ჩვენ შევისწავლით წიგნს „ოჯახური ბედნიერება“

შენ მოხარული იქნები ცნობით, რომ 1997 წლის 6 ოქტომბრიდან დაწყებული კვირიდან კრების წიგნის შესწავლაზე განვიხილავთ წიგნს „ოჯახური ბედნიერების საიდუმლო“. არავის არ ექნება სურვილი გამოტოვოს ბედნიერი ოჯახური ცხოვრებისთვის ამ პრაქტიკული სულიერი სახელმძღვანელოს ჯგუფური შესწავლა. შესწავლის გეგმა თითოეული აბზაცისა და წიგნში მოცემული ყველა ბიბლიური მუხლის განხილვის შესაძლებლობას იძლევა.

მთელი პირველი თავი შესწავლის პირველ კვირას განიხილება, რადგან მასში ცოტაა არაციტირებული მუხლები. იმავე მიზეზის გამო მე-15 თავიც ერთ გაკვეთილში განიხილება. მაგრამ დანარჩენი თავები ორ ნაწილად იქნება გაყოფილი და ყოველკვირეულად დაახლოებით ნახევარი განიხილება. ამგვარად, საკმარისი დრო იქნება იმისთვის, რომ ყველა მოყვანილი მუხლი წაკითხულ იქნეს და გულმოდგინედ იქნეს გამოკვლეული თითოეულ აბზაცში ციტირებული ყველა ბიბლიური მუხლის გამოყენება.

შესწავლის მნიშვნელოვანი თავისებურება იქნება თითოეული თავის ბოლოს სასწავლო ჩარჩოში მოყვანილი მასალის განხილვა. ამიტომ საკმაო დრო უნდა გამოეყოს კითხვებსა და ჩარჩოში მოყვანილ ბიბლიურ მუხლებს.

თითოეული კრების წიგნის შესწავლის ხელმძღვანელს მოუწოდებენ, განსაკუთრებული ყურადღება მიაქციოს შესწავლისთვის მომზადებასა და ჯგუფის თითოეული წევრის, ახალდაინტერესებული პიროვნებების ჩათვლით, კარგად მომზადების, რეგულარული დასწრებისა და განხილვაში მონაწილეობისკენ აღძვრას (om გვ. 75–77 [რუს.]).