Usaren a Naimbag Dagiti Magasina
1 No sumarungkarkayo kadagiti pagtagilakuan ti pagiwarnak, makitayo dagiti adu a magasina a naglaon iti nagduduma a bambanag manipud iti komiks ken nasientipikuan a teknolohia. Saanyo ida a mabasa amin. Bayat a dadduma kadagiti magasina ket adda nausar a salaysayda, kaaduan kadakuada ti mapagduduaan iti pategda.
2 Anian a naidumduma no maidilig iti Agriingkayo! Daytoy a magasina ti dedikado iti panangsukimat ken panangiwarnak ti kinapudno a mausar a maipaay iti pannakaisalakan dagiti amin a mangipangag iti ayat ti Dios.
3 Ti Agriingkayo! ket epektibo a pangdanon iti amin a kita dagiti tattao gapu ti kalawa iti masaknapanna ken ti nagduduma nga artikulona. Kas nailawlawag iti panid 4 iti kada ruarna, isut’ “agpaay a pakalawagan ti intero a pamilia.” Naglaon kadagiti artikulo iti nagduduma a suheto, a ramanenna dagiti tattao, relihion ken siensia. Sukisokenna iti arisadsad ti makinrabaw ken puntos iti pudno a kaipapanan ti likud iti agdama a paspasamak. Iti ngatuen dagiti amin, “pabpabilgen daytoy a magasina ti panagtalek iti kari ti Namarsua maipaay iti natalna ken natalged a baro a lubong.”
4 Bayat iti Oktubre iturongtayo ti asikaso iti magasina nga Agriingkayo! idiay tay-ak ti serbisiotayo. Ti kalattayo isut’ pananggun-od iti suskripsion nga agpaay ti magasina tapno dagiti interesado a tattao ket agpasangpetda a regular a diretso babaen ti koreo.
5 Ti Oktubre 8 a ruar iti Agriingkayo! isut’ naglaon iti topiko a “Salaknibanyo Dagiti Annakyo.” Adu a pamilia ita ti agproblema maipapan iti annakda ket abrasaenda ti naintiempuan a balakad a linaon iti magasina. No maipapan iti Oktubre 22 a ruar, makaalatayo ti dumngeg a lapayag babaen iti panangiyawis ti asikaso iti artikulo nga “Asidegen Aya ti Baro a Lubong?”
Dagiti Panangiparang a Makatignay ti Interes
6 Kalpasan a maiyammo ti bagiyo, mabalinyo a kunaen:
◼ “Adu ti nagannak ita ti maseknan maipapan iti problema a naipasango kadagiti agtutubo. Mariknayo kadi a pudno daytoy ita? [Palubosan a sumungbat.] Ania ti pagarupenyo a kasayaatan a giya kadagiti nagannak ita? Ditoy Oktubre 8 a ruar ti Agriingkayo! adda praktikal a singasing no kasano a mataming dagitoy a problema.” Kalpasanna ukagen ti magasina ken ipakita iti artikulo a “Salaknibanyo Dagiti Annakyo.”
7 Wenno mabalinyo a kunaen:
◼ “Kasano a ti namnama iti maysa a baro a sistema nga amin a gubat ken riribuk a maawanen ket makaallukoy kadakayo? [Palubosan a sumungbat.] Tapno maipakita kadakayo a daytoy ket saan laeng a tagtagainep adda kaniak ti maysa a magasina (Oktubre 22 a ruar) a mangilawlawag iti daytoy a nakaskasdaaw a namnama manipud iti panangmatmat ti Biblia.” Kalpasanna maiturong iti artikulo a napauluan ti: “Asidegen Aya ti Baro a Lubong?”
8 Kayattayo ti agpositibo iti idudupag no itukontayo ti Agriingkayo! kadagiti tattao. Kombensidotayo iti pategna. Addaantayo ti maysa a banag a naimbag, ket kayattayo a mairanud met iti dadduma.—Prov. 3:27.