გაქვს მუდმივი შეკვეთა?
1 წასულხარ ოდესმე სამქადაგებლო მსახურების შეხვედრაზე ისე, რომ ჩანთაში ერთი ჟურნალიც არ გქონია? მაშინ გაიხსენე 1995 წლის სექტემბრის „ჩვენი სამეფო მსახურების“ (რუს.) დანართი, სათაურით „საუკეთესოდ გამოიყენეთ ჟურნალები“. მასში ნათქვამი იყო: „შეუკვეთე ჟურნალების გარკვეული რაოდენობა. შეადგინე რეალური შეკვეთა და მიეცი ის ჟურნალებზე პასუხისმგებელ ძმას, რომ გარკვეული რაოდენობით მიიღო ყოველი ნომრის ეგზემპლარი. ამგვარად, შენ და შენი ოჯახი რეგულარულად მიიღებთ ჟურნალების შესაბამის რაოდენობას“. გამოიყენე ეს რჩევა?
2 რატომ არ გაგეკეთებინა ჟურნალების მუდმივი შეკვეთა? ასე უფრო მეტი პასუხისმგებლობით მოეკიდები ჟურნალების ყოველკვირეულად გავრცელებას და, შედეგად ამისა, დიდი სიხარულიც გექნება. თუ უკვე გაქვს მუდმივი შეკვეთა, შეამოწმე, ღებულობ თუ არა ჟურნალებს ისეთი რაოდენობით, რაც საშუალოდ გჭირდება მსახურებაში ყოველთვე. რა თქმა უნდა, ჩვენ კეთილსინდისიერები უნდა ვიყოთ, როცა შეკვეთას ვღებულობთ ყოველკვირეულად, და ამ მხრივ ვალდებულების გრძნობაც უნდა გვქონდეს. თუ კრებიდან სადმე შორს აპირებ გამგზავრებას ხანგრძლივი დროით, აცნობე ჟურნალებზე პასუხისმგებელ ძმას, გსურს თუ არა, რომ დაბრუნებამდე შენი ჟურნალები სხვას მისცეს.
3 ზემოხსენებულ დანართში ისიც იყო ნათქვამი, რომ „რეგულარულად უნდა დავგეგმოთ ჟურნალების გავრცელების დღე“. შეგიძლია მხარი დაუჭირო ყოველკვირეულად ჟურნალების გავრცელების დღეს? როგორც „იეჰოვას მოწმეების 1999 წლის კალენდარშია“ ნაჩვენები, ეს ყოველ შაბათს ხდება! ნუ იფიქრებ, რომ ჟურნალების „საგუშაგო კოშკის“ და „გამოიღვიძეთ!“ გავრცელება უმნიშვნელო საქმეა. როცა ვცდილობთ, სრულად მივიღოთ მონაწილეობა ჟურნალების გავრცელებაში, ‘სიკეთეს ვახარებთ’ მოყვასს (ეს. 52:7).