თესლი რომ გაიზარდოს, საჭიროა მორწყვა
1. რა უნდა მოვრწყათ, რომ გაიზარდოს?
1 ბაღში დათესილი მცენარე რომ გაიზარდოს, საჭიროა მისი მორწყვა. იმავეს თქმა შეიძლება ჩვენს სამქადაგებლო ტერიტორიაზე მცხოვრებ ადამიანთა გულებში ჩათესილ ჭეშმარიტების თესლთან დაკავშირებითაც (1 კორ. 3:6). თუ გვინდა, რომ ამ თესლმა ფესვი გაიდგას, გაიზარდოს და ნაყოფი გამოიღოს, საჭიროა განმეორებით მივიდეთ მათთან და მოვრწყათ ფიგურალური თესლი.
2. როგორ შეგვიძლია საფუძველი ჩავუყაროთ განმეორებით მონახულებას?
2 დასვი კითხვა: შეთავაზების მომზადებისას კარგი იქნებოდა, მოგემზადებინა ინტერესის აღმძვრელი კითხვა, რომელსაც განმეორებითი მონახულებისას გასცემდი პასუხს. კითხვა პირველი მონახულების ბოლოს დასვი და მოილაპარაკეთ კონკრეტულად, როდის მიხვალ განმეორებით. მრავლისთვის პრაქტიკული აღმოჩნდა წიგნიდან „რას გვასწავლის ბიბლია?“ ზოგიერთი საკითხის განხილვა. ეს მათ დაეხმარა მობინადრისთვის ეჩვენებინათ, როგორ ტარდება ბიბლიის შესწავლა.
3. რა ინფორმაცია შეგიძლია ჩაიწერო?
3 გააკეთე ჩანაწერები: საუბრის დამთავრებისთანავე გააკეთე ჩანაწერები. ჩაიწერე მობინადრის სახელი და მისამართი. კარგი იქნება, თუ ჩაიწერ საუბრის თარიღს და დროსაც. აგრეთვე ჩაინიშნე, რაზე ისაუბრეთ და რომელი ლიტერატურა დაუტოვე. ხომ არ უთქვამს, რომელი რელიგიის მიმდევარია? ჰყავს ოჯახი? ხომ არ უხსენებია, რა აინტერესებს ან რა აღელვებს? ეს ინფორმაცია მომავალში მობინადრესთან საუბარს გაგიადვილებს. აგრეთვე ჩაიწერე, როდის მიაკითხავ განმეორებით და რა კითხვა დატოვე ღიად.
4. რატომ არ უნდა შევწყვიტოთ მათთან მისვლა, ვინც ინტერესი გამოავლინა?
4 ნუ შეწყვეტ დაინტერესებულთან მისვლას: სატანა გამუდმებით ცდილობს, წაიღოს ადამიანთა გულებში ჩათესილი სიტყვა (მარ. 4:14, 15). ამიტომ, ნუ შეწყვეტ მისვლას, თუ დაინტერესებული სახლში არ გხვდება. კარგი იქნება, თუ წერილს გაუგზავნი ან კარებთან პატარა ბარათს დაუტოვებ. პიონერმა დამ ერთ ქალთან კარებთან ბიბლიის შესწავლა დაიწყო, მაგრამ შემდეგ ეს ქალი სახლში არ ხვდებოდა. ამიტომ ამ დამ მას წერილი გაუგზავნა. და ერთხელ, როდესაც მას ეს ქალი სახლში დახვდა, ქალმა უთხრა, რომ ძალიან ესიამოვნა მის მიმართ გამოვლენილი ყურადღება. თუ ჩათესილ ჭეშმარიტების თესლს რწყავ, საკუთარ თავზე გამოცდი იმ სიხარულს, რომელიც თესლის გაღივებას, გაზრდასა და ნაყოფის გამოღებას მოაქვს, იქნება ეს ოცდაათი, სამოცი თუ ასი (მარ. 4:20).