ÞJÁLFUNARLIÐUR 6

Biblíuvers vel heimfærð

Jóhannes 10:33-36

YFIRLIT: Láttu þér ekki nægja að lesa biblíuvers og snúa þér svo að næsta atriði. Fullvissaðu þig um að áheyrendur skilji hvernig versið tengist því sem þú ert að leggja áherslu á.

HVERNIG FER MAÐUR AÐ?

Afmarkaðu lykilorðin. Þegar þú hefur lesið biblíuvers skaltu leggja áherslu á þau orð sem tengjast aðalatriðinu beint. Þú getur gert það með því að endurtaka orðin eða með því að varpa fram spurningu sem fær áheyrendur til að koma auga á lykilorðin.

Ef þú endurorðar meginhugsunina í biblíuversinu skaltu vera viss um að áheyrendurnir skilji samt hvernig orðalagið tengist því sem stendur í biblíuversinu.
Leggðu áherslu á það sem þú villt að áheyrendur muni. Ef þú kynnir biblíuvers í ákveðnum tilgangi skaltu útskýra hvernig lykilorðin í versinu tengjast honum.

Hafðu Biblíuna opna á meðan þú ert að ræða um biblíuversið. Það hjálpar áheyrendum þínum að tengja orð þín við biblíuversið sem þú varst að lesa.
Heimfærðu efnið á einfaldan hátt. Farðu ekki út í óþarfa smáatriði sem skýra ekki aðalatriðið. Taktu mið af þekkingu áheyrenda á efninu þegar þú ákveður hve miklar upplýsingar þarf til að heimfæra það skýrt og greinilega.