ასწავლე სხვებს, რასაც ღმერთი მოითხოვს

¹ ჯერ კიდევ შეიძლება მრავალი ისეთი ადამიანის პოვნა, რომლებიც ‘უფლის სიტყვების მოსმენის’ სულიერ შიმშილს განიცდიან (ამოს. 8:11). თუმცა ზოგს სწამს, რომ ღმერთი არსებობს, მათ არ იციან მისი განზრახვები და მოთხოვნები. ამიტომ მათ უნდა ვასწავლოთ სასიცოცხლოდ მნიშვნელოვანი ჭეშმარიტება სამეფოს შესახებ. თუ ყოველთვის სათანადოდ ვიქნებით აღჭურვილები და დამოწმებისთვის მომზადებულები, შევძლებთ მათ პოვნას, რომლებსაც სურთ ისწავლონ, რას მოითხოვს იეჰოვა.

² აპრილისა და მაისის თვეების განმავლობაში გასავრცელებლად გვექნება ჟურნალების — „საგუშაგო კოშკი“ და „გამოიღვიძეთ!“ — მეტად დროული ნომრები. გარდა ამისა, პირველად გამოვიყენებთ ბროშურას — „რას მოითხოვს ღმერთი ჩვენგან?“ მისი მიმზიდველი ილუსტრაციები და ფიქრის აღმძვრელი კითხვები ამ ბროშურას მრავალისთვის გახდის მიმზიდველს. მომდევნო რჩევები დაგვეხმარება ჩვენი შესანიშნავი პუბლიკაციების ეფექტურად გამოყენებაში.

³ ადამიანების ძებნა. იმ ადგილებში, სადაც მრავალი არ გვხვდება სახლში კარდაკარ მსახურებისას, უმჯობესია, ადამიანების იქ ძებნა და მათთან საუბარი, სადაც შესაძლებელია მათი პოვნა. „ჩვენი სამეფო მსახურების“ 1996 წლის სექტემბრის ნომრის დანართი მოგვიწოდებს, ყველგან გავავრცელოთ კეთილი ცნობა — ძირითადად კარდაკარ, მაგრამ აგრეთვე ქუჩაში, საზოგადოებრივ ტრანსპორტში, პარკებში, ავტოსადგომებზე და საქმიან ტერიტორიებში. ის აგრეთვე გვაგრძნობინებს აუცილებლობას, რომ შევქმნათ არაფორმალურად ქადაგების ვითარებები. მაგალითად, პიონერი და წავიდა ზოოპარკში და თან წაიღო 1996 წლის 8 აგვისტოს ჟურნალის — „გამოიღვიძეთ!“ — საკმარისი რაოდენობა სერიით „გადაშენების პირას მისული სახეობები — რატომ უნდა გვაფიქრებდეს?“ ერთ საათში მან 40 ჟურნალი გაავრცელა ცხოველთა დიდად მოყვარულებთან! რა შედეგებს მიაღწიე დღემდე კეთილი ცნობის ყველგან ქადაგებით? როგორც „საგუშაგო კოშკი“ და „გამოიღვიძეთ!“, ისე ბროშურა — „რას მოითხოვს“ — განსაკუთრებით გამოსადეგია ნებისმიერი სახის დამოწმებისთვის, რადგან მათში მოცემული ინფორმაცია მოქმედებს ადამიანების ცხოვრებაზე და აღძრავს მათი აზროვნების უნარს.

⁴ საუბრების დაწყება. თუ როგორ მოამზადო ჟურნალების — „საგუშაგო კოშკი“ და „გამოიღვიძეთ!“ — საკუთარი შეთავაზებები, მოცემულია 1996 წლის ოქტომბრის „ჩვენი სამეფო მსახურების“ ბოლო გვერდზე. იგივე რჩევების გათვალისწინება ეფექტური იქნება ბროშურის — „რას მოითხოვს“ — შეთავაზების მომზადების დროსაც. შეიძლება მხოლოდ რამდენიმე წინადადება ვთქვათ, თუმცა ბიბლიური აზრიც უნდა ჩავრთოთ. მნიშვნელოვანია შესავალი სიტყვების გულდასმით შერჩევა, რადგან მათ შეიძლება გადაწყვიტონ, მოგისმენს თუ არა პიროვნება. ზოგმა წარმატებით გამოიყენა შესავალი: „მე წავიკითხე სტატია, რომელიც გამამხნევებელი იყო ჩემთვის და მსურს, თქვენც გაგაცნოთ ის“. ან შეიძლება საინტერესო კითხვის დასმა, რათა მეორე მხარე ჩართო საუბარში.

⁵ თუ შესაფერისია შენი ტერიტორიისთვის, ამ თვის განმავლობაში შეთავაზებებისას შეგიძლია მომდევნო შეკითხვების დასმა:

◼ „დღეს ასე მრავალ ნაწერებს კედლებზე, დანაგვიანებასა და გაბინძურებას ვხედავთ. რა გაწმენდს დედამიწას და რა აქცევს მას უკეთეს საცხოვრებელ ადგილად?“ საშუალება მიეცი, გიპასუხოს და შემდეგ აუხსენი, რომ გაქვს სარწმუნო ინფორმაცია, თუ როგორ და როდის გადაიქცევა მთელი დედამიწა ბაღნარად. მიმდინარე ჟურნალიდან გააკეთე განსაკუთრებული კომენტარი, მოუყვანე სათანადო მუხლი, ანახე შესანიშნავი ილუსტრაციები და შემდეგ შესთავაზე, რომ პირადად მას დაუტოვებ წასაკითხად. მოიხსენიე, რომ მრავალი, ვისაც მოსწონს ჩვენი პუბლიკაციების კითხვა, შესაწირავებს გვთავაზობს, რაც გამოიყენება სამეფოს საქმისთვის. საუბრის დამთავრებამდე შეეცადე, ორგანიზება გაუწიო განმეორებით მიკითხებას.

