Oi Laloatao, A?

Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

• Dahaka ese ta ia durua diba alkahol dekenai lalohadai maorona ia abia totona?

Hanaihanai guriguri bona Dirava ena Hereva amo goada ia abia diba. Ia boga auka bona tura namodia ia abia hidi be mai anina bada. Unai dainai, bema ia ura inuinu, ena sikele hegeregerena ia inua be namo​—iena sikele ia hanaia o ia kekero be maoro lasi.​—7/1, rau 7-9.

• Dirava ese edena aneru ia siaia Aigupito amo Israela taudia ia hakaua totona? (Eso. 23:​20, 21)

Ita gwau diba unai aneru, ‘Dirava ena siahu ia abia,’ be Dirava ena natuna roboana. Ia be gabeai tanobada dekenai ia mai bona ena ladana idia atoa Iesu.​​—9/15, rau 21.

• Tomadiho momokani dalanai, Dirava ese edena ekskius herevadia ia abia dae lasi?

‘Haroro gaukara lau karaia be auka. Lau ura lasi haroro gaukara lau karaia. Lau bisi bada. Lau be hegeregere lasi. Ta ese egu lalona ia hahisia.’ Dirava ena ura karaia totona unai bamona ekskius herevadia ita gwauraia be maoro lasi.​​—10/15, rau 12-​15.

• Hebou dekenai oi bona ma haida oi hagoadaia diba daladia haida be dahaka?

Hegaegae guna. Hebou lao henia hanaihanai. Nega korikori ai ginidae. Gau ibounai abia hegaegae. Lalona veria gaudia dadaraia. Hebou dekenai oi haere. Haere kwadogidia henia. Ita idia henia gaukaradia ita karaia guguru. Haere bona hereva idia henia taudia hanamoa. Hagoadaia heheni.​​—10/15, rau 22.

• Arona be Israela taudia edia laloani herevadia ia badinaia karana amo dahaka ita dibaia?

Mose ia noho lasi neganai, Israela taudia ese Arona idia doria idia totona kaivakuku ta do ia karaia. Edia laloani herevadia ia badinaia bona edia ura gauna ia karaia. Unai ese ia hahedinaraia matamata taudia sibona lasi, to taunimanima badadia danu be unai bamona hahetoho idia davaria. Idia ura kara maorona idia karaia taudia be ma haida edia laloani herevadia ese idia tohoa diba. Gau badana be unai bamona laloani herevadia ita dadaraia.​​—11/15, rau 8.