Ẹla o-Ya La Ịla Ọchịchị

Ala IRom 12:11

ẸLA ỌLẸ KÁ KA HỌ: Ya ẹla la ila ọchịchị chajị kọ́ ka gu angịlẹ kị wẹẹ ke ụrụ wo lang ọ-ọkịlẹtụ bala o-gwaa gbịla nyọka kpa ẹla ọọwa họ ụkụrwọ.

JAABWỌ KÁ KA BWU HỌ ỊNYỊ:

• Ẹla ọọwa a gung ahụ ayịdang ọ-ọkịlẹtụ. Jaabwọ ká wẹẹ nwụlanọ nyọka họ ụpa nyang, kụ irya kpori-kpori u-uhye nya ang odudu ká ẹla ọlẹ ká wẹẹ ka ya baba nya ịlẹhị-ịlẹhị. Jẹ́ ẹla ọlẹ ká wẹẹ ka ya yẹẹyẹẹ chajị á ka jẹ́-ẹ yoo bwu ọkịlẹtụ.

• Kụ irya nya angịlẹ kị wẹẹ ke ụrụ wo lang. Kụ irya kpori-kpori u-uhye nya apyobwuna ọlẹ ká angịkịla ka ye bwu ẹla ọlẹ ká wẹẹ ka wa lee ọmẹjẹ. Kụ irya nya agbẹyị ịlẹ á ka jẹ́-ẹ bwu ya ẹlẹwẹ kọ ka kpụ angịlẹ kị wẹẹ ke ụrụ ịpyọ bala ọ-myaa lẹhị.

• Ya ẹla kpịra-kpịra. Ya ẹla la ila ọchịchị. Kpa ụbwọ bala ẹhị ya ẹla ụ-ụgbẹyị ọlẹ kọ ka mẹ ẹla ọlọkịlẹtụ nyang jẹ u-uhye nya ẹlẹwẹ.