Աստուածաշունչը. իրողութեան ու մարգարէութեան գիրք մը

Աստուածաշունչը. իրողութեան ու մարգարէութեան գիրք մը խորագրով DVD–ն երեք տեսաերիզներ կը բովանդակէ։ Առաջին տեսաերիզին խորագիրն է՝ Աստուածաշունչը. մարդկութեան ամենահին եւ այժմէական գիրքը։ Զայն դիտելէ ետք, ներքոյիշեալ հարցումներուն պատասխանէ.

1) Աստուածաշունչը ի՞նչ կերպերով արդի գիտութեան հետ կը համաձայնի։ 2) Ի՞նչպէս կրնանք վստահ ըլլալ, որ այժմու Աստուածաշունչը սկզբնական գրութիւններէն տարբեր չէ։ 3) Աստուածաշունչի վաղեմի ձեռագիրներուն բնագիրը ի՞նչ աչքառու երեսակ մը ունի։ 4) Ճոն Ուիքլիֆ, Եոհաննէս Կիւթէնպէրկ, Ուիլիըմ Թինտէյլ, Ճոն Հուս, Մարթին Լուտեր, Քասիոտորօ տը Ռէյնա եւ Չարլզ Թէյզ Ռասըլ, ի՞նչ կերպերով նպաստեցին որ Աստուծոյ Խօսքը համայն աշխարհի մէջ տարածուի, իսկ եկեղեցին ի՞նչպէս կատաղիօրէն հակառակեցաւ Աստուածաշունչին։ 5) Աստուածաշունչի գործնական խրատները ի՞նչպէս մարդոց օգնած են, որ գլուխ ելլեն հետեւեալ հարցերուն հետ. առողջապահական խնդիրներ (Սաղ. 34։8), բախտախաղի մոլութիւն (Ա. Տիմ. 6։9, 10), ամուսնական բաժանում եւ անհաւատարմութիւն (Ա. Կոր. 13։4, 5. Եփ. 5։28-33), եւ նիւթական հարստութեամբ մտազբաղ ըլլալ (Մատ. 16։26)։ 6) Ի՞նչ ապացոյց կայ թէ աստուածաշնչական սկզբունքները կիրարկելը կրնայ ազգային, էթնիքական եւ ցեղային ատելութիւնը յաղթահարել (Ղուկ. 10։27)։ 7) Աստուածաշունչի սկզբունքներուն կառչիլը ի՞նչ կերպերով քեզի աւելի ուրախութիւն պատճառած է։ 8) Ի՞նչպէս կրնաս այս տեսաերիզը գործածել ուրիշներուն օգնելու համար (տե՛ս փետրուար 2006–ի Մեր Թագաւորութեան ծառայութիւնը, էջ 8)։