Sálmur

132 Jehóva, mundu eftir Davíð

og öllum þjáningum hans,+

 2 hvernig hann sór Jehóva eið

og hét Hinum volduga Jakobs:+

 3 „Ég fer ekki inn í tjald mitt, í hús mitt,+

ég leggst ekki til hvíldar, í rúm mitt,

 4 ég unni ekki augum mínum svefns

né augnlokum mínum að blunda

 5 fyrr en ég finn stað handa Jehóva,

fagran bústað* handa Hinum volduga Jakobs.“+

 6 Við fréttum af henni* í Efrata,+

við fundum hana í skóglendinu.+

 7 Göngum inn í bústað* hans,+

föllum fram við skemil hans.+

 8 Gakktu fram, Jehóva, og komdu til hvíldarstaðar þíns,+

þú og örk máttar þíns.+

 9 Prestar þínir klæðist réttlætinu

og þínir trúföstu hrópi af gleði.

10 Hafnaðu ekki þínum smurða,

vegna Davíðs þjóns þíns.+

11 Jehóva hefur svarið Davíð

og hann gengur ekki á bak orða sinna:

12 Ef synir þínir halda sáttmála minn

og áminningar sem ég kenni þeim+

skulu synir þeirra líka

sitja í hásæti þínu að eilífu.“+

13 Jehóva hefur valið Síon,+

þar þráir hann að eiga bústað sinn:+

14 „Þetta er hvíldarstaður minn að eilífu,

hér mun ég búa,+ það þrái ég.

15 Ég mun blessa borgina með matarbirgðum

og metta fátæklinga hennar með brauði.+

16 Presta hennar klæði ég frelsun+

og hinir trúföstu munu hrópa af gleði.+

17 Þar læt ég Davíð eflast,*

ég hef lampa tilbúinn handa mínum smurða.+

18 Ég klæði óvini hans skömm

en kórónan á höfði hans mun ljóma.“+