სამსახურებრივი შეხვედრის გეგმა
შენიშვნა: „ჩვენი სამეფო მსახურების“ სამსახურებრივი შეხვედრა დაგეგმილი იქნება ყოველკვირეულად ზაფხულის თვეების განმავლობაში. კრებებს შეიძლება ცვლილებების მოხდენა დასჭირდეთ, რათა შესაძლებელი გახდეს დასწრება საოლქო კონგრესზე „ღვთის სიტყვის შემსრულებლები“. თუ საჭიროდ მიიჩნევთ, კონგრესის წინა კვირის სამსახურებრივ შეხვედრაზე 15 წუთი დაუთმეთ მაისის „ჩვენი სამეფო მსახურების“ დანართში მოცემული კონკრეტული რჩევების მიმოხილვას. წაახალისე ყველა, რამდენიმე წუთი გამოუყონ ყოველი დილისა და ნაშუადღევის პროგრამის დაწყებამდე პროგრამის პუნქტების გადახედვას, რომ წინასწარ იცოდნენ, რა იქნება განხილული. ეს გააიოლებს პროგრამაზე ყურადღების კონცენტრირებას და მნიშვნელოვანი აზრების მოკლე ჩანაწერების გაკეთებას. კონგრესის მომდევნო ორი-ოთხი კვირის მანძილზე უნდა დაიგეგმოს სამსახურებრივ შეხვედრაზე პროგრამის ძირითადი პუნქტების 30-წუთიანი მიმოხილვა. ამ ნაწილს წაუძღვება სამი გამოცდილი ძმა. იმ დროისთვის თითოეული მსურველი მოამზადებს და იტყვის მოკლე კომენტარს, თუ სთხოვენ ამის შესახებ. კომენტარებში შეიძლება ითქვას, თუ როგორ შეიძლება კონგრესზე ნასწავლის გამოყენება კრებასა და მსახურებაში. შეიძლება ერთი ან ორი შერჩეული მოკლე შემთხვევის მოყოლაც. ყველას მხრიდან კარგი მომზადება მნიშვნელოვანია, რომ სამსახურებრივი შეხვედრა საინტერესოც იყოს და სასარგებლოც.
10 ივლისით დაწყებული კვირა
სიმღერა 7
12 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“. კომენტარი გაუკეთე ქვეყნისა და კრების თებერვლის სამქადაგებლო სამსახურის ანგარიშს. ყურადღება მიაქციე ჩარჩოს „იხილე ბოლო გვერდი“ და ინსცენირება გაუკეთე მოცემული შეთავაზებებიდან ერთ-ერთს, რომელიც ეფექტური იქნება ადგილობრივ ტერიტორიაზე.
15 წთ.: „არ შეგვიძლია არ ვილაპარაკოთ“. შესავალს ერთ წუთზე ნაკლები დრო დაუთმე და შემდეგ განიხილე კითხვა-პასუხებით. ხაზი გაუსვი მიზეზებს, თუ რატომ უნდა მოვეკიდოთ სამქადაგებლო საქმიანობას ასე სერიოზულად. ჩართე შესაფერისი აზრები 1997 წლის 15 იანვრის „საგუშაგო კოშკიდან“, გვერდები 23, 24.
18 წთ.: „ყოველივე ეს ხდებოდეს აღსაშენებლად“. სტატიას განიხილავს ორი უხუცესი. წაიკითხეთ თითოეული აბზაცი და მითითებული მუხლები. ხაზი გაუსვით მოცემულ პრინციპებს. აღნიშნეთ გამჭრიახობის აუცილებლობა, როდესაც საქმე ეხება სავაჭრო საქმიანობას ან თანხების დაბანდებას. განიხილეთ რჩევები 1997 წლის 15 მარტის „საგუშაგო კოშკიდან“, გვერდები 18, 19, 22.
სიმღერა 15 და ლოცვა.
