nga magasin ang lima ka ginsiling ni Jesus nga makabulig sa aton nga makilala ang iya matuod nga mga sumulunod.”

Magmata! Marso

“Nagapakig-istorya kami sa mga tawo parte sa nagakatabo sa aton palibot. Makita naton sa karon nga ang mga tawo daw madali lang maakig. Sa banta mo ano ayhan ang rason? [Tuguti sia nga magsabat.] Amo ini ang ginasiling sang Biblia parte sa kaakig. [Basaha ang Salmo 37:8.] Matun-an mo sa sini nga magasin ang pila ka rason kon ngaa madali lang maakig ang mga tawo subong kag kon paano naton makontrol ang aton kaakig.”