ღირსშესანიშნავი მოვლენები იეჰოვას მოწმეების თანამედროვე ისტორიიდან

1870 ჩარლზ ტეიზ რასელი და მისი თანამოაზრეები პიტსბურგიდან და ალეგანიდან (პენსილვანიის შტატი, აშშ) რეგულარულად იწყებენ ბიბლიის გამოკვლევას

1870—1875 რასელი და მისი ჯგუფის წევრები იგებენ, რომ ქრისტეს მეორედ მოსვლა ადამიანებისთვის უხილავად მოხდება და მისი მოსვლის მიზანი დედამიწაზე მცხოვრები ოჯახების კურთხევაც იქნება

1872 რასელი და მისი თანამოაზრეები აფასებენ გამოსასყიდს, რომელიც ქრისტემ კაცობრიობისთვის გაიღო

1876 იანვარში რასელი იღებს გაზეთ „დილის მაცნის“ ნომერს; ზაფხულში ის ამ გაზეთის რედაქტორს, ბარბორს ხვდება ფილადელფიაში (პენსილვანიის შტატი)

ბრუკლინში (ნიუ-იორკი) გამომავალ ჟურნალ „ბიბლიის მკვლევარში“ გამოქვეყნებული რასელის სტატია ყურადღებას ამახვილებს 1914 წელზე, როგორც უცხოტომელთათვის დანიშნული დროების დასასრულზე

1877 ბარბორისა და რასელის ერთობლივი მუშაობის შედეგად გამოდის წიგნი „სამი ქვეყნიერება“

როჩესტერში (ნიუ-იორკი) „დილის მაცნის“ გამომცემლობაში რასელი გამოსცემს ბროშურას „უფლის მეორედ მოსვლა — რისთვის და როგორ?“

1879 გამოსასყიდისადმი ბარბორის დამოკიდებულების გამო მაისში რასელი ყოველგვარ დახმარებას უწყვეტს „დილის მაცნეს“

გამოდის „სიონის საგუშაგო კოშკი და ქრისტეს მოსვლის მაცნის“ პირველი ნომერი, რომელიც დათარიღებულია 1879 წლის ივლისით

1881 ბიბლიის მკვლევარები პირველად გამოსცემენ ტრაქტატებს; 1914 წლამდე ყოველწლიურად ამ ტრაქტატების ათობით მილიონი ეგზემპლარი ვრცელდება 30 ენაზე

იქმნება „სიონის საგუშაგო კოშკისა და ტრაქტატების საზოგადოება“; ისმის მოწოდება: „საჭიროა 1 000 მქადაგებელი“, რომელთაგან ზოგი წიგნების სრული დროით დამტარებლად იმსახურებს, ზოგი კი იმდენ დრო დაუთმობს ბიბლიური ჭეშმარიტების ქადაგებას, რამდენის შესაძლებლობაც აქვს

ბრიტანეთის დიდ ქალაქებში ეკლესიის მრევლში ავრცელებენ 300 000 ეგზემპლარს პუბლიკაციისა „სულიერი საზრდო მოაზროვნე ქრისტიანებისთვის“

1883 „საგუშაგო კოშკი“ ჩინეთამდე აღწევს; ყოფილი პრესვიტერიანელი მისიონერი ქალი მალე იქ ქადაგებას იწყებს

1884 „სულიერი საზრდო მოაზროვნე ქრისტიანებისთვის“ ლიბერიამდე (აფრიკა) აღწევს; მადლიერი მკითხველი წერილს წერს და ითხოვს გასავრცელებლად მეტი ეგზემპლარის მიღებას

პენსილვანიის შტატში იქმნება „სიონის საგუშაგო კოშკისა და ტრაქტატების საზოგადოება“; 15 დეკემბერს ის ოფიციალურად ტარდება რეგისტრაციაში

1885 „საგუშაგო კოშკის“ პუბლიკაციებს ჭეშმარიტებასმოწყურებული ხალხი უკვე ჩრდილოეთ და სამხრეთ ამერიკაში, ევროპაში, აფრიკასა და აზიაში კითხულობს

