Undur sköpunarverksins opinbera dýrð Guðs

Margir njóta þess að horfa á sköpunarverkið. En fæstir átta sig á því að það gefur góða mynd af hugsunum skaparans og tilfinningum hans. (Rómv. 1:20) Fyrir löngu lærði Davíð um Jehóva í innblásnu orði hans. En sköpunarverkið hjálpaði Davíð einnig að nálægja sig honum. (Sálm. 8:4, 5) Mynddiskurinn The Wonders of Creation Reveal God’s Glory (Undur sköpunarverksins opinbera dýrð Guðs) hjálpar okkur, börnum okkar og biblíunemendum að sjá sköpunarverk Jehóva frá öðru sjónarhorni. Við kynnumst persónuleika skaparans betur og tengjumst honum enn nánari böndum. Athugið hvort þið getið svarað eftirfarandi spurningum þegar þið hafið horft á myndina.

(1) Hvernig hefur stærð og skipulag alheimsins aukið þakklæti þitt til Jehóva? (Jes. 40:26) (2) Hvað lærum við um skapara vatnsins þegar við skoðum það gaumgæfilega? (Opinb. 14:7) (3) Hvað segir stærð jarðarinnar og fjarlægðin frá sólinni um visku Jehóva? (4) Hvaða tilgangi þjónar tunglið? (Sálm. 89:37) (5) Hvernig hefur Jehóva skapað mennina til að hafa ánægju af lífinu? (6) Hvað er DNA? (Sálm. 139:16) (7) Hvernig eru mennirnir frábrugðnir öðrum sköpunarverum Jehóva? (1. Mós. 1:26) (8) Til hvers hlakkar þú í nýja heiminum?

Aukaefni: (9) Hvaðan koma litirnir? (10) Hvernig sigrast vatnið á þyngdaraflinu til að ná upp í trjátoppana? (11) Hvaða hlutverki gegnir vatn í líkama okkar? (12) Nefndu dæmi um samvinnu lífvera. (13) Hvernig hafa lífverur vit á því að vinna saman? (14) Hvað er „gullna hornið“ og hvernig birtist það í sköpunarverkinu?

Grannskoðum handaverk Jehóva: Jesús sagði: „Lítið til fugla himinsins“ og „hyggið að liljum vallarins“. (Matt. 6:26, 28) Ef við gerum það styrkist trú okkar og traust á skaparann og það eykur þakklæti okkar fyrir visku Jehóva, björgunarkraft hans og kærleika. Við skulum ekki leyfa þessum heimi að trufla okkur um of heldur taka okkur tíma til að njóta undra sköpunarverksins og íhuga hvað það segir okkur um Guð. – Sálm. 19:2.