17 ივლისით დაწყებული კვირა
სიმღერა 23
15 წთ.: ადგილობრივი განცხადებები. საფინანსო ანგარიში. მოკლედ ახსენი, თუ როგორ გამოვიყენოთ ბროშურა „უნდა გწამდეს სამება?“, რათა დაინტერესებულს დავეხმაროთ ღვთის შესახებ ჭეშმარიტების ცოდნის დაფასებაში (იხილე ბროშურა „უნდა გწამდეს სამება?“, გვერდები 30, 31).
10 წთ.: „ახალი სარაიონო კონგრესის პროგრამა“. კითხვა-პასუხები. გამოაცხადე მომავალი სარაიონო კონგრესის თარიღი და ყველა აღძარი, დაესწრონ ორივე დღეს. გაამხნევე ყველა, განსაკუთრებულად მოახმარონ ძალ-ღონე ბიბლიის შემსწავლელთა მოწვევას. კონგრესზე დასწრებამ შეიძლება მათ სურვილი აღუძრას, რეგულარული ურთიერთობა იქონიონ კრებასთან.
20 წთ.: „ვის უნდა მიჰბაძო?“. მამა უძღვება ოჯახურ შესწავლას ერთ ან ორ მოზარდთან. მან ამას წინათ შენიშნა, რომ ხშირად მათი საუბარი ეხება სპორტსმენებს, კინოვარსკვლავებს, სატელევიზიო გმირებსა და მუსიკოსებს. ის წუხილს გამოთქვამს, რადგან ასეთი გატაცება ირეკლავს ქვეყნიერების სულს. ისინი განიხილავენ 1998 წლის 8 ივნისის „გამოიღვიძეთ!“-ს, გვერდები 20—22. ახალგაზრდები ხვდებიან, რომ სახიფათოა ქვეყნიური ადამიანების გაკერპება და ეთანხმებიან, რომ წუთისოფლისეული დიდება ვერაფერს მოუტანს ქრისტიანებს. ისინი განიხილავენ, თუ რამდენად სასარგებლოა, მიჰბაძო მშობლებს, უხუცესებს, სხვა სამაგალითო პირებს კრებაში და განსაკუთრებით კი იესო ქრისტეს მაგალითს.
სიმღერა 34 და ლოცვა.
24 ივლისით დაწყებული კვირა
სიმღერა 45
5 წთ.: ადგილობრივი განცხადებები.
15 წთ.: წარმოვდგეთ, როგორც ღვთის მსახურნი. ორი სამსახურებრივი თანაშემწე განიხილავს ბიბლიურ შეგონებას, რომელიც მოცემულია 1998 წლის 15 დეკემბრის „საგუშაგო კოშკში“, გვერდები 19, 20. მათ ესმით, რამდენად საჭიროა, იყვნენ კარგი სამსახურებრივი თანაშემწეები, და მსჯელობენ, პირადად რის გაკეთება შეუძლიათ იმის ნათელსაყოფად, რომ ასრულებენ თავიანთ დავალებას. ისინი ხედავენ, რომ მნიშვნელოვანია კარგი მაგალითის მიცემა სამქადაგებლო მსახურებაში და განიხილავენ საშუალებებს, თუ როგორ შეუძლიათ მხარში ამოუდგნენ უხუცესებს სხვების დახმარების საკითხში. ისინი ეთანხმებიან იმას, რომ საჭიროა ყველაფერი გააკეთონ, რათა კრების წევრებს დაანახვონ დროის გადაუდებლობა და დაეხმარონ სულიერი ზრდისა და კეთილდღეობის მიღწევაში.
10 წთ.: არ შევასუსტოთ კარდაკარ მსახურება. სამსახურებრივი ზედამხედველი განიხილავს კითხვა-პასუხებით წიგნიდან „ჩვენი მსახურება“ (რუს.), გვერდები 84—87. განიხილე მთავარი პუნქტები 1994 წლის ივლისის „ჩვენი სამეფო მსახურებიდან“ (რუს.), გვერდი 1.