1886 გამოდის წიგნი „ღვთის გეგმის განხორციელება საუკუნეების მანძილზე“, პირველი ტომი ნაშრომისა „ქრისტეს ათასწლიანი მეფობის გარიჟრაჟი“ (მოგვიანებით ეწოდა „საღვთო წერილის გამოკვლევა“)

1889 ალეგანიში (პენსილვანიის შტატი) არჩ-სტრიტზე შენდება ბიბლიის სახლი — ორგანიზაციის მთავარი სამმართველო

1891 ალეგანიში (პენსილვანიის შტატი) ბიბლიის მკვლევარების პირველი შეკრება, რომელსაც კონგრესს უწოდებენ (19—25 აპრილი)

1894 მიმომსვლელი ზედამხედველები, რომლებიც დროთა განმავლობაში პილიგრიმებად გახდნენ ცნობილნი (დღეს სარაიონო და საოლქო ზედამხედველები), ორგანიზაციის მითითებით კრებების მოსანახულებლად იგზავნებიან

1900 ლონდონში (ინგლისი) იხსნება საზოგადოება „საგუშაგო კოშკის“ პირველი ფილიალი

ბიბლიის მკვლევარები ქადაგებენ 28 ქვეყანაში და მათი ცნობა კიდევ სხვა 13 ქვეყანაში აღწევს

1903 კვირაობით აქტიურად ავრცელებენ უფასო ტრაქტატებს კარდაკარ; მანამდე ტრაქტატებს, ძირითადად, ეკლესიების მიმდებარე ქუჩებში ავრცელებდნენ

1904 რასელის ქადაგებები რეგულარულად იბეჭდება გაზეთებში; მომდევნო ათი წლის მანძილზე მისი ქადაგებები დაახლოებით 2 000 გაზეთში ქვეყნდებოდა

1909 აპრილში ორგანიზაციის მთავარი სამმართველო გადადის ბრუკლინში (ნიუ-იორკი)

1914 იანვარში პირველად აჩვენებენ „შემოქმედების ფოტოდრამას“ ნიუ-იორკში; წლის ბოლომდე ის მთლიანობაში 9 000 000-ზე მეტმა ადამიანმა ნახა ჩრდილოეთ ამერიკაში, ევროპასა და ავსტრალიაში

2 ოქტომბერს ბრუკლინში ბეთელის სასადილოში რასელმა განაცხადა: „უცხოტომელთათვის დანიშნული დროები დასრულდა“

ბიბლიის მკვლევარები აქტიურად ქადაგებენ 43 ქვეყანაში; სამქადაგებლო საქმიანობაში მონაწილეობს 5 155 ადამიანი; მონაცემების თანახმად, გახსენების საღამოს 18 243 ადამიანი ესწრება

1916 31 ოქტომბერს 64 წლის ჩარლზ რასელი ტეხასში მიმავალ მატარებელში გარდაიცვალა

1917 6 იანვარს ორგანიზაციის პრეზიდენტი ხდება ჯოზეფ რუტერფორდი, მანამდე ორი თვის მანძილზე ორგანიზაციის საქმიანობას აწარმოებდა სამი კაცისგან შემდგარი აღმასრულებელი კომიტეტი

17 ივლისს ბრუკლინის ბეთელის ოჯახი იღებს წიგნ „დასრულებულ საიდუმლოს“; ორგანიზაციის დირექტორთა საბჭოს ოთხი წევრის მხრიდან წინააღმდეგობა მწვავდება; ბევრ კრებაში განხეთქილება იჩენს თავს

