„ყოველი თქვენი საქმე აღსრულდეს სიყვარულით“
1 „თქვენს წევრებს ნამდვილ აღტაცებაში მოვყავართ; ისინი უდიდესი თავაზიანობითა და პატივისცემით იქცევიან“. ეს სიტყვები გვითხრეს ამერიკის შეერთებული შტატების ერთ-ერთი ქალაქის კონგრესებისა და ტურიზმის ბიუროდან, რომელიც მასპინძლობდა ჩვენი საოლქო კონგრესის დელეგატებს. რუსეთის ერთ-ერთი ქალაქიდან, სადაც საოლქო კონგრესი ტარდებოდა, სკოლა-ინტერნატის ადმინისტრაციამ შემდეგი გამოხმაურება მოგვწერა: ‘მადლობას ვუხდით იეჰოვას მოწმეთა ორგანიზაციის წევრებს ჩვენი პერსონალისადმი გამოვლენილი სიკეთის, ყურადღებიანობისა და სკოლის საკუთრებისადმი ფრთხილი მოპყრობისთვის“. რა თქმა უნდა, სახალხოდ ჩვენი ქცევის ასეთი შექება გულს გვიხარებს. ეს ცხადყოფს, რომ მთლიანობაში ‘ყოველი ჩვენი საქმე სიყვარულით სრულდება’ (1 კორ. 16:14, სსგ). ამავე დროს, არსებობს ზოგი ისეთი საკითხი, რომლებსაც მიხედვა სჭირდება, წინააღმდეგ შემთხვევაში ღვთის ხალხის კარგი რეპუტაცია შეიძლება შეილახოს.
2 პრობლემები საცხოვრებლის შეკვეთასთან დაკავშირებით. ყველა ქალაქში, სადაც კონგრესი ტარდება, იქმნება დაბინავების განყოფილება, რომელიც შეღავათიანი ფასების შესახებ აწარმოებს მოლაპარაკებებს საერთო საცხოვრებლების, სასტუმროებისა და სკოლების ხელმძღვანელობასთან, რათა ყველამ შეძლოს კონგრესზე დასწრება. ჩვენი გულისთვის ძმები დიდ დროსა და ენერგიას ხარჯავენ. ზოგი საერთო საცხოვრებლის ადმინისტრაცია და სკოლის დირექცია მაშინვე არ თანხმდება დაბალ ფასებზე, რადგან ცდილობენ პრობლემების თავიდან აცილებას. როცა ჩვენი დაბინავების განყოფილება არწმუნებს ადმინისტრაციას იმაში, რომ ჩვენი დელეგატები ითანამშრომლებენ მათთან, მრავალი მათგანი სიხარულით იძლევა საცხოვრებელ ადგილებს.
3 შარშან საერთო საცხოვრებლების ხელმძღვანელები ჩიოდნენ იმაზე, რომ კონგრესის დელეგატებისთვის გამოყოფილი ოთახები გამოუყენებელი დარჩა. რატომ მოხდა ეს? ზოგმა დელეგატმა გადაიფიქრა საერთო საცხოვრებლებში ცხოვრება და ამის შესახებ არავის შეატყობინა. სხვა შემთხვევებში, მთლიანმა კრებებმა ყველა თავისი მაუწყებლისა და სხვებისთვის შეკვეთები გააკეთეს, ყოველი შემთხვევისთვის, რადგან ეგონათ, რომ დაეხმარებოდნენ მათ, რომლებიც შეიძლება მათთან ერთად იმგზავრებდნენ, თუმცა თავიდან ისინი სხვაგან აპირებდნენ კონგრესზე დასწრებას. მაგრამ ადგილზე ირკვეოდა, რომ მხოლოდ ნახევარი კრება ჩამოსულა. საცხოვრებლების ხელმძღვანელებმა განაცხადეს, რომ ადრე იეჰოვას მოწმეების კონგრესების დელეგატებს ასეთი რამ არასოდეს გაუკეთებიათ.
