რა ხდება მსოფლიოში?

არქტიკა

„ზაფხულის პერიოდში ყინულის მოცულობა იმის მეოთხედს შეადგენს, რაც 30 წლის წინ იყო“, — აღნიშნავს კემბრიჯის უნივერსიტეტის პროფესორი ზღვის ფიზიკის დარგში პიტერ ვადემსი. 2012 წელს დაახლოებით 50-მა გემმა ისარგებლა ჩრდილოეთის საზღვაო გზით, რომელიც გლობალური დათბობის შედეგად გაიხსნა.

მსოფლიო

დედის რძეში 700-ზე მეტი ბაქტერია აღმოაჩინეს, რამაც ექსპერტების მოლოდინს გადააჭარბა. სპეციალისტები დღემდე იკვლევენ ამ ბაქტერიების სასარგებლო გავლენას ბავშვის საჭმლის მომნელებელ თუ იმუნურ სისტემაზე.

ბრიტანეთი

ბრიტანელი მეცნიერების მიერ ჩატარებული საცდელი კვლევის შედეგად აღმოჩნდა, რომ მძღოლები, რომლებსაც სურდო ჰქონდათ, უფრო ნელა რეაგირებდნენ, ვიდრე ნასვამი მძღოლები.

კონგოს დემოკრატიული რესპუბლიკა

აფრიკაში ადგილი აქვს სპილოების ხოცვა-ჟლეტვის, როგორც ამბობენ, უპრეცედენტო შემთხვევებს. ეშვის გამო ყოველ წელს ათიათასობით სპილოს კლავენ. მაგალითად, ერთხელ რამდენიმე სპილო ცეცხლსასროლი იარაღით მოკლეს. როგორც ჩანს, მათ ვერტმფრენიდან თავში ესროლეს.

ავსტრალია

გასული 27 წლის განმავლობაში დიდ ბარიერულ რიფში ცოცხალი მარჯნის ნახევარი განადგურდა. მეცნიერების აზრით, უმეტესწილად ეს გამოიწვია ტროპიკულმა ციკლონებმა და ზღვის ვარსკვლავთა [Acanthaster planci] შემოტევამ. გარდა ამისა, ოკეანის წყლის ტემპერატურის მატება განაპირობებს მარჯნის გაუფერულებას.