Gimong ti Serbisio iti Marso
Lawas ti Marso 4-10
10 min: Dagiti lokal nga anunsio ken Dagiti Pakaammo manipud Ti Ministeriotayo iti Pagarian.
15 min: “Bendituenyo ni Jehova ‘iti Agmalmalem.’” Saludsod ken sungbat. Basaen dagiti parapo 2-5. Maiparegta ti regular ken auxiliary payunir a trabaho.
20 min: “Panangusar iti Libro a Pannakaammo a Mangiturong iti Biag nga Agnanayon.” Repasuen dagiti naisingasing a presentasion. Mangiparang iti maysa wenno dua a demostrasion.
Kanta 78 ken pangserra a kararag.
Lawas ti Marso 11-17
10 min: Dagiti lokal nga anunsio. Report ti kuenta.
20 min: “Magunggona Manipud Teokratiko nga Eskuelaan ti Panagministro iti 1996—Paset 3.” Palawag ti manangaywan ti eskuelaan. Ilawlawag dagiti annuroten ti panagyebkas kadagiti nagan nga adda iti Biblia, kas masarakan iti libro nga “Amin a Kasuratan,” pinanid 325-6, parapo 27-8.
15 min: Aramiden Dagiti Bambanag a Sangsangkamaysa kas Pamilia. Makisao ti ama iti pamiliana maipapan ti kasapulan a panagkaykaysa, naibasar iti Setiembre 1, 1993, a Pagwanawanan, pinanid 16-19. Igunamgunam ti panagadal ti pamilia ken ti trabaho a panagebanghelio. Ipakita no kasano a nasinasina dagiti moderno a pamilia gapu ta bassit ti tiempo nga us-usarenda nga agkakadua ken saan nga agpapada ti paginteresanda. Maysa a bendision iti Nakristianuan a pamilia ti panagadal iti Sao ti Dios ken pannakiraman iti ministerio a sangsangkamaysa. Mapagkaykaysa ti pamilia ken masalakniban a mangsaranget kadagiti dumegdegdeg a pakadagsenan nga agturong iti kinanailubongan.
Kanta 211 ken pangserra a kararag.
Lawas ti Marso 18-24
10 min: Dagiti lokal nga anunsio. Masapul a paregtaen dagidiay mangidadaulo kadagiti panagadal dagiti naimbag ti panagrang-ayda nga agdadamo nga agbalin a di bautisado nga agibumbunannag. Repasuen ti pagannurotan iti Organisado a Mangitungpal iti Ministeriotayo, pinanid 97-100.
15 min: Repaso Kadagiti Tampok a Paset ti 1996 Yearbook of Jehovah’s Witnesses. Pagsaritaan ti grupo ti pamilia ti sumagmamano a makapainteres a paset maipapan ti sangalubongan nga aktibidadtayo a nasaklaw iti pinanid 3-5 ken 33. Pagnunumuanda a kada aldaw sangsangkamaysa a padasenda a basaen dagiti sumagmamano a pinanid ti Yearbook kalpasan nga usigenda ti teksto idiay Panangsukimat Kadagiti Kasuratan iti Inaldaw-aldaw.
20 min: “Tulongan ti Sabsabali a Gumun-od iti Pannakaammo a Mangiturong iti Biag.” Repasuen dagiti naisingasing a presentasion ken mangiparang iti maysa wenno dua a demostrasion.
Kanta 130 ken pangserra a kararag.
Lawas ti Marso 25-31
15 min: Dagiti lokal nga anunsio. Repasuen “Dagiti Palagip iti Memorial.” Ilawlawag no apay a nasken ti tumabuno. (Kitaenyo ti Agosto 15, 1985, a Pagwanawanan, pinanid 18-20.) Repasuen dagiti plano a tumulong kadagiti nataengan, masaksakit, ken agdadamo a tumabuno. Pagsaritaan dagiti urnos ti napalawa a tay-ak ti serbisio nga aktibidad bayat ti umay a lawas. Kasta met, repasuen ti artikulo a, “Sadiay Pakaipakitaan ti Kinamanagpadagus Kadagiti Ganggannaet,” iti panid 32 ti Setiembre 22, 1995, a ruar ti Agriingkayo!
15 min: “Saludsod.” Palawag ti panglakayen. Pagsaritaan dagiti rason ti kinamanagparabur, kas naibalabala iti Enero 15, 1992, a Pagwanawanan, pinanid 16-17.
15 min: “Panagsagana—Tulbek ti Balligi.” Saludsod ken sungbat. Dakamaten nga itukontayto bayat ti Abril ken Mayo Ti Pagwanawanan ken Agriingkayo! Agsaganakayo itan babaen ti panagpedido ti ekstra a kopia, mangala kadagiti resibo ti suskripsion, ken agplano a suportaran ti aktibidad ti espesial nga Aldaw ti Magasin.
Kanta 7 ken pangserra a kararag.