შეკითხვების ყუთი

◼ როგორ შეუძლია თითოეულს, ხელი შეუწყოს კრების შეხვედრებზე სწავლისთვის კარგი გარემოს შექმნას? (კან. 31:12).

კრების შეხვედრებისთვის იეჰოვასადმი მადლიერება აღგვძრავს, რომ შეხვედრებზე თავის დროზე მივიდეთ და მზად ვიყოთ სწავლისთვის. კარგი იქნება, თუ დარბაზში წინა ადგილებს დავიკავებთ და უკანა ადგილებს მათ დავუტოვებთ, ვისაც პატარა ბავშვები ჰყავს ან ვისაც შემთხვევით დააგვიანდება. მობილური ტელეფონები შეხვედრის დაწყებამდე უნდა გამოვრთოთ ან უხმო რეჟიმზე გადავიყვანოთ, რომ პროგრამის მსვლელობისას სხვებს ხელი არ შეუშალოს მოსმენაში. ხელისშემშლელი ფაქტორები, რამაც შეიძლება ყურადღება გაგვიფანტოს, მინიმუმამდე იქნება დაყვანილი, თუ მთელი შეხვედრის განმავლობაში ღირსეულად მოვიქცევით (ეკლ. 5:1; ფილ. 2:4).

როდესაც ახალი დაინტერესებული შეხვედრებზე დასწრებას იწყებს, კრების იმ წევრმა, რომელიც მას იცნობს, შეიძლება გვერდით დაჯდომა შესთავაზოს. ეს განსაკუთრებით მაშინ არის კარგი, როცა დაინტერესებულს პატარა ბავშვებიც ჰყავს მოყვანილი. კრებაზე დასწრება ამ ოჯახისთვის შეიძლება სიახლე იყოს. თუ ასეა, მათთვის ალბათ სასურველი იქნება, თუ შეძლებენ დარბაზის უკანა რიგებში დასხდომას, რათა ბავშვებმა ნაკლებად შეუშალონ ხელი სხვებს ან საჭიროების შემთხვევაში მშობლებს გაუადვილდეთ დროებით მთავარი დარბაზის დატოვება, რომ თავიანთ პატარებზე იზრუნონ (იგავ. 22:6, 15). უკეთესი იქნება, თუ მშობლები ბავშვებთან ერთად პატარა ოთახში არ დასხდებიან, სადაც ბავშვებმა შეიძლება თავისუფლად იგრძნონ თავი და იხმაურონ. ჩვეულებრივ უკეთესია, თუ მშობლები შვილებთან ერთად მთავარ დარბაზში ისხდებიან, საჭიროების შემთხვევაში ბავშვებს გაიყვანენ პატარა ოთახში, იზრუნებენ მათზე და შემდეგ ისევ მთავარ დარბაზში დაბრუნდებიან.

მომწესრიგებლები ყურადღებას აქცევენ, რომ თაყვანისცემის ადგილას ყველაფერი სათანადოდ ხდებოდეს. ისინი შესაბამისი ადგილების მონახვაში ეხმარებიან ოჯახებსა და დაგვიანებით მოსულებს. მომწესრიგებლები ყურადღებიანები, ტაქტიანები და დაკვირვებულები უნდა იყვნენ, რომ ადგილების მოძებნისას სხვებს ზედმეტად არ შეუშალონ ხელი. ხელისშემშლელი გაუთვალისწინებელი შემთხვევების დროს მომწესრიგებლები გამჭრიახობას ავლენენ. თუ ბავშვი აღარ ისვენებს და სხვებს აწუხებს, მათ შეიძლება მშობლებს ტაქტიანად შესთავაზონ დახმარება.

ყველა მშობელს შეუძლია ხელი შეუწყოს იმას, რომ თაყვანისცემის ადგილას თითოეულმა დამსწრემ რაც შეიძლება მეტი ისწავლოს იეჰოვაზე და მშვიდობიან ახალ ქვეყნიერებასთან დაკავშირებულ მის განზრახვებზე (ებრ. 10:24, 25).