ფსალმუნები

 2 მთლიანად ჩამომრეცხე დანაშაული+

და განმწმინდე ჩემი ცოდვისგან,+

 3 რადგან კარგად ვუწყი ჩემი დანაშაული

და ჩემი ცოდვა მუდამ თვალწინ მიდგას.+

 4 ყველაზე მეტად შენ წინაშე მიმიძღვის ბრალი,+

ბოროტება ჩავიდინე შენს თვალში;+

მართალია, რასაც ამბობ

და სამართლიანია შენი განაჩენი.+

 5 აი, დანაშაულით დავიბადე

და ცოდვილი ჩავესახე დედაჩემს.+

 6 შენ გსიამოვნებს, როცა კაცის გულში ჭეშმარიტებას ხედავ;+

გულში ჩამიბეჭდე ჭეშმარიტი სიბრძნე.

 7 უსუპით განმწმინდე ცოდვისგან, რათა სუფთა ვიყო;+

განმბანე, რათა თოვლზე მეტად გავთეთრდე.+

 8 გამაგონე სიხარულისა და მხიარულების ხმა,

რათა სიმთელე დაიბრუნონ შენ მიერ შემუსვრილმა ძვლებმა.+

 9 თვალი მოარიდე ჩემს ცოდვებს,+

მაპატიე ყველა ჩემი დანაშაული.+

10 სუფთა გული შექმენი ჩემში, ღმერთო,+

და ახალი, მტკიცე სულისკვეთებით განმმსჭვალე.+

11 თავიდან ნუ მომიშორებ

და შენს წმინდა სულს ნუ წამართმევ.

12 დამიბრუნე სიხარული, შენგან დახსნილს რომ დამეუფლა,+

შენი მორჩილების სურვილი აღმიძარი გულში.

13 შენს გზებს ვასწავლი შემცოდველებს,+

რათა დაგიბრუნდნენ ცოდვილები.

14 ნუ მომკითხავ პასუხს დაღვრილი სისხლის გამო,+

ღმერთო, ჩემო მხსნელო ღმერთო,+

15 იეჰოვა, ბაგე გამიხსენი,

რათა გაქოს ჩემმა პირმა.+

16 შესაწირავი არ გსურს, თორემ შემოგწირავდი;+

არ გსიამოვნებს მთლიანად დასაწვავი მსხვერპლი.+

17 ღვთისთვის საამო მსხვერპლი დამწუხრებული სულია;

მომნანიებელ და მოდრეკილ გულს შენ არ უგულებელყოფ, ღმერთო.+

18 წყალობა უყავი სიონს და მის სასიკეთოდ იმოქმედე,

გაამაგრე იერუსალიმის გალავანი.

19 მაშინ სიამოვნებას მოგგვრის სიმართლის მსხვერპლი,

დასაწვავი მსხვერპლი და მთლიანად დასაწვავი შესაწირავი;

მაშინ შესწირავენ მოზვრებს შენს სამსხვერპლოზე.+