1918 ლოს-ანჯელესში (კალიფორნიის შტატი) 24 თებერვალს პირველად წარმოითქვა მოხსენება „მოაწია ქვეყნიერების აღსასრულმა — დღეს მცხოვრები მილიონები შესაძლოა არასდროს მოკვდნენ“. ბოსტონში (მასაჩუსეტსის შტატი) იგივე მოხსენება წარმოითქვა 31 მარტს სათაურით „მოაწია ქვეყნიერების აღსასრულმა — დღეს მცხოვრები მილიონები არასდროს მოკვდებიან“

7 მაისს ხდება რუტერფორდისა და მისი ახლო თანამოაზრეების დაპატიმრების შესახებ ორდერის გაცემა; 5 ივნისს იმართება სასამართლო პროცესი; მათ ხანგრძლივ პატიმრობას უსჯიან 21 ივნისს (ერთ-ერთ მათგანს 10 ივლისს)

აგვისტოში იკეტება ბრუკლინის მთავარი სამმართველო და საქმიანობა წელიწადზე მეტი ხნით პიტსბურგში გადადის

1919 26 მარტს ორგანიზაციის თანამშრომლებს თავდებით ათავისუფლებენ; 14 მაისს სააპელაციო სასამართლო ცვლის ქვემდგომი სასამართლოს მიერ გამოტანილ გადაწყვეტილებას და ახალ პროცესს ნიშნავს; მომდევნო წელს, 5 მაისს მთავრობა წყვეტს ამ საქმის განხილვას

4 მაისს, იმის შესამოწმებლად, შეძლებენ თუ არა ბიბლიის მკვლევარები თავიანთი საქმიანობის განახლებას, ჯოზეფ რუტერფორდი ლოს-ანჯელესში (კალიფორნიის შტატი) კლუნის სახელობის საკონცერტო დარბაზში წარმოთქვამს მოხსენებას „იმედი გასაჭირში მყოფი კაცობრიობისთვის“; მოსასმენად იმდენი ხალხი მივიდა, რომ დარბაზში ადგილი აღარ იყო და საჭირო გახდა მოხსენების კიდევ ერთხელ წარმოთქმა

1—8 სექტემბერს სიდარ-პოინტში (ოჰაიო) ბიბლიის მკვლევარები კონგრესს მართავენ; კეთდება განცხადება ჟურნალ „ოქროს ხანის“ (ახლანდელი „გამოიღვიძეთ!“) გამოცემაზე

გამოიცემა „ბიულეტენი“ (ახლანდელი „ჩვენი სამეფო მსახურება“), რომელიც ხელს უწყობს სამქადაგებლო საქმიანობის წინსვლას

ამ წლის მონაცემებით, 43 ქვეყანაში 5 793 ბიბლიის მკვლევარი ქადაგებს აქტიურად; გახსენების საღამოს 21 411 ადამიანი ესწრება

1920 საზოგადოება „საგუშაგო კოშკი“ თავად იწყებს ბეჭდვით საქმიანობას ბრუკლინში

1922 26 თებერვალს კალიფორნიაში ჯოზეფ რუტერფორდი პირველად კითხულობს მოხსენებას რადიოთი

5—13 სექტემბერს ბიბლიის მკვლევარები კონგრესს მართავენ სიდარ-პოინტში; გაისმის მოწოდება: „აუწყეთ, აუწყეთ, აუწყეთ, მეფისა და მისი სამეფოს შესახებ“

გერმანიაში სამღვდელოება აგიტაციას ეწევა და პოლიციისგან მოითხოვს ბიბლიის მკვლევარების დაპატიმრებას, რომლებიც ბიბლიურ ლიტერატურას ავრცელებენ

1924 24 თებერვალს ფუნქციონირებას იწყებს რადიო WBBR (საზოგადოება „საგუშაგო კოშკის“ პირველი რადიოსადგური)

1925 1 მარტის „საგუშაგო კოშკში“ 1914 წელს ღვთის სამეფოს დაბადების შესახებ სტატიაში ნაჩვენებია, რომ არსებობს ორი ძირითადი ორგანიზაცია — იეჰოვასი და სატანის

