ტელეფონით ქადაგებას კარგი შედეგები მოაქვს
1. რატომ შეიძლება ტელეფონით ქადაგება მსახურების მნიშვნელოვან ნაწილად ჩაითვალოს?
1 ტელეფონით ქადაგება ერთ-ერთი საშუალებაა იმისა, რომ ადამიანებს გადარჩენისთვის აუცილებელი ჭეშმარიტება გადავცეთ (2 პეტ. 3:9). თუმცა სამეფოს შესახებ სასიხარულო ცნობას ძირითადად კარდაკარ ვქადაგებთ, ყველანაირ მეთოდს ვიყენებთ მათთან დასაკავშირებლად, ვინც სახლში არ გვხვდება (მათ. 24:14; ლუკ. 10:1—7; გამოცხ. 14:6).
2. როგორ ხდება ტელეფონით ქადაგება?
2 როგორ ხდება ტელეფონით ქადაგება? ისევე როგორც კარდაკარ მსახურებისთვის, ტელეფონით ქადაგებისთვისაც არის უბნები გამოყოფილი. ტელეფონით ქადაგება შესაძლებელია მარტო ან ორ-სამ კაცთან ერთად. ტელეფონით ქადაგებისთვის წყნარი ოთახი უნდა შეარჩიოთ, რომ ხელი არაფერმა შეგიშალოთ. ბევრისთვის უფრო მოსახერხებელია ტელეფონით ქადაგება, როცა მაგიდასთან სხედან და წინ უწყვიათ ყველაფერი, რასაც კარდაკარ მსახურებისას იყენებენ.
3. რა უნდა გვახსოვდეს ტელეფონით ქადაგებისას?
3 როგორ ვიქადაგოთ ტელეფონით? ტელეფონით ქადაგებისას შეთავაზება სასაუბრო სტილში უნდა გავაკეთოთ. მას, ვინც ახლახან დაიწყო ტელეფონით ქადაგება, შეუძლია შეთავაზება წაუკითხოს მოსაუბრეს, ოღონდ სასაუბრო სტილში. შეთავაზებების ნახვა შეგიძლიათ „ჩვენს სამეფო მსახურებაში“, წიგნ „მსჯელობასა“ და ტრაქტატში „გინდათ იცოდეთ სიმართლე?“. თუ შენ მიერ მოფიქრებული შეთავაზება გინდა გააკეთო, შეარჩიე თემა, კითხვა და რამდენიმე მუხლი, რომლებიც პასუხს გასცემს კითხვას. ტელეფონით ქადაგების დროსაც ის პუბლიკაციები უნდა შესთავაზო მოსაუბრეს, რომელსაც კარდაკარ ვთავაზობთ. გაითვალისწინე შემდეგი რჩევები: ნუ იქნები დაძაბული და ნელა ილაპარაკე. იყავი თავაზიანი, მომთმენი და მეგობრული, რადგან ეს ტელეფონით საუბრის დროსაც იგრძნობა. ყურადღებით მოუსმინე მობინადრეს და მადლობა გადაუხადე გამოთქმული აზრებისთვის. არ მოიხსენიო ნებაყოფლობითი შესაწირავები, რადგან ეს შეიძლება არასწორად გაიგონ და იფიქრონ, რომ ფულის გულისთვის ურეკავ.
4. რის შესაძლებლობას გვაძლევს ტელეფონით ქადაგება?
4 ტელეფონით შეიძლება ისეთ ადამიანებთან მოგვეცეს ქადაგების შესაძლებლობა, რომლებიც სუსტი ჯანმრთელობის გამო სახლიდან ვერ გადიან, ან ვისაც სამუშაო გრაფიკის გამო კარდაკარ მსახურებისას ვერ ვხვდებით. ტელეფონით შეგვიძლია დავუკავშირდეთ მათაც, ვინც ისეთ შენობებში ცხოვრობს, სადაც დაცვაა დაყენებული და მობინადრის ნებართვის გარეშე შესვლა შეუძლებელია. უფრო სრულად და საფუძვლიანად რომ ვიქადაგოთ, არ უნდა დაგვავიწყდეს, რომ ტელეფონით ქადაგება სასიხარულო ცნობის გადაცემის ერთ-ერთი ეფექტური საშუალებაა.