15 წთ.: გააკეთე ეფექტური შესავალი. შეარჩიე ორი ან სამი შეთავაზება ბროშურიდან „როგორ დავიწყოთ და გავაგრძელოთ ბიბლიურ თემაზე საუბარი“, გვერდები 2—7, და განიხილე, თუ როგორ შეიძლება მათი ეფექტურად გამოყენება ადგილობრივ ტერიტორიაზე. შეეკითხე მსმენელებს: „რა შესავალს აკეთებთ, როდესაც ვინმეს მიმართავთ ქუჩაში ან კარდაკარ?“. თუ დრო საშუალებას იძლევა, გააკეთე კარდაკარ გამოსაყენებელი ერთი ან ორი შეთავაზების ინსცენირება.
სიმღერა 54 და ლოცვა.
31 ივლისით დაწყებული კვირა
სიმღერა 66
15 წთ.: ადგილობრივი განცხადებები. შეახსენე ყველას, ჩააბარონ ივლისის სამქადაგებლო მსახურების ანგარიშები. შეკითხვების ყუთის განხილვა. მსმენელებს სთხოვე, გამოცდილებიდან გამომდინარე მოყვნენ, რა სიხარული მიიღეს ამ თვეში ბროშურების გავრცელებით.
12 წთ.: ადგილობრივი მოთხოვნილებები.
18 წთ.: „აფასებ იეჰოვას მოთმინებას?“. კითხვა-პასუხები. ჩართე შესაფერისი კომენტარები იეჰოვას სულგრძელობასთან დაკავშირებით (იხილე 1991 წლის 15 მაისის „საგუშაგო კოშკი“ [რუს.], გვერდები 10—13, აბზაცები 1—12).
სიმღერა 75 და ლოცვა.
7 აგვისტოთი დაწყებული კვირა
სიმღერა 88
10 წთ.: ადგილობრივი განცხადებები.
17 წთ.: „მორცხვი ხომ არა ხარ?“. კითხვა-პასუხები. მოყევი გამამხნევებელი შემთხვევა 1997 წლის „წელიწდეულიდან“ (რუს.), გვერდები 43, 44.
18 წთ.: საბოლოოდ დაბრძენდი. უხუცესის მოხსენება. ახალგაზრდებს სწადიათ, ბედნიერი მომავალი ჰქონდეთ საყვარელ ადამიანთან ერთად. თუმცა ეს ბუნებრივი სურვილია, ისინი უნდა მიჰყვნენ ღვთის რჩევებს, რათა წარმატებულნი იყვნენ (იგავ. 19:20). ახალგაზრდებში ძლიერია საპირისპირო სქესის წარმომადგენლისკენ ლტოლვა. თუ გრძნობებს კონტროლი არ ეწევა, შედეგი შეიძლება დამღუპველი იყოს. მრავალი კითხვა წამოიჭრება იმ მოზარდების გამჭრიახობასთან დაკავშირებით, რომლებიც ემოციურად უახლოვდებიან საპირისპირო სქესის წარმომადგენლებს, ავითარებენ რომანტიკულ ურთიერთობას, რომელსაც პაემნამდე მიჰყავს ისინი. მიმოიხილე გაფრთხილება წიგნიდან „ახალგაზრდების შეკითხვები“, გვერდები 231—235. ხაზი გაუსვი მთავარ პუნქტებს 1999 წლის 15 ნოემბრის „საგუშაგო კოშკიდან“, გვერდები 18—23, რომლებიც აჩვენებს, თუ რაოდენ მნიშვნელოვანია ახალგაზრდების მხრიდან, შეასრულონ ღვთის წინაშე ყველა ვალდებულება. გაამხნევე მოზარდები, ჩაუფიქრდნენ ამ რჩევას და, თუ მათ რამე კითხვა წამოეჭრებათ, მშობლებთან ერთად განიხილონ.
სიმღერა 101 და ლოცვა.