Jesús birtist fiskimönnunum

Einhvern tíma eftir að Jesús birtist postulunum ákvað Pétur að fara að veiða í Galíleuvatni. Tómas, Jakob, Jóhannes og nokkrir aðrir lærisveinar fóru með honum. Þeir voru að veiða alla nóttina en fengu ekkert.

Snemma morguninn eftir sáu þeir mann standa á ströndinni. Hann kallaði til þeirra út á vatnið: ‚Hafið þið veitt eitthvað?‘ „Nei,“ svöruðu þeir. Maðurinn sagði: „Kastið netinu hægra megin við bátinn.“ Þeir gerðu það og fengu svo mikinn fisk að þeir gátu ekki dregið hann upp í bátinn. Jóhannes fattaði allt í einu að þetta var Jesús og sagði: „Þetta er Drottinn!“ Pétur stökk strax út í vatnið og synti í land. Hinir lærisveinarnir komu á eftir á bátnum.

Þegar þeir komu í land sáu þeir að það var brauð þar og að Jesús var að grilla fisk. Jesús sagði þeim að koma með eitthvað af fiskinum sem þeir voru að veiða. Síðan sagði hann: „Komið og fáið ykkur morgunmat.“

Þegar þeir voru búnir að borða morgunmat spurði Jesús Pétur: ‚Elskarðu mig meira en að veiða?‘ Pétur svaraði: ‚Já, Drottinn, þú veist að ég geri það.‘ Jesús sagði: ‚Gefðu þá lömbunum mínum að borða.‘ Jesús spurði aftur: ‚Pétur, elskarðu mig?‘ Pétur svaraði: ‚Drottinn, þú veist að ég geri það.‘ Jesús sagði: „Gættu lamba minna.“ Jesús spurði Pétur að því sama í þriðja sinn. Pétur varð mjög leiður og sagði: ‚Drottinn, þú veist allt. Þú veist að ég elska þig.‘ Jesús sagði: „Fóðraðu lömbin mín.“ Að lokum sagði hann við Pétur: „Haltu áfram að fylgja mér.“