‘დროული შემწეობა’
1 როგორი გამომაცოცხლებელია დახმარების მიღება ზუსტად მაშინ, როდესაც გვესაჭიროება! (ებრ. 4:16). საოლქო კონგრესზე, „ღვთიური მშვიდობის მაცნეები“, ჩვენ გავიხარეთ ორი დახმარების ზუსტად დროული მოწოდებით.
2 ახალი წიგნი „ოჯახური ბედნიერების საიდუმლო“ სათანადო დროს მოვიდა. ის ყურადღებას ამახვილებს ოთხ ძირითად რამეზე, რაც ხელს უწყობს ბედნიერ ოჯახურ ცხოვრებას: 1) თავდაჭერილობა, 2) მეთაურობის აღიარება, 3) კარგი კომუნიკაცია და 4) სიყვარული. გაფრთხილება, რომელიც „ოჯახური ბედნიერების“ წიგნშია, ყველა ოჯახს დაეხმარება, თუ გამოიყენებს ღვთიური მშვიდობის მოსაპოვებლად. გამოყავი დრო, რომ გულდასმით წაიკითხო ახალი წიგნი და შეისწავლო ოჯახთან ერთად. კარგად გაეცანი მის თავისებურებებს, რათა მზად იყო ეფექტურად მის გამოსაყენებლად, როდესაც პირველად მარტში იქნება შეთავაზებული ადამიანებისთვის.
3 დროულად მოვიდა ახალი ბროშურა „რას მოითხოვს ღმერთი ჩვენგან?“, რათა დაგვეხმაროს, დაჩქარდეს მოწაფეების მომზადების საქმე. მიუხედავად იმისა, რომ ის შეიძლება კითხვის შეზღუდული შესაძლებლობების მქონე ადამიანებისთვის იქნას განსაკუთრებით გამოყენებული, მრავალი წერა-კითხვის მცოდნე მოზრდილები და ბავშვებიც მიიღებენ სარგებლობას მასში მოცემული ბიბლიის სწავლებების მარტივი ახსნებით. ეს შეიძლება იყოს ზუსტად ის პირველი ნაბიჯი, რომელიც საჭიროა წიგნის „შემეცნების“ შესწავლის დასაწყებად. ეს ღონისძიება კიდევ უფრო მრავალს დაეხმარება გაიგონ, თუ როგორ შეუძლიათ დიდი კურთხევები ჰქონდეთ ღვთის მოთხოვნების შესრულებით.
4 დავითმა სრულყოფილად გამოხატა ჩვენი გრძნობები, როდესაც განაცხადა, რომ ‘მას არაფერი აკლდა, მისი სული დაწყნარებული იყო, და მისი თასი სავსე პირთამდე’ (ფსალმ. 22:1, 3, 5). ჩვენ სიხარულით შევყურებთ მომავალს ამ მშვენიერი სულიერი დახმარების სხვებისადმი გადაცემით, რომლებსაც გულწრფელად სურთ, იცოდნენ და ემსახურონ ჭეშმარიტ ღმერთს, იეჰოვას.