◼ „თქვენი აზრით, განიზრახა თუ არა ღმერთმა, რომ ისეთი სიძნელეებით გარემოცულებს გვეცხოვრა, როგორსაც დღეს ვხვდებით?“ პასუხის შემდეგ შეგიძლია უთხრა: „შესაძლოა, თქვენთვის ნაცნობია ლოცვა, რომელიც იესომ თავის მიმდევრებს ასწავლა, კერძოდ კი, ეთხოვათ ღვთის სამეფოს მოსვლა. გიფიქრიათ თუ არა, რას ნიშნავს ღვთის სამეფო?“ ბროშურა — „რას მოითხოვს“ — გადაშალე მე-6 გაკვეთილზე და წაიკითხე გაკვეთილის დასაწყისში მოცემული კითხვები. პირველი აბზაცის წაკითხვის შემდეგ ყურადღება გაამახვილე 1-ლი კითხვის პასუხზე. აუხსენი, რომ დანარჩენ კითხვებზეც მოკლედაა პასუხები გაცემული. შესთავაზე ბროშურა, მოიხსენიე შესაწირავების ღონისძიება და შესთავაზე კვლავ შეხვედრა, რათა უფრო მეტი ინფორმაცია გაუზიარო სამეფოს შესახებ.

◼ „მრავალი მოაზროვნე ადამიანი ქვეყნიერების რელიგიებს მიიჩნევს ადამიანის პრობლემების წყაროდ და არა მათ გადამჭრელ საშუალებად. თქვენ რას ფიქრობთ ამის შესახებ?“ პიროვნების თვალსაზრისის მოსმენის შემდეგ ერთ-ერთი მიმდინარე ჟურნალიდან აჩვენე ისეთი რამ, რაც ძალიან დააინტერესებს მას ცრუ რელიგიის წარუმატებლობაზე ან მის მოახლოებულ დაცემაზე. შეეკითხე, თუ სურს მისი წაკითხვა. გაეცანით ერთმანეთს და შესთავაზე კვლავ დაკავშირება, რათა აუხსნა, თუ როგორ მოაქვს ჭეშმარიტ რელიგიას წარმატებები კაცობრიობისთვის. სადაც შესაბამისია, აუხსენი, როგორ შეუძლია მას მცირე შესაწირავის გაღება.

◼ „დღეს ოჯახურ ცხოვრებაში ამდენი პრობლემების გამო ნუთუ არასოდეს დაინტერესებულხართ, რა არის ოჯახური ბედნიერების საიდუმლო?“ დაელოდე პასუხს და აუხსენი, რომ ღმერთი ბიბლიაში გვიმჟღავნებს ოჯახური ბედნიერების ნამდვილ საიდუმლოს. შეგეძლო ესაიას 48:17-ის წაკითხვა. შემდეგ ბროშურა — „რას მოითხოვს“ — გადაშალე მე-8 გაკვეთილზე და მიუთითე რომელიმე მოყვანილ ბიბლიურ მუხლზე, რომელიც ოჯახის თითოეულ წევრს საიმედო ხელმძღვანელობას სთავაზობს. წაიკითხე გაკვეთილის დასაწყისში მოყვანილი კითხვები. შეეკითხე, სურს თუ არა პასუხების წაკითხვა. თუ სურს, მიეცი ბროშურა და აუხსენი, რომ, თუმცა უფასოა, ვღებულობთ მცირე შესაწირავებს სამეფოს საქმის მხარდასაჭერად. შესთავაზე, რომ კვლავ მიხვალ სხვა დროს, რათა უფრო მეტი პრაქტიკული ხელმძღვანელობა გაუზიარო, რომელსაც ბიბლია შეიცავს ბედნიერი ოჯახური ცხოვრებისთვის.

⁶ განმეორებითი მონახულებების გასაკეთებლად გაბედულებით აღვსებისკენ მოგვიწოდებს 1997 წლის მარტის „ჩვენი სამეფო მსახურების“ დანართი. ის გვირჩევს, რომ, თუ პირველი მონახულებისას არა, განმეორებითი მონახულების დროს მაინც გამოვიყენოთ ბროშურა — „რას მოითხოვს“ — ბიბლიის შესწავლების დასაწყებად. კაცობრიობის უდიდესი საჭიროებაა, ისწავლონ, რას მოითხოვს ღმერთი და შემდეგ მოიქცნენ მის თანახმად (კოლ. 1:9, 10). ჩვენ დიდად დავეხმარებით სხვებს აპრილისა და მაისის თვეების განმავლობაში, თუ შევძლებთ, ვასწავლოთ მათ, რაც ჩვენ ვიცით იეჰოვას მოთხოვნების შესახებ ცხოვრებასთან დაკავშირებით (1 კორ. 9:23).