შეკითხვების ყუთი

◼ მართებულია თუ არა მივწეროთ საზოგადოებას ან მის ფილიალის ოფისებს მათი მისამართების გასაგებად, ვისთანაც შეგვიძლია წერილობით ვიმეგობროთ?

გირჩევთ, რომ მაუწყებლებს, რომლებსაც სურთ მიმოწერა იქონიონ სხვა ქალაქში ან თუნდაც სხვა ქვეყანაში მცხოვრებ ძმებთან, ეს საკითხი თავად მოაგვარონ. ხშირად კონგრესზე სხვების გაცნობას მათთან კარგი მეგობრობა მოჰყვება. შემდეგ რეგულარული მიმოწერის შედეგად შეიძლება ეს თბილ ურთიერთობასა და მტკიცე და ხანგრძლივ მეგობრობაში გადაიზარდოს. ასეთ პირად მიწერ-მოწერაში ცუდი არაფერია. მაგრამ მისამართები ასეთი მიმოწერისთვის თავად უნდა მოვიპოვოთ. საზოგადოებისა და კრების კარტოთეკაში შენახული ყველა მისამართი კონფიდენციალურია და მათი გამოყენება არ შეიძლება პირადი მიზნებისთვის.

ზოგიერთ სკოლაში, გარკვეული საგნების სწავლების დროს მოსწავლეებს ახალისებენ, რომ მიმოწერა ჰქონდეთ ვინმესთან. ზოგ შემთხვევაში ახალგაზრდა მაუწყებლებმა ეფექტურად იქადაგეს მიწერ-მოწერის საშუალებით და ჭეშმარიტებისადმი ნამდვილი ინტერესი აღუძრეს სხვებს. მაგრამ ეს ყველას პირადი გადასაწყვეტია, მიიღოს თუ არა მონაწილეობა სკოლაში ორგანიზებულ მიმოწერის ამ პროგრამაში. მაგრამ მათ, ვისაც მიმოწერა აქვთ ქვეყნიურ ადამიანებთან, კარგი იქნება ახსოვდეთ, რომ იმის მაგივრად, რომ ქვეყნიერების საქმეებისადმი განავითარონ ინტერესი, გადასცენ სამეფოს ცნობა და მხედველობაში მიიღონ ‘ცუდ საზოგადოებებთან’ დაკავშირებული 1-ლი კორინთელთა 15:33-ში ჩაწერილი გაფრთხილება.