წყაროები — „ჩვენი ქრისტიანული ცხოვრება და მსახურება“

4—10 მარტი

ღვთის სიტყვის საუნჯე | რომაელები 12—14

რას ნიშნავს ქრისტიანული სიყვარულის გამოვლენა

it „სიყვარული“ ¶5, 6

სიყვარული

ძმათმოყვარეობას (ბერძნ. ფილადელფია, რაც სიტყვასიტყვით „ძმის სიყვარულს“ ნიშნავს) ქრისტიანული კრების ყველა წევრი უნდა ავლენდეს (რომ. 12:10; ებრ. 13:1; იხ. აგრეთვე 1 პეტ. 3:8). კრების წევრებს ისეთივე ახლო, თბილი და მტკიცე ურთიერთობა უნდა ჰქონდეთ ერთმანეთთან, როგორიც ოჯახის წევრებს. მართალია, კრების წევრები ავლენენ ამ თვისებას, მაგრამ ბიბლია მოუწოდებს მათ, ეს „უფრო სრულად“ აკეთონ (1 თეს. 4:9, 10).

ბერძნული სიტყვა ფილოსტორგოს „სათუთი გრძნობების ქონას“ ნიშნავს და ორ ადამიანს შორის ძალიან ახლო, თბილ ურთიერთობას გულისხმობს. ამ შედგენილი სიტყვის ერთ-ერთი ფუძეა სტერგო, რომელიც ხშირად ოჯახის წევრებს არსებული თბილი გრძნობების აღსაწერად გამოიყენება. მოციქული პავლე მოუწოდებდა ქრისტიანებს, განევითარებინათ ეს თვისება (რომ. 12:10). მან ისიც აღნიშნა, რომ ბოლო დღეებში ადამიანები „თბილ გრძნობებს მოკლებულები“ (ბერძნ. ასტორგე) იქნებოდნენ და დასძინა, რომ ამის გამო ისინი სიკვდილს იმსახურებენ (2 ტიმ. 3:3; რომ. 1:31, 32).

11—17 მარტი

ღვთის სიტყვის საუნჯე | რომაელები 15, 16

გამოიკვლიე ღვთის სიტყვის სიღრმეები

w89 12/1 24 ¶3

სიყვარულის სიწრფელის გამოცდა

ცხადია, უცხოტომელ ქრისტიანებს დახმარების ხელი უნდა გაეწოდებინათ გასაჭირში მყოფი იერუსალიმელი თანაქრისტიანებისთვის. ისინი ხომ იერუსალიმში მცხოვრები ქრისტიანების „მოვალენი“ იყვნენ, რადგან პირველად სწორედ იქ მოისმინეს უცხოტომელებმა სასიხარულო ცნობა. პავლეს მიაჩნდა, რომ ვინაიდან ებრაელმა ქრისტიანებმა თავიანთი სულიერი ძღვენი გაუზიარეს უცხოტომელებს, ეს უკანასკნელნი ვალდებულნი იყვნენ, ხორციელად მომსახურებოდნენ მათ (რომაელები 15:27).