Abụ Ọma

149 Toonụ Jaa!+

Bụkuonụ Jehova abụ ọhụrụ,+

Bụọnụ abụ otuto ya n’ime ọgbakọ nke ndị na-eguzosi ike n’ihe.+

 2 Ka Izrel ṅụrịa ọṅụ n’ime Onye Ukwu kere ya,+

Ka ụmụ Zayọn ṅụrịa ọṅụ n’ime Eze ha.+

 3 Ka ha jiri ịgba egwú too aha ya.+

Ka ha were obere ịgbà na ụbọ akwara bụkuo ya abụ olu ụtọ.+

 4 N’ihi na ihe ndị Jehova na-atọ ya ụtọ.+

Ọ na-eji nzọpụta achọ ndị dị umeala n’obi mma.+

 5 Ka ndị na-eguzosi ike n’ihe ṅụrịa ọṅụ ná nsọpụrụ ha;

Ka ha tie mkpu ọṅụ n’elu ihe ndina ha.+

 6 Ka abụ e ji eto Chineke dịrị n’akpịrị ha,+

Ka mma agha ihu abụọ dịrị n’aka ha,+

 7 Iji bọọ ọbọ n’ahụ́ mba dị iche iche,+

Baakwara mba dị iche iche mba,+

 8 Iji kee ndị eze ha agbụ,+

Tụọkwa ndị ha a na-asọpụrụ ịgà ígwè.

 9 Iji mezuo mkpebi ikpe e dere ede n’isi ha.+

Ịma mma dị otú ahụ bụ nke ndị niile na-eguzosi ike n’ebe ọ nọ.+

Toonụ Jaa!+