• Jeremaya 12:1-3
    Baịbụl Nsọ nke Nsụgharị Ụwa Ọhụrụ

    • 12 Jehova, ị bụ onye ezi omume.+ Mgbe ọ bụla m kọọrọ gị ihe na-enye m nsogbu n’obi

      Nakwa mgbe ọ bụla m ji okwu ikpe bịakwute gị, ị na-ekpe ikpe ziri ezi.

      Ma, gịnị mere ihe ji agaziri ndị ajọ omume?+

      Gịnịkwa mere na e nweghị ihe na-echegbu ndị aghụghọ?

       2 Ị kụrụ ha ka osisi. Ha agbanyekwala mgbọrọgwụ.

      Ha etoola, mịakwa mkpụrụ.

      Ha na-akpụ gị n’ọnụ mgbe niile, ma obi ha adịghị n’ebe ị nọ.+

       3 Ma Jehova, ị ma m nke ọma.+ Ị na-ahụkwa m.

      I nyochaala obi m wee hụ na obi m dị n’ebe ị nọ.+

      Họpụta ha ka atụrụ a ga-egbu egbu.

      Dowekwa ha iche maka ụbọchị a ga-egbu ha.