‘ყოველგვარი ადამიანისთვის’ დამოწმება

¹ როდესაც სხვადასხვა კულტურისა და რელიგიის წამრომადგენლებს ვხვდებით, გვახსენდება იეჰოვას სურვილი, «რომ ყველა („ყოველგვარი“, აქ) ადამიანი გადარჩეს და მიაღწიოს ჭეშმარიტების შემეცნებას» (1 ტიმ. 2:4). სპეციალურად მომზადებული ტრაქტატებისა და ბროშურების გარდა გვაქვს სხვა შესანიშნავი პუბლიკაციები, რომლებიც შეიძლება გამოვიყენოთ იმ ადამიანების დასახმარებლად, ვისი რელიგიაც არ ასწავლის ჭეშმარიტებას ღვთისა და ქრისტეს შესახებ.

² წიგნი „ოდესმე მცხოვრებთაგან ყველაზე დიდებული ადამიანი“ იესოს ცხოვრების გაშუქებით ეხმარება ადამიანს, პირველ საუკუნეში მცხოვრები ბევრი ადამიანის მსგავსად უკეთესად გაეცნოს ღვთის ძეს და დაუახლოვდეს მას (იოან. 12:32). შეიძლება შესაფერის შემთხვევაში მომდევნო რჩევების მიხედვით შესთავაზო ეს წიგნი.

³ თუ ფიქრობ, რომ კარგი იქნებოდა შეგეთავაზებინა წიგნი „ყველაზე დიდებული ადამიანი“, შეგიძლია ჰკითხო:

◼ „რა გახსენდებათ, როდესაც იესო ქრისტეზე ფიქრობთ? [დაელოდე პასუხს]. იესოს ბევრი ისტორიკოსი აღიარებს ოდესმე მცხოვრებთაგან ყველაზე დიდებულ ადამიანად [მოიყვანე მაგალითი წიგნის „ყველაზე დიდებული ადამიანი“ შესავლიდან]. ბიბლია გვიჩვენებს, რომ იესოს ცხოვრება ჩვენთვის მისაბაძი მაგალითი იყო. წაუკითხე პირველი პეტრეს მე-2 თავის 21-ე მუხლი და ზემოხსენებული წიგნის შესავლის ბოლო გვერდის პირველი აბზაცი. თუ მობინადრე დაინტერესდება, რომ იესოს შესახებ უფრო მეტი გაიგოს, შესთავაზე წიგნი. წასვლის წინ წაუკითხე იოანეს მე-17 თავის მე-3 მუხლი და შეეკითხე: „როგორ შეგვიძლია მივიღოთ შემეცნება, რომელიც მარადიულ სიცოცხლეს მოგვიტანს?“ უთხარი, რომ ამ კითხვაზე პასუხის გასაცემად დაბრუნდები.

⁴ როდესაც დაბრუნდები იმის ასახსნელად, თუ როგორ შეიძლება სიცოცხლის მომცემი შემეცნების მიღება, შეგიძლია უთხრა:

◼ „შეგპირდით, რომ დავბრუნდებოდი იმის ასახსნელად, თუ როგორ შეგვიძლია მივიღოთ შემეცნება, რომელიც მარადიულ სიცოცხლეს მოგვიტანს“. გადაშალე წიგნი „შემეცნება“ და პირველი თავის გამოყენებით აჩვენე, თუ როგორ ტარდება შესწავლა.

⁵ თუ გსურს შესთავაზო ბროშურა „რას მოითხოვს ღმერთი ჩვენგან?“, შეგიძლია ჰკითხო:

◼ „როცა დღეს ამდენი განსხვავებული რელიგიაა, არასდროს დაინტერესებულხართ, როგორ შეგვიძლია დავადგინოთ, რომელი მათგანი მოსწონს ღმერთს?“ პასუხის შემდეგ გადაშალე ბროშურა „რას მოითხოვს“ 26-ე, 27-ე გვერდებზე და მოკლედ მიმოიხილე ორი-სამი შესაფერისი საკითხი. შეეკითხე მობინადრეს, ეთანხმება თუ არა იმას, რომ ჭეშმარიტი რელიგია უნდა აუმჯობესებდეს ადამიანთა ცხოვრებას. მონახე ერთ-ერთი მოყვანილი მუხლი და, თუ დრო ნებას გრთავს, განაგრძე საუბარი. თუ მობინადრე ნამდვილად გამოავლენს ინტერესს, შესთავაზე ბროშურა. წასვლისას ჰკითხე: „როგორ ფიქრობთ, რას მოითხოვს ღმერთი ჩვენგან?“ მოამზადე ამ კითხვაზე პასუხი განმეორებითი მონახულებისთვის.

⁶ როდესაც დაბრუნდები იმის ასახსნელად, თუ რას მოითხოვს ღმერთი ჩვენგან, შეგიძლია ჰკითხო:

◼ „როგორ ფიქრობთ, შეგვიძლია გავიგოთ, რას მოითხოვს ღმერთი? [დაელოდე პასუხს]. მან კარგი სახელმძღვანელო მოგვცა“. გადაშალე ბროშურა მაშინვე პირველ თავზე, რომელიც მე-3 გვერდზეა. შემდეგ სთხოვე მობინადრეს, წაიკითხოს პირველი აბზაცი. თუ ვითარება ხელს გიწყობს, განიხილე 1–3 აბზაცები. შემდეგ უთხარი, რომ დაბრუნდები შესწავლის გასაგრძელებლად.

⁷ საუბრის დაწყება. ბროშურაში „რას მოითხოვს“ ბევრი საკითხია, რომელიც შეიძლება გამოვიყენოთ საუბრის დასაწყებად პირველი მონახულებისას ან განმეორებით მოსანახულებლად. შეგიძლია საუბარი დაიწყო სათანადო კითხვით, რომელიც მოცემულია ყოველი გაკვეთილის დასაწყისში. შეარჩიე ისეთი კითხვები, რომლებიც დააინტერესებდა მობინადრეს.

⁸ გამოიჩინე ტაქტიანობა. ნუ ეცდები საუბრის გაგრძელებას, თუ ადამიანი არ არის განწყობილი. ბევრი ლაპარაკის მაგივრად დაუსვი უბრალო კითხვები და ფიქრისკენ აღძარი. ხაზი გაუსვი იმ ფაქტს, რომ რამდენიმე წუთში მათ ისწავლეს რაიმე სასარგებლო და რომ შეიძლება ამ გზით უფრო მეტი გაიგონ. დაუსვი კითხვა, რომელსაც შემდეგი მონახულებისას უპასუხებ ბროშურიდან „რას მოითხოვს“ ან წიგნიდან „შემეცნება“. არ დაგავიწყდეს საჯარო შეხვედრაზე დაპატიჟება. თუ გეკითხებიან პუბლიკაციის ფასს, შემდეგი სიტყვებით საშუალება მიეცი შესაწირავი გაიღონ სამეფო საქმისთვის: „ზოგს სურს მცირე შესაწირავი გაიღოს სამეფო საქმისთვის“.

⁹ ყველა გულწრფელი ადამიანი ეძებს ჭეშმარიტებას ღვთისა და ქრისტეს შესახებ. შეგვიძლია დავეხმაროთ მათ ჩვენი სამქადაგებლო საქმიანობით. მაშ ასე, მოდი ‘ვიშრომოთ კიდეც და ვიღვაწოთ, რომ მინდობილი ვიყოთ ცოცხალ ღმერთზე, რომელიც მაცხოვარია ყველა ადამიანისა’ (1 ტიმ. 4:10).