Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Oktubre

“Sigurado ako nga nagapati ka nga malip-ot lang ang kabuhi. Sa banta mo madula pa ayhan ang mga balatian kag maglawig ang aton kabuhi? [Tuguti sia nga magsabat.] Talupangda ang ginasiling diri.” Ihatag sa tagbalay ang Oktubre 1 nga Lalantawan, kag binagbinaga ninyo ang una nga subtitulo sa pahina 16 kag ang ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Oktubre 1

“Madamo ang nagakabalaka bangod sa korapsion sa negosyo kag gobierno. Sa banta mo masolbar pa ayhan ini? [Tuguti sia nga magsabat.] Talupangda kon ano ang himuon ni Jesus sa mga biktima sang korapsion. [Basaha ang Salmo 72:12-14.] Ginapakita sini nga magasin kon paano malapit na lang dulaon ang korapsion.”

Magmata! Oktubre

“Gusto sang kalabanan nga ginikanan nga makabaton sing maayo nga edukasyon ang ila kabataan. Sa banta mo ang naggradweyt nga mga pamatan-on subong handa na sa pagkinabuhi? [Tuguti sia nga magsabat.] Talupangda ang ginasiling sang Biblia parte sa importansia sang pagkuha sing ihibalo kag kaalam. [Basaha ang Manugwali 7:12.] Ini nga magasin nagahatag sing lima ka praktikal nga suhestyon kon paano magmadinalag-on ang mga kabataan sa ila pag-eskwela.”