4 ეს სერიოზულ პრობლემებს უქმნის საერთო საცხოვრებლებს, სასტუმროებს, სკოლებსა და კონგრესის ორგანიზაციას. ჩვენი დელეგატებისთვის ისინი გარკვეული რაოდენობის ოთახებს ინახავენ და ფიქრობენ, რომ ყველა ოთახი შეივსება, მაგრამ კონგრესის დროს ოთახები ცარიელია. თუ ეს პრობლემა არ მოგვარდება, ამ დაწესებულებებთან მოლაპარაკება მომავალი კონგრესებისთვის გართულდება. ამას რომ თავი ავარიდოთ, მხოლოდ იმდენი ოთახის შეკვეთა უნდა გაკეთდეს, რამდენსაც გამოვიყენებთ. ამასთანავე, იმის გარანტიისთვის, რომ თქვენ საცხოვრებელი ადგილი გექნებათ, პირადად უნდა შეავსოთ შეკვეთა დაბინავებაზე. გაუგზავნეთ თქვენი კონგრესის დაბინავების განყოფილებას შევსებული ბლანკი „შეკვეთა განსაკუთრებული საჭიროებების მქონეთა დაბინავებაზე“?
5 კეთილი ვუყოთ ყველას. იეჰოვასადმი და მოყვასისადმი სიყვარული აღგვძრავს, გამოვავლინოთ კარგი მანერები და სამაგალითო ყოფაქცევა (მათ. 22:37—39; იაკ. 3:13). ბიბლია მოგვიწოდებს, ყველას მიმართ სიყვარული გამოვავლინოთ და ყურადღებიანები ვიყოთ (გალ. 6:10, სსგ). უეჭველია, ეს პრინციპები მაშინაც უნდა გამოვიყენოთ, როცა სასტუმროში, საერთო საცხოვრებელსა თუ სკოლაში ვცხოვრობთ. თანამშრომლობაზე უარის თქმა აფუჭებს ჩვენს რეპუტაციას, ხელს უშლის დაბალ ფასებზე მოლაპარაკებებს და გულისწყრომას წარმოქმნის ძმებს შორის. თუ ეს დაწესებულებები აღარ თანხმდებიან დაბალ ფასებზე, სხვები, ვინც კონგრესს ესწრება იმ ქალაქში, შეიძლება სერიოზულად დაზარალდნენ, რადგან ვერ გადაიხდიან მაღალ ფასებს ოთახებში.
6 როცა წინასწარ ვუგზავნით ძმებს შეკვეთას საცხოვრებელზე და ისინიც ზრუნავენ იმაზე, რომ ხელსაყრელი საცხოვრებელი მოგვიმზადონ, ჩვენ კი არ ვაფრთხილებთ მათ და სხვა ადგილს ვირჩევთ, ეს იმას ნიშნავს, რომ სხვა ძმას, რომელიც ოთახს ეძებდა, აღარ ექნება ამ ოთახის შეკვეთის შესაძლებლობა. ამის შედეგი შეიძლება იყოს ის, რომ მას უფრო შორს მგზავრობა ან ნაკლებად სასურველ საცხოვრებელ ადგილზე დათანხმება მოუწიოს. ნუთუ ეს სიყვარულისა და ყურადღებიანობის გამოვლენა იქნებოდა? რამდენად უკეთესია, გამოვავლინოთ სიყვარული და სიკეთე ვუყოთ სხვებს იმით, რომ მათი ინტერესებისთვის უფრო ვიზრუნებთ! (მათ. 7:12; იოან. 13:34, 35).
7 ჩვენ სულითა და გულით ველით საოლქო კონგრესს — „ღვთის სიტყვის შემსრულებლები“. ყველაფრისთვის ხარ მზად? გააკეთე ოთახის შეკვეთა და იზრუნე მგზავრობაზე? ჩვენი ქცევით სასტუმროსა და იმ ქალაქში, სადაც კონგრესი ტარდება, ყოველთვის ნათელვყოფთ, რომ ვირეკლავთ ჩვენს გულში არსებულ ჭეშმარიტებასა და ჩვენი შემოქმედისადმი სიყვარულს.