Himnarnir segja frá dýrð Guðs

1. Dýrð Jehóva allt himinhvolfið heiðrar,

um hagleik hans og snilld

það fagurt vitni ber.

Hver dagur stórmerkin stafar svo skýrt,

hin stirnda nótt, hún boðar hljótt

hvert eðli Drottins er.

2. Lög Jehóva án lýta, auðga lífið,

þau ungum jafnt sem öldnum

létta æviskeið.

Hver regla innblásin reynast mun góð,

hvert ráð er satt, fær okkur glatt

og greiðir rétta leið.

3. Að óttast Guð er heilnæmt okkar hugsun

og háleit boðin hans,

þau veita sannan frið.

Hans leiðsögn verndar best líf sérhvers manns.

Hann sýnir vægð, hans náð skal frægð

er nafn hans kynnum við.