1926 ბიბლიის მკვლევარებს კვირაობით კარდაკარ წიგნებით ქადაგებისკენ მოუწოდებენ

1928 ბიბლიის მკვლევარებს ნიუ-ჯერზიში (აშშ) კარდაკარ ლიტერატურის გავრცელების გამო აპატიმრებენ; ათი წლის მანძილზე ყოველ წელს შეერთებულ შტატებში ასეთი დაპატიმრებების 500-ზე მეტი შემთხვევა ფიქსირდება

1931 26 ივლისს კოლუმბუსში (ოჰაიოს შტატი) და შემდეგ მსოფლიოში ჩატარებულ კონგრესებზე იღებენ სახელს „იეჰოვას მოწმეები“

1932 წიგნ „გამართლების“ მეორე ტომში იხსნება, თუ რატომ ეხება აღდგენასთან დაკავშირებული ბიბლიური წინასწარმეტყველება სულიერ ისრაელს და არა ებრაელ ერს

15 აგვისტოსა და პირველი სექტემბრის „საგუშაგო კოშკის“ ნომრებში მოყვანილი მსჯელობის საფუძველზე გაუქმდა „უხუცესების არჩევა“

1933 იეჰოვას მოწმეების საქმიანობა იკრძალება გერმანიაში. ძლიერი დევნის დროს, რომელიც მეორე მსოფლიო ომის ბოლომდე გრძელდება, აპატიმრებენ 6 262 მოწმეს და ციხეებში ისინი მთლიანობაში 14 332 წელს ატარებენ; 2 074 მოწმე საკონცენტრაციო ბანაკებში ხვდება, სადაც ისინი ერთად აღებული 8 332 წელს ატარებენ

ხმის გამაძლიერებლების (ზოგი ავტომობილებზეა დამონტაჟებული) დახმარებით მოწმეები ხალხს საზოგადოებრივ ადგილებში ასმენინებენ ბიბლიურ მოხსენებებს

1934 იეჰოვას მოწმეები იყენებენ პორტატიულ პატეფონებს, რათა დაინტერესებულებს მოკლე ბიბლიური მოხსენებები მოასმენინონ

1935 31 მაისს ვაშინგტონში ჩატარებულ კონგრესზე წარმოთქმულ მოხსენებაში იხსნება, რომ „უამრავი ხალხი“ მიწიერ კლასს წარმოადგენს; ამ კონგრესზე 840 ადამიანი ინათლება; თანდათანობით დიდი ყურადღება მახვილდება იმაზე, რომ ღვთის ერთგულ მსახურებს დედამიწაზე მარადიულად ცხოვრების იმედი აქვთ

ჰონოლულუში (ჰავაის შტატი) შეხვედრების ადგილს პირველად უწოდებენ „სამეფო დარბაზს“

1936 სამეფოს მაუწყებლები პირველად იკიდებენ კისერზე პლაკატებს, რომლებითაც ხალხს ბიბლიურ მოხსენებებზე იწვევენ

მოწმეებს მოუწოდებენ, დაინტერესებულებთან დაიწყონ შესწავლა და ბიბლიასთან ერთად გამოიყენონ ორგანიზაციის წიგნი „სიმდიდრე“; ასეთი შესწავლები ხშირად ჯგუფებთან ტარდება

1937 მოწმეები პორტატიული პატეფონებით ხალხს კართანვე ასმენინებენ ბიბლიურ მოხსენებებს

1938 1-ლი და 15 ივნისის „საგუშაგო კოშკის“ თანახმად, კრების ზედამხედველების არჩევა ხდება არა დემოკრატიული, არამედ თეოკრატიული გზით

კრებების ჯგუფებისთვის ტარდება სამხარეო კონგრესები (დღეს ცნობილია, როგორც სარაიონო კონგრესები)

1939—45 ბრიტანეთის იმპერიასა და ბრიტანეთის თანამეგობრობის 23 ქვეყანაში იკრძალება იეჰოვას მოწმეების საქმიანობა ან მათი ბიბლიური ლიტერატურა

1940 იეჰოვას მოწმეები რეგულარულად ავრცელებენ ქუჩებში „საგუშაგო კოშკსა“ და „ნუგეშს“

3 ივნისს შეერთებული შტატების უზენაეს სასამართლოში მიღებული გადაწყვეტილების შემდეგ, რომლის თანახმადაც, მრწამსის მიუხედავად, სავალდებულო იყო დროშისთვის სალმის მიცემა, მთელ ქვეყანაში ხშირდება იეჰოვას მოწმეებზე ბრბოს თავდასხმები

1941 აქტიური მოწმეების რიცხვი აჭარბებს 100 000-ს და აღწევს უმაღლეს რიცხვს — 109 371-ს 107 ქვეყანაში, მიუხედავად იმისა, რომ მეორე მსოფლიო ომის მძვინვარებს ევროპაში და იჭრება აფრიკასა და აზიაში

1942 8 იანვარს სან-დიეგოში (კალიფორნიის შტატი) გარდაიცვალა ჯოზეფ რუტერფორდი

13 იანვარს ორგანიზაციის მესამე პრეზიდენტი ხდება ნეითან ნორი

ამ წელს „საგუშაგო კოშკის“ საერთო ტირაჟი ყველა ენაზე 11 325 143-ს შეადგენს

16 თებერვალს ორგანიზაციის მთავარი სამმართველოს თანამშრომლებისთვის ტარდება „თეოკრატიული მსახურების კურსი“

საზოგადოება „საგუშაგო კოშკი“ საკუთარ როტაციულ საბეჭდ მანქანაზე ბეჭდავს ბიბლიის „მეფე ჯეიმზის თარგმანის“ სრულ ვერსიას

1943 პირველ თებერვალს მეცადინეობას შეუდგა „საგუშაგო კოშკის“ ბიბლიური სკოლა „გალაადის“ პირველი კლასი

აპრილში ჩატარებულ კონგრესებზე ცხადდება, რომ იეჰოვას მოწმეთა კრებებში ჩატარდება „თეოკრატიული მსახურების კურსი“ (ამჟამად ეწოდება „თეოკრატიული მსახურების სკოლა“)

შეერთებული შტატების უზენაეს სასამართლოს 24-დან 20 საქმეზე იეჰოვას მოწმეების სასარგებლოდ გამოაქვს გადაწყვეტილება; 14 ივნისს ავსტრალიის უზენაესი სასამართლო იეჰოვას მოწმეების საქმიანობაზე ავსტრალიაში ხსნის აკრძალვას

1945 პირველი ოქტომბრიდან ორგანიზაციის დირექტორთა საბჭოს წევრებს აღარ ირჩევენ ისინი, ვისაც ხმის მიცემის უფლება ფულადი შესაწირავების წყალობით ჰქონდა

ყოველთვე საშუალოდ 104 814 უფასო ბიბლიის შესწავლა ტარდება

1946 გასული 7 წლის მანძილზე ქრისტიანული ნეიტრალიტეტის გამო შეერთებულ შტატებში 4 000-ზე მეტი, დიდ ბრიტანეთში კი 1 593 იეჰოვას მოწმე დააპატიმრეს და ერთი თვიდან ხუთ წლამდე პატიმრობა მიუსაჯეს

მეორე მსოფლიო ომის დამთავრებიდან პირველივე წელს 6 504 მოწმე მსახურობს პიონერად

იწყება ჟურნალ „გამოიღვიძეთ!“-ის გამოცემა (მანამდე ერქვა „ოქროს ხანა“, შემდეგ კი — „ნუგეში“); ამ წელს მისმა ტირაჟმა 13 934 429-ს მიაღწია

საბერძნეთში 470-ზე მეტ მოწმეს ასამართლებენ, რადგან სხვებს ბიბლიური სწავლებების შესახებ ესაუბრებოდნენ

1947 კვებეკში (კანადა) სასამართლოებში განიხილება 1 700 საქმე, რომლებიც იეჰოვას მოწმეების სამქადაგებლო საქმიანობას ეხება

კრებების რიცხვი მთელ მსოფლიოში 10 000-ს აჭარბებს და 10 782-ს აღწევს

1950 2 აგვისტოს ნიუ-იორკში ჩატარებულ კონგრესზე ცხადდება, რომ ინგლისურ ენაზე გამოიცა „ქრისტიანულ-ბერძნული წერილების ახალი ქვეყნიერების თარგმანი“

1953 პირველი სექტემბრიდან იწყება იეჰოვას მოწმეების კარდაკარ მსახურებისთვის მომზადების ფართომასშტაბიანი პროგრამა

1957 169 ქვეყანაში იეჰოვას მოწმეები ღვთის სამეფოს შესახებ ქადაგებასა და დაინტერესებულებთან ბიბლიის შესწავლების ჩატარებას 100 135 016 საათს უძღვნიან

1958 ნიუ-იორკში საერთაშორისო კონგრესს, დევიზით „ღვთის ნება“, 123 ქვეყნიდან 253 922 დელეგატი ესწრება; ინათლება 7 136

1959 9 მარტს საუთ-ლანსინგში სამეფო მსახურების სკოლის პირველი გაკვეთილი ტარდება, რომელიც განკუთვნილია კრების ზედამხედველებისა და მიმომსვლელი ზედამხედველებისთვის

1961 ორგანიზაციის ფილიალების ზედამხედველების პირველი ჯგუფი ესწრება სპეციალურ ათთვიან კურსს ბრუკლინში (ნიუ-იორკი); ეს კურსი ხელს უწყობს იეჰოვას მოწმეების მსოფლიო საქმიანობის შემდგომ გაერთიანებას

ინგლისურ ენაზე ერთ ტომად გამოდის „ბიბლია — ახალი ქვეყნიერების თარგმანის“ სრული ვერსია

1963 „ქრისტიანულ-ბერძნული წერილების ახალი ქვეყნიერების თარგმანი“ სხვა ექვს ენაზეც გამოიცემა (გერმანული, ესპანური, იტალიური, პორტუგალიური, ფრანგული და ჰოლანდიური); მომდევნო წლებში ის სხვა ენებზეც გამოდის

მილიონზე მეტი იეჰოვას მოწმე აქტიურად მსახურობს 198 ქვეყანაში; ამ წელს ფიქსირდება მაუწყებელთა უმაღლესი რიცხვი 1 040 836; ინათლება 62 798

1965 ნიუ-იორკში იეჰოვას მოწმეები იყენებენ პირველ საკონგრესო დარბაზს, რომელიც მანამდე თეატრის შენობა იყო

1967 იეჰოვას მოწმეებს მალავიში ხანგრძლივად და სასტიკად დევნიან და ეს წლების მანძილზე გრძელდება

1969 ბიბლიის შესწავლების რიცხვი მილიონს აჭარბებს; მონაცემების თანახმად, მათი საშუალო რაოდენობა 1 097 237-ს შეადგენს

1971 ხელმძღვანელი საბჭო ფართოვდება; პირველი ოქტომბრიდან ხელმძღვანელი საბჭოს წევრები ერთი წლის მანძილზე ზედამხედველის მოვალეობას მორიგეობით ასრულებენ

1972 პირველი ოქტომბრიდან იეჰოვას მოწმეთა კრებებს ერთი ადამიანის ნაცვლად ზედამხედველობას უწევს უხუცესთა საბჭო

1974 მთელ მსოფლიოში ფიქსირდება მაუწყებელთა უმაღლესი რიცხვი 2 021 432; პიონერთა რიცხვი 94 604-დან (1973 წელი) 127 135-მდე იზრდება

1975 ხელმძღვანელ საბჭოში ხდება ცვლილება; 4 დეკემბერს საქმეზე პასუხისმგებლობა ნაწილდება ექვს კომიტეტზე, რომლებიც ფუნქციონირებას 1976 წლის პირველი იანვრიდან იწყებენ

1976 პირველი თებერვლიდან საზოგადოება „საგუშაგო კოშკის“ თითოეულ ფილიალს ერთი ადამიანის ნაცვლად ზედამხედველობას უწევს სამი ან მეტი სულიერად მოწიფული მამაკაცისგან შემდგარი კომიტეტი

1977 მთელი მსოფლიოს მასშტაბით ათიათასობით პიონერი იწყებს სპეციალური კურსის გავლას პიონერული მსახურების სკოლაში

1984 იეჰოვას მოწმეების მიერ ჩატარებული ბიბლიის შესწავლების საშუალო რაოდენობა 2 047 113-ს აღწევს

1985 მთავარი სამმართველოს ხელმძღვანელობით იწყება საერთაშორისო სამშენებლო პროგრამა, რომელშიც მონაწილეობას იღებენ მოხალისეები

მონაცემების თანახმად, 222 ქვეყანაში 3 024 131 ადამიანი იღებს მონაწილეობას ღვთის სამეფოს საქმეში; პიონერად საშუალოდ 322 821 მოწმე მსახურობს; ამ წელს ინათლება 189 800 ადამიანი

1986 იქმნება რეგიონალური სამშენებლო კომიტეტები, რომლებიც ზედამხედველობას გაუწევს სამეფო დარბაზების მშენებლობას

1987 მოწაფეების მომზადების საქმიანობა ფართოვდება; ამ წელს მოწმეები ცალკეულ პირებთან თუ ოჯახებთან ატარებენ 3 005 048 ბიბლიის შესწავლას (თითქმის ყოველკვირა); ამ წელს 230 843 ადამიანი ინათლება

პირველ ოქტომბერს ფუნქციონირებას იწყებს მსახურებაში დახელოვნების სკოლა; პირველი კლასი ტარდება კორაოპოლისში (პენსილვანიის შტატი)

1989 აღმოსავლეთ ევროპაში მიმდინარე ცვლილებებმა ხელი შეუწყო პოლონეთში სამი საერთაშორისო კონგრესის ჩატარებას, მომდევნო წლებში კი — სხვა ქვეყნებში

1990 აფრიკისა და აღმოსავლეთ ევროპის ქვეყნებში იეჰოვას მოწმეების საქმიანობაზე აკრძალვის გაუქმება კიდევ 100 000 000 ადამიანთან ქადაგებას ხდის შესაძლებელს

სამეფოს მაუწყებელთა რაოდენობა აღწევს უმაღლეს რიცხვს 4 017 213-ს; პიონერების რაოდენობა იზრდება 536 508-მდე; ღვთის სამეფოს შესახებ გადაუდებელი ცნობის გაცხადებას მოწმეები 895 229 424 საათს უძღვნიან

1991 აღმოსავლეთ ევროპასა და აფრიკაში იეჰოვას მოწმეების საქმიანობაზე აკრძალვის მოხსნა ხელს უწყობს იმას, რომ ღვთის სამეფოს შესახებ სასიხარულო ცნობა კიდევ 390 000 000 ადამიანს ექადაგოს

1992 ჟურნალ „საგუშაგო კოშკის“ საშუალო ტირაჟი 111 ენაზე შეადგენს 15 570 000-ს; ჟურნალი „გამოიღვიძეთ!“ გამოიცემა 67 ენაზე და მისი საშუალო ტირაჟია 13 110 000

მიმდინარეობს საოცარი დამოწმება; 229 ქვეყანაში ღვთის სამეფოს შესახებ ქადაგებს 4 472 787 ადამიანი; ყოველთვე პიონერად საშუალოდ 605 610 მოწმე მსახურობს; მოწმეები ქადაგებას 1 024 910 434 საათს უძღვნიან და 4 278 127 ბიბლიის შესწავლას ატარებენ; ინათლება 301 002 ახალი